Skip to main content

2 Konings 6:1-23

Written by Chris van Wyk on . Posted in Kronologiese Bybelleesplan.

God kan in alles vertrou word om uitkoms te gee

Die verhaal van Elisa as wonderwerker word voortgesit, waarin hy ‘n arme profeet help om ‘n bylkop weer te vind, sowel as om in internasionale konflik die Arameërs se bedreiging ‘n paar keer af te weer eers deur insig in hulle planne, en dan deur die blindheid waarmee hulle geslaan word. Elisa se vermoë om die Aramese strooptogte op Israel te stop, onderstreep weereens die krag en gesag waarmee die Here hom geseën het. Hy weet wat ander agter geslote deure beplan, en sien selfs bonatuurlike wesens wat vir ander mense onsigbaar is.

Teks en konteks

Met die uitbreiding van die profetegroep beplan hulle ‘n gesamentlike woonplek wat dit waarskynlik meer koste effektief sou maak as dat elkeen in sy eie plek bly (vgl die weduwee van die profeet wat in haar eie huis bly – 1 Kon 4; dieselfde is waar in Samuel se tyd waar van woonkwartiere in die meervoud gepraat word – 1 Sam 19:18).

Hulle nooi vir Elisa saam na die Jordaan waar hulle hout vir die bouwerk bymekaar gemaak het. Toe een van hulle ‘n geleende bylkop van yster in die water verloor, gooi Elisa ‘n stukkie hout in die water wat die kop op wonderbaarlike manier laat dryf sodat die profeet nie in die verleentheid kom nie. Yster was baie duur in daardie tyd en die profeet sou moontlik ‘n slaaf moes word om met sy arbeid daarvoor te betaal. Elisa red hom dus van ‘n slawebestaan.

Die verhaal van God se hulp aan ‘n profeet word opgevolg met ‘n verhaal van sy hulp aan die hele Noordryk. Die tydperk van hierdie oorloë tussen die Arameërs en die Israeliete word egter nie presies gedefinieer nie, en ook nie hulle konings nie.

Op bonatuurlike wyse kan Elisa die koning van Israel help om ‘n paar keer die aanvalle van die koning van Aram die hoof te bied, omdat hy presies vir die koning kan sê waar die aanvalle sou plaasvind.

Elisa se nabyheid aan die Here laat die Arameërs later dink dat Elisa alomteenwoordig is, en weet wat selfs in die Aramese koning se slaapkamer gebeur!

Die koning van Aram trek egter teen Elisa op en omsingel die dorp Dotan toe hy ‘n keer daar was. Toe sy dienaar – waarskynlik Gehasi – radeloos vra wat hulle teen die oormag kan doen, vra Elisa dat sy oë oop gemaak word vir die leërskare van die Here wat beskikbaar is om hulle te help.

Elisa bid met die naderkom van die Arameërs dat die Here hulle met blindheid moet slaan waarna hy hulle na Samaria toe neem en in die mag van die koning van Israel oorhandig.

Let op hoe die Here se barmhartigheid geïllustreer word met die ete wat die Arameërs in Samaria te beurt val, eerder as die dood. Dit het ‘n verposing gebring in die konstante aanvalle van die Arameërs.

Boodskap en betekenis

Die kombinasie van die verhaal van die drywende byl en die gasvryheid vir die blinde vyande gee vir ons ’n visie op God wat ’n mens met alles kan vertrou, omdat Hy nie net besorgd is oor die groot dinge wat almal se lewens raak nie. Hy is ook besorgd oor die kleiner dinge wat in die alledaagse lewe verkeerd loop. Die welsyn van sy getroue diensknegte is vir die Here belangrik.

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar

  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.