Ek deel graag in hierdie nuusbrief ‘n refleksie “Wanneer die storm kom”, ‘n paar veranderinge in my opdrag in Veritas, twee getuienisse van ons MA studente, ‘n getuienis uit die Libanon waar ons fondasie opleiding regtig grond gevat het, ‘n paar gebedsversoeke onder andere vir die groei in my bediening en ek sluit met ‘n persoonlike woord van bemoediging.
Die afgelope maand het ek en Herman Steyn (regs bo) deur Namibië gereis vir Veritas, ‘n reis wat Herman spitsvondig as ‘n “Paulus en Barnabas” reis getipeer het. Hierdie nuusbrief fokus op die dinge wat ons daar ervaar het.
Die beplanning vir die reis het reeds in Oktober 2024 begin op ‘n Predikantekonferensie waar ek as spreker opgetree het. Die behoefte is daar uitgespreek vir die aanbied van module 1 op ‘n paar plekke in Namibië. Uiteindelik sou Keetmanshoop, Windhoek, Tsumeb en Aroab op hierdie reis as opleidingsentra dien.
Lees meer…
Beste Leser
Van hierdie “happy space” werk ek al die afgelope twee jaar vir Veritas College International as hulle direkteur vir bediening en geestelike vorming. Op die skerm links is my Bybelprogram, Logos, oop by Spreuke 8-9 wat ek besig is om voor te berei vir die MA klas binnekort oor die wysheidsliteratuur (OT602). Aan die linkerkant van daardie skerm is 9 Bybels oop wat met mekaar sinkroniseer soos ek vers vir vers daardeur werk. Aan die regterkant is 12 kommentare oop wat ook daarmee sinkroniseer wat ek van tyd tot tyd raadpleeg.
Op my rekenaar in die middel is die Spreuke 8-9 teks oop wat ek besig is om te eksegetiseer vir die memorandum wat ek gaan gebruik vir die assessering. Die kleure is om die onderskeie karakters en temas in die lang gedig oor Vrou Wysheid van mekaar te onderskei. Die blokke is om die betekenis eenhede te kan onderskei van mekaar met opmerkings aan die regterkant wat die boodskap daarvan opsom om uiteindelik die absolutes te kan formuleer wat ‘n mens vandag ook kan toepas in jou geestelike lewe. Langsaan aan die regterkant is my iPad wat ek vir leeswerk gebruik.
Dit is hier waar my aanlyn zoom klasse gebeur. Onder andere die volgende een waarin ons oor die wysheidsliteratuur gaan gesels en die studente ‘n taak gaan uitwerk om Spreuke 8-9 te eksegetiseer, toe te pas, en aan ‘n groep van hulle keuse te kommunikeer.
Die is ook hier waar my Bybelskool bydraes hulle ontstaan het. Voorwaar ‘n vreugde en voorreg om in hierdie fase van my bediening soveel dieper te kan werk met die insigte wat die Woord vir ons gee.
Ek skryf hierdie nuusbrief vanaf die 78ste jaarvergadering van The Association for Biblical Higher Education (ABHE) in Orlando, Florida, saam met Dawie van Vuuren (dekaan, heel regs), en Bennie Wolvaardt (president, net links van Dawie).
ABHE is die liggaam in die VSA wat die internasionale akkreditasie van ons Graduate School hanteer.
Besonder treffend was die bydrae van Dr. Michael Lindsay. Hy is ‘n Invloedryke leier in opvoeding in die VSA en tans die president van Taylor University in Upland, Indiana.
Lindsay het gefokus op temas uit sy boek Hinge Moments: Making the Most of Life’s Transitions waarin hy skryf oor die geleenthede waar deure oop (of toe) gemaak word wat die koers van ons lewe radikaal verander.
Hy het dit geïllustreer met insidente uit sy eie lewe. Op persoonlike vlak met die geboorte van hul eerste dogter wat met ‘n raar genetiese afwyking gebore is. En op ‘n professionele vlak met die roepstem van die Here wat hom gelei het om van Gordon College na Taylor Universiteit te skuif tsv groot sukses in die hantering van groot uitdagings by Gordon College, onder andere om die vervolging van die Menseregtekommissie rondom LGBTQIA+ kwessies op hulle kampus die hoof te bied met groot persoonlike koste.
Jy kan hier na ‘n podcast luister waarin hy sy boek en van dié voorbeelde bespreek.
‘n Gebed wat hom in dié tye gehelp het, is ‘n gebed wat genoem kan word: “Prayer of indifference” (nav Ruth Haley Barton se boek met dié titel). D.w.s. ‘n gebed waarin jy eerder God se wil soek as jou eie; waar jy besluit om God se wil te doen, maak nie saak wat dit jou kos nie; waar jy in belang van ander intree by die Here, ongeag watter invloed dit op jou eie persoon en behoeftes het.
Soos Jesus in Getsemane: “My Vader, as dit nie moontlik is dat hierdie beker verbygaan sonder dat Ek dit drink nie, laat u wil geskied.” (Matt 26:42)
‘n Goeie Afrikaanse vertaling is miskien: “Gebed van afstand” of “Gebed van berusting” (eerder as “onverskilligheid”, want dit kan verkeerd verstaan word).
Só ‘n gebed is noodsaaklik as ‘n mens die Here se wil soek rondom die skarnieroomblikke in jou lewe, anders kies ‘n mens te maklik vir dit wat gemaklik of bekend is.
|
|
 |
|
|
|
|
|
|
|
Onlangse kommentaar