Skip to main content

Matteus 15

Written by Chris van Wyk on . Posted in Kronologiese Bybelleesplan.

Jesus ontbloot die skynheilige tradisie van die Fariseërs

In hierdie gedeelte van Matteus, waar Jesus die skynheiligheid van die Fariseërs aan die kaak stel en die ware betekenis van reinheid en geloof verduidelik, wys Hy vir ons hoe die werklike reinheid nie in eksterne rituele lê nie, maar in ‘n hart wat deur God se genade verander word. Jesus se bediening is insluitend, voorsienend, en daarop gemik om diegene wat met ware geloof na Hom toe kom, te genees en te voed. Hy roep ons op om nie net die eksterne skynheiligheid van die samelewing te volg nie, maar om ons harte aan die waarheid van God se Woord te onderwerp en ware reinheid van binne te soek.

Teks en konteks

Die probleem van skynheiligheid en geldgierigheid (Matteus 15:1-9)
Die Fariseërs en skrifkenners kom na Jesus en argumenteer met Hom oor die tradisie van handewas voor ete, wat nie deel van die Skrif was nie, maar ‘n menslike toevoeging. Jesus ontbloot die skynheiligheid van hierdie tradisie wat die Skrif ontkrag, en wys hoe hulle mense se finansiële oorlewing manipuleer deur die “korban”-wet, wat mense toelaat om hulle ouers se sorg na te laat vir geskenke aan die tempel. Hierdie skynheiligheid is verwant aan wat Jesaja gesê het oor diegene wat God se wil met menslike tradisies verwissel (Jes 29:13).

Boodskap en betekenis

Dink vandag ná oor dinge in julle lewe wat jy of ander glo en doen wat nie direk só in die Skrif beveel of geleer word nie. Uiteraard is die Skrif nie ‘n handboek wat vir verskillende wetenskappe gebruik word nie. Maar, daar is nie ‘n deel van die morele en geestelike lewe van die mens wat nie deur die Skrif aangespreek word nie. Hoe dieper ons ons daarin verdiep om daarvolgens te lewe, hoe beter sal ons die skynheilige leerstellings van hierdie wêreld raaksien.

Reinheid kom van binne, nie van buite nie (Matteus 15:10-20)
Jesus benadruk dat reinheid nie van buite af kom deur fisiese rituele nie, maar van binne uit die hart. Slegte gedagtes, soos moord, owerspel, diefstal, en vals getuienis, kom uit die hart en dit is wat ‘n mens onrein maak. Die Fariseërs se fokus op uiterlike reëls maskeer die werklike probleem van die sondige hart van die mens.

Boodskap en betekenis

Ek dink ons koop te maklik die moderne samelewing se mantra van insluiting en aanvaarding. Só asof alles en almal aanvaarbaar, goed en reg is. Jesus is egter duidelik daaroor dat die Fariseërs se skynheilige leringe nie net ontbloot moet word nie, maar dat daar geen gemeenskap met hulle gehou moet word nie. Gaan van hulle af weg. Moenie na hulle luister nie. Dit is die opdrag wat Hy hier vir sy dissipels gee.

Die Kanaänitiese vrou se geloof (Matteus 15:21-28)
Jesus ontmoet ‘n Kanaänitiese vrou wat Hom smeek om haar demoonbesete dogter te genees. Aanvanklik ignoreer Jesus haar, wat duidelik die vroeë beperking van sy bediening tot Israel as volk aandui, maar haar volharding en groot geloof lei Hom om haar gebed te antwoord en haar dogter te genees. Haar geloof word geprys en haar kind genees, wat die onbegrensdheid van God se genade ook vir die heidene simboliseer.

Boodskap en betekenis

Watter wonderlike woorde om te hoor: “Laat dit vir jou gebeur soos jy dit wil hê.” Dit nooi ons uit om in enige krisis in ons lewe met groot vertroue op die Here Jesus se ingrype staat te maak. Binne só ‘n verhouding is enigiets moontlik.

Genesing langs die See van Galilea (Matteus 15:29-31)
Jesus genees baie mense wat Hom gevolg het langs die See van Galilea, wat die profetiese vervulling van die Messias in Hom aandui. Dit is opmerklik dat die mense die God van Israel verheerlik, omdat hulle die konneksie gemaak het met die OT voorspelling van die Messias (Jes 35:5-6).

Boodskap en betekenis

Die verhaal van die menigte in ‘n meer “heidense” gebied vul die verhaal van die enkele Griekse vrou in die noorde van die gebiede van Tirus aan. Jesus het sy bediening toegespits op Jode, maar dit was van die begin af onmoontlik om die effek op die heidense nasies te beperk.

Die tweede broodvermeerdering (Matteus 15:32-39)
Jesus herhaal die wonder van broodvermeerdering, wat nie net die Jode nie, maar ook die heidene (soos in Dekapolis) in sy voorsiening laat deel. Jesus neem sewe brode en ‘n paar visse, bedank God, en deel dit uit. Almal word versadig, en die oorskiet in sewe mandjies simboliseer die volheid en volledigheid van God se voorsiening, selfs vir die heidene.

Boodskap en betekenis
Die dissipels sukkel om die wonderwerke wat hulle al in Jesus se teenwoordigheid ervaar het, as ‘n normale deel van sy bediening te verwag. Hulle sukkel om verder te kyk na wat God kan voorsien, en bly vasgevang in ‘n verbeelding wat net werk met hulle eie beperkte bronne. Jesus laat Hom egter nie daardeur afsit nie. Hy bly geduldig, bly werk aan hulle begrip van Wie Hy is, en wat Hy (kan) doen.

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.
  • sparklybc467b2e69 on Psalm 107:1-9Psalm 1:1 Stel dit so mooi hoe ons, ons pad moet hou en dat ons moet hou en bly by GOD se gebooie
  • sparklybc467b2e69 on Psalm 106:43-48Goeie naand, Psalm 106: 28 Kan u asb vir my verduidelik wat Baâlpeor is ? Baie dankie Amanda