Skip to main content

Ngkerksomerstrand.co.za herleef as ‘n webtuiste met hulpmiddels vir gemeentes

Written by Chris van Wyk on . Posted in Nuus. 2 Comments on Ngkerksomerstrand.co.za herleef as ‘n webtuiste met hulpmiddels vir gemeentes

NGK Somerstrand het ‘n nuwe webtuiste geskep wat fokus op die bedieninge en aktiwiteite van die gemeente. Jy kan dit bereik by ngkerksomerstrand.com.

Die ou webtuiste by ngkerksomerstrand.co.za het egter baie hulpmiddels wat oor die jare ontwikkel is en in groot aanvraag in gemeentes is. Die gemeente van Somerstrand het daarom aangebied dat ek dit oorneem en in stand hou sodat mense dit steeds kan gebruik.

Ek nooi jou dus uit om die hulpmiddels wat hier is, te benut in jou bediening. Dit is gratis en verniet. Dit sal wel ‘n tyd neem om die webtuiste nuut te organiseer. Gebruik gerus die soekfunksie om na temas of Skrifgedeeltes te soek.

Chris van Wyk

Veritas module 2 aanlyn opleiding – Mei tot Junie 2025

Written by Chris van Wyk on . Posted in Nuus, Veritas. 2 Comments on Veritas module 2 aanlyn opleiding – Mei tot Junie 2025

VERITAS FONDASIE OPLEIDING AANLYN OPLEIDING AANLYN

MODULE 2 REGISTRASIE

9 Mei 2025 TOT  17 Junie 2025
VERITAS KOLLEGE FONDASIE OPLEIDING AANLYN MODULE 2 REGISTRASIE
9 Mei 2025 TOT 17 Junie 2025Goeie dag,

Veritas Kollege Suid-Afrika nooi u graag uit om deel te neem aan die Fondasie  Opleiding Module 2 Oggendklasse, wat aanlyn via Zoom in Afrikaans aangebied sal word. Dit begin op 9 Mei 2025 om 09:00.

’n Vereiste vir deelname is die voltooiing van Module 1.

Module 2 dek onder andere die volgende onderwerpe:

  • Inleiding tot die Pentateug
  • Geskiedkundige boeke van die Ou Testament
  • Ou en Nuwe Verbond
  • Bediening aan kinders
  • Etiese besluite
  • Gesinslewe -Familie en Huwelik

Registrasie sluit op 25 April 2025.

• Hier is die Module 2 Deelnemer-Afrikaans Skakel vir registrasie:
Module 2 Oggend klasse aanlyn Registrasie

Opleiding vind weekliks plaas van 9 Mei 2025 tot 17 Junie 2025, elke keer van 09:00 tot 12:00 aanlyn via Zoom. Neem asseblief kennis dat daar in sommige weke meer as een klas kan wees.

’n Zoom-skakel sal voorsien word deur die Fasiliteerderspan (Drr. Chris van Wyk, Tiesie de Coning, Herman Steyn).

Logistieke reëlings vir registrasie:

  1. Voltooi asseblief die aanlyn registrasievorm teen 25 April 2025. (Let wel: Geen registrasies sal ná 25 April 2025 aanvaar word nie.)
  2. Betaling: R550-00 word vereis vir deelname aan Module 2, betaalbaar teen 30 April 2025.
Account Name:  Veritas College SA
Bank: ABSA
Account Type:  Cheque
Account Number: 4054793738
Branch Code: 334410 / Universal code:  632005
Reference for Payment: 800566 and add your Name & Surname
Email Proof of Payment: imundey@veritascollege.org

Prontuit die Waarheid – Die storielyn en boodskap van Jesus in die vier Evangelies

Written by Chris van Wyk on . Posted in Boeke, Nuus. No Comments on Prontuit die Waarheid – Die storielyn en boodskap van Jesus in die vier Evangelies

As iemand jou vra: “Wat glo jy van Jesus?” kan jy gemaklik sy storielyn en boodskap oordra? Sy kinderjare. Sy reise. Sy gesprekke. Sy wonders, woorde en werke. Sy boodskap en betekenis. Dit is nie só eenvoudig nie, nê?

Ek het ‘n opeenvolgende sinopsis van die vier Evangelies geskep in 535 perikope om jou daarmee te help. My bydraes fokus op die teks en konteks, sowel as op die betekenis en boodskap daarvan.

Daar is ‘n voorskou van die boek by hierdie skakels as lusmaker:

Delf dieper deur Openbaring

Written by Chris van Wyk on . Posted in Nuus, Openbaring. No Comments on Delf dieper deur Openbaring

Delf dieper deur Jesus se Openbaring aan Johannes @youversion.

Elke dag bied opeenvolgende gedeeltes uit Openbaring met insiggewende kommentaar op hierdie kragtige visioene wat steeds relevant is vir vandag. Jesus se boodskap is duidelik: “Ek kom gou!” Die seëls is gebreek, die trompette blaas, en die bakke van God se verlossende oordeel word uitgegiet. Openbaring trek die gordyn oop vir ’n geestelike werklikheid waarin gelowiges geroep word om getrou te volhard as koninkryk van priesters vir God, ten spyte van die bose aanslag op hulle lojaliteit.

Die bydraes sal in November ook deel uitmaak van die kronologiese Bybelleesplan.

Skakel

Almal lees die Bybel anders? Gesprek oor hermeneutiek

Written by Chris van Wyk on . Posted in Hermeneutiek, Nuus. No Comments on Almal lees die Bybel anders? Gesprek oor hermeneutiek

Hier is ‘n video van my gesprek met ds Dubois du Toit van NGK Suiderhof in Namibië oor die kern belangrike onderwerp van ‘Hermeneutiek’. Dit is die kuns van hoe ons die Bybel lees en interpreteer.

Ons interpretasie van die Bybel is sekerlik die sentrale brandpunt in die groot gesprekke, frustrasie en sogenaamde ‘vasgelooptheid’ in die NG kerk (en vele kerke globaal).

Inhoudsopgawe:

00:00 Meer oor dr. Chris van Wyk
05:14 Inleiding van onderwerp
07:00 Wat is Bybelse interpretasie (2 Historiese skole van interpretasie)
23:00 Almal lees die Bybel anders?
41:03 Die Jesus van die teks vs. die Jesus van die geloof?
46:02 Stockholm syndrome Christians
47:24 Wat is die rol van die Heilige Gees in Skrifuitleg?
1:00:41 Wat bedoel ons met “onfeilbare Woord van God”?
1:11:22 Die Hermeneutiek van die slang “Het God ‘werklik’ gesê?”
1:13:48 Ons Godsverstaan deur mense geskep?
1:21:25 Waarvoor gebruik ons die Bybel (The book of Eli)

Onlangse kommentaar

  • Chris van Wyk on DaniëlHi Elma, ek het so 15 verwysings na Daniël in die komende bydraes van Openbaring by die kronologiese lees van die Bybel. Ek het ook 'n paar verwysings na Openbaring in die vorige bydraes van Daniël. Maar, ek het dit nie pertinent êrens hanteer nie.
  • Elma Bosch on DaniëlDs Chris, daar is sekere ooreenkomste in Daniel en Openbaring - Het jy dit al in die verlede behandel en indien wel, waar kan ek dit vind? Of gaan ons dit behandel wanneer ons Openbaring later doen met die kronologiese leesplan? Baie dankie Elma
  • Chris van Wyk on JESAJA 6:1-8God praat hier met almal in sy teenwoordigheid in die hemel, ook met Jesaja wat die voorreg van hierdie openbaring kry. Hy wil iemand stuur om sy boodskap aan die volk te gaan lewer. Jesaja reageer positief en word dan gestuur om God se boodskapper te wees.
  • Miche Africa on JESAJA 6:1-8Wat is die betekenis van Jesiah 6 vers 8
  • Chris van Wyk on Matteus 11 – Kom na My toe en Ek sal julle rus geeWanneer Jesus in Matteus 11:6 sê: “Geseënd is hy wat nie aan My aanstoot neem nie,” bedoel Hy dat ons gelukkig is as ons nie ophou glo omdat God dinge anders doen as wat ons verwag het nie. Johannes die Doper het gedink die Messias sou oordeel bring, maar Jesus bring eers genesing en redding. Dit wa…
  • optimistica231f5e58a on Matteus 11 – Kom na My toe en Ek sal julle rus gee"Vers 6 is dan ’n baie spesifieke oproep aan Johannes om nie aan Jesus aanstoot te neem, omdat hy in die tronk is en nie wonders ervaar nie. Dit is mense wat leer om met die paradoks van onvervulde beloftes te lewe en nie aan Jesus aanstoot neem in die proses nie, wat geseënd is. Mense wat hulle lew…
  • Chris van Wyk on Efesiërs 6:10-24Dankie Carel!
  • cupcakevaliantlye36950698b on Efesiërs 6:10-24Uitstekende uitleg van die teks, baie dankie Chris! Ons stryd is wel teen die bose, maar ons fokus is nie op hulle nie, ons fokus op ons Here, op ons herstelde verhouding met Hom en op mense wat die goeie nuus nodig het. Kosbaar! Groetnis en seën Carel Smith
  • Chris van Wyk on Boek oor OpenbaringLekker om te hoor!
  • Emmarentia Vermeulen on Boek oor OpenbaringOns dames Bybelstudie groep is besig om die boek te behandel, ons trek na 8 maande by hoofstuk 7. Ons doen dit baie stadig en deeglik en ons leer baie. Baie dankie. Vanuit Perth, Wes Australië.
  • runawayjoyous2427b27b07 on Boek oor OpenbaringBaie baie dankie!!
  • inventive3b503adfaf on Boek oor OpenbaringVreeslik dankie! God's seën!
  • Chris van Wyk on Psalm 121 – God, jou Beskermer, slaap nieDie Here, die Beskermer, is soos die skaduwee aan jou regterhand, d.w.s. as jy jou skild in jou linkerhand hou, soos soldate dit gewoonlik gedoen het, sal Hy aan jou onbeskermde kant die wag hou. Hy is daar waar jy nie kan bykom nie. GOD SORG VIR JOU TEEN ONVOORSIENE AANVALLE.
  • Marius smit on Psalm 121 – God, jou Beskermer, slaap nieHoekom beskerm die Here jou juis aan jou regterkant?
  • runawayjoyous2427b27b07 on Eenjaar Bybelleesprogram – 366 daeBaie dankie!