Bybelskool

Openbaring

Hoe om die Bybelboek te lees

Die Bybel moet ons lewe vorm. Daarvoor is dit nodig dat ons leer om die Bybel te leef terwyl ons dit lees. Daardeur hoor ons die stem van God in die Bybel, leer ons hoe om Jesus prakties te volg, en skryf die Gees ons in God se verhaal met die wêreld in.

Een van die maniere wat gelowiges deur die eeue gebruik het om die Bybel só te lees, dat dit jou lewe beïnvloed, jou transformeer, is Lectio Divina, geestelike of goddelike lees.

Gebruik die volgende metode om hierdie Bybelboek deur te werk:

RUS

  • Raak stil. Dink na oor wat die afgelope 24 uur gebeur het. Dank God vir die goeie. Gee vir Hom die slegte.

HOOR

  • Lees die gedeelte in die Bybel soos dit aangetoon word. Fokus op wat jou tref.
  • Lees my bydrae oor die gedeelte.
  • Kies een gedagte wat jou tref en dink daaroor na. Dink veral oor die praktiese betekenis daarvan vir jou.
  • Antwoord die Here in gebed.
  • Geniet ‘n paar oomblikke die teenwoordigheid van die Here sonder woorde.

LEEF

  • Besluit op ‘n praktiese manier om op God se woord aan jou te reageer.
View all posts in this series
     

Comments (2)

  • Avatar

    Elna

    |

    Hi Chris
    Is dit moontlik om die studie materiaal tov die boek Openbaring as een eboek te onvang?
    Ons wil met die boek as bybelstudie begin maar wil nie elke hoofstuk apart aflaai nie

    Laat weet asb aspa

    Groete

    Elna

    Reply

    • Avatar

      Chris van Wyk

      |

      Hi Elna.
      Ek beoog om al die Bybelboeke as eboeke (en ook in gedrukte vorm) beskikbaar te stel. Aanvanklik sal ek self daarmee werk, maar ‘n uitgewer stel belang om dit as ‘n geheel vir my te publiseer. Openbaring is egter nog nie beskikbaar nie. Ek sou in die loop van Julie dié boek kon klaarmaak. Daar sal egter wel ‘n koste daaraan verbonde wees, soos jy met die 6 eboeke wat reeds beskikbaar is, sal sien. Dit sal ongeveer in daardie ordegrootte wees. Vir dié wat belangstel, hier is skakels na die 6 eboeke wat ek al beskikbaar gestel het:

    • Hebreërs
    • Jesaja
    • Johannes
    • Hooglied
    • Prediker
    • Spreuke
    • Reply

Leave a comment

Onlangse kommentaar

  • Avatar

    Herman Steyn

    |

    Hallo Chris.

    Kan jy my die Excell file stuur wat jy na verwys in Markus asseblief.
    Ek geniet jou werk verskriklik baie. Baie insiggewend end leersaam.

    Ek het nog nooit tevore werk gekry wat so goed verduidelik word nie.

    Die Here se seën sky duidelik deur in jou en jou werk.

    Byvoorbaat dankie.

    Herman

  • Avatar

    bonita

    |

    Baie dankie vir u leering leer baie

  • Avatar

    Chris van Wyk

    |

    Ek is bly Gerhard. Geniet dit.

  • Avatar

    Gerhard

    |

    Good morning. Baie dankie vir die leering wat ek ontvang in die bybel skool wat ek ontvang. Die Here seen dit.

  • Avatar

    Chris van Wyk

    |

    Hi Hertha. Ek is bly! Ek het geskryf oor die Sabbat op verskillende plekke. Jy kan hier lees. Daar is ook ‘n skakel daarin na ‘n vorige skrywe van my oor die Sabbat. Dit was Saterdag, die sewende dag van die week.

  • Avatar

    Hertha

    |

    Baie dankie. Daar is darem nou lig vir my vir openbaring. Ek het net 1 vraag watter dag dink u is Sabbat?

  • Avatar

    Jan Louw

    |

    Baie dankie Chris vir hierdie helder skriflig. Ek ondersteun jou heelhartig!!

  • Avatar

    johanb

    |

    Dagsê Chris en lesers
    Dit is ‘n openbaring om die baie interessante boek, Josua te sien as die enigste boek in die Bybel wat die naam van Jesus het – dit moet dus iets besonders bevat. Die hele fisiese Joshua-stryd word vir ons baie sterk beklemtoon op ‘n geestelike en profeteiese wyse in die boek Efésiērs.
    Hoofstuk-10 is ‘n mini profetiese weergawe en tipologie van die groot globale styd aan die einde van die tyd soos in Daniel en veral Openbaringe – dieselfde figure en gebeure word gereflekteer – soos die koning van die konfederasie wat homself as “the Lord of righteousness” noem – die haelsteen stortvloed – die konings wat shuiling soek in die grotte ensovoorts – maar die ware “Lord of righteousness” gaan sy verkyning maak en alles van die wêreld orde vernietig – net soos in Josua beskryf – is dit nie wonderlik nie – Prys die Here wat die stryd voer.

  • Avatar

    Neels Hubinger

    |

    Dankie Chris vir die perspektief van “afhandeling, afronding, oorwinning, lofprysing” en sluit in ons tyd aan by ons Sondag van aanbidding, rus en lofprysing in die gemeenskap van gelowiges… Groete

  • Avatar

    Chris van Wyk

    |

    Hi Neels. Die kommentare fokus op ‘n kombinasie van twee Skriftradisies as agtergrond vir die sewe dae se liturgiese prosessie om Jerigo.

    1. Die eerste is die skeppingstradisie wat in herinnering geroep word. Soos die ses skeppingsdae uitmond op die sewende dag se rus (Gen 1), só gebeur dit ook met hierdie liturgiese prosessie om Jerigo. Die sewende dag bring afhandeling en afronding met die oorwinning oor Jerigo (Jos 6).
    2. Die tweede is die Uittogtradisie met die Paasfees en die fees van die ongesuurde brood. Dit het ook sewe dae aangehou en het geëindig met die viering van die oorwinning oor Egipte en die rus waarheen God hulle nou na Kanaän gaan lei (Eks 12-13). Onthou dat Israel ook só pas die Paasfees by Gilgal gevier het, waarin dié Uittog in herinnering geroep is. Hulle is nou in die tyd van die fees van die ongesuurde brood (Jos 5). Die liturgiese prosessie rondom Jerigo lê dus in die verlengde van dié fees. Die sewende dag bring dus hier by Jerigo ook oorwinning (Jos 6).

    Of dit ‘n Sabbatdag was, is egter onseker, want dit staan nie in die teks nie. Maar, dit sou sin maak as dit was. Hulle het in elk geval nie die trekkery om Jerigo opgeskort indien die Sabbatdag êrens anders in die week geval het nie.

%d bloggers like this: