Skip to main content

Job 17

Written by Chris van Wyk on . Posted in Kronologiese Bybelleesplan.

Wees tog vir my ‘n borg, o God!

Job sit sy gebed voort, maar rig dit hierdie keer direk aan God.  Job vra dat God nie net vir hom ‘n getuie sal wees in die saak tussen hulle nie, maar dat Hy nog meer sal doen.  Hy vra dat God vir hom sal instaan as borg, want dit is sy enigste hoop: “Wie anders kan vir my instaan?”

Wees tog vir my ‘n borg, o God – 17:1-5

Job ervaar regtig dat hy op sy laaste is, dat sy tyd verby is.  Net die graf bly vir hom oor.  As die Here nie vir hom opkom nie, sal hy aan die genade van sy drie vriende oorgelaat wees, en dié kan regtig nie meer enigiets van betekenis met hom deel nie: “U het die verstand van my vriende vir rede gesluit, moenie dat hulle seëvier nie.”  Hulle sal immers nie bereid wees om vir hom borg te staan en hulle besittings met hom as vriend te deel, terwyl hulle eie kinders dan potensieel gebrek sou kon lei nie.

Onder sy vriende kry Job nie een wat verstandig is nie – 17:6-10

Die ongemaklike waarheid oor sy drie vriende is dat nie een van hulle verstandig of mededeelsaam is nie. Hulle het al die kennis, maar dit baat hulle nie, want hulle maak die verkeerde gevolgtrekkings.

Die ongemak is verder dat Job se situasie nie net ‘n effek op hom het nie.  Ander opregtes en onskuldiges slaan hulle hande saam oor wat met hom gebeur, want dit behoort só te werk dat wie rein is voor God, in krag sal toeneem.  Job se ervaring trek nou egter ‘n streep deur dié wysheid.

Job se vriende kies egter steeds die kortste pad in hulle beoordeling van die situasie, en probeer nie saam met hom vra wat regtig aan die gang is nie, hoe die verlies verband hou met vroomheid nie, maar veroordeel hom slegs met hulle oppervlakkige en eenvoudige teologie van oorsaak-en-gevolg.

Job wanhoop aan ‘n uitkoms – 17:11-16

Job wanhoop egter aan ‘n uitkoms, want sy dae is besig om verby te vlieg.  Al sy planne en begeertes is eintlik op die ashoop saam met hom.  Sy vriende maak asof alles weer reg sal kom, maar hy sien daar niks van nie.  Die dag word nie donker, of die nag lig, net omdat jy sê dit sal so wees nie!

Hoewel Job daarom eintlik wens dat alles net verby sal gaan, dat hy die rus van die dood sal ervaar, is hy tog bang dat die hoop dat God sal antwoord daarmee ook sal sterf, en saam met hom na die doderyk toe sal afgaan.  In sy donkerste uur laat hy steeds die hoop op ‘n woord van God nie vaar nie.  Hy soek steeds ‘n Vriend, nie ‘n Vyand nie, ‘n Borg, nie ‘n Teëstander nie.

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Hannes. on Hoe het “Bid die Psalms” jou gehelp?Middag Dr. Chris, Baie dankie vir ‘n insiggewende reis deur Psalms. Dit het beslis gehelp om my persoonlike gebedslewe te verbeter, en ek glo sterk dat elke gebed beslis my verhouding met die Here verdiep op ‘n manier waar ek tans baie meer pligsgetrou is teenoor my persoonlike stiltetyd en gesprekk…
  • Kobus on Hoe het “Bid die Psalms” jou gehelp?Dit was vir my 'n wonderlike ervaring, ek kyk met 'n ander insig nou na die Psalms
  • Chris van Zyl on Hoe het “Bid die Psalms” jou gehelp?Bid die Psalms het vir my baie beter insig verskaf, veral die kontektualisering en verklarings wat elke gedeelte belig het. Ek is so dankbaar dat ek kon deel in hierdie bid-gerigte ervaring. Menige dag het ek gevoel dat die Psalm van die dag spesiaal vir my bedoel was. Dankie Chris van Wyk vir hierd…
  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…