Skip to main content

2 Samuel 8

Written by Chris van Wyk on . Posted in Kronologiese Bybelleesplan.

Die Here is by Dawid net waar hy gaan

In 2 Samuel 8 som die skrywer die oorloë op wat tydens Dawid se bewind plaasgevind het. Die lys is nie noodwendig alles-insluitend nie (ander veldtogte word later gelys), en ook nie in streng chronologiese volgorde nie. Dit lyk asof ‘n seleksie van Dawid se oorwinnings oor vyande in die weste (Filistyne), die ooste (Moabiete), die noorde (Arameërs) en die suide (Edomiete) vertel word. Die oorhoofse bedoeling is om te wys dat die Here vir Dawid sukses gee (2 Sam 8:6, 14), en die oorwinnings wat hy behaal, beveilig sy grense in alle rigtings.

Teks en konteks

Met die belofte van die Here in 2 Samuel 7 as fondament, bevestig Dawid sy koningskap met militêre poste regdeur al die gebiede wat hy verower en onderdanig maak aan hom. Sommige van dié aksies is grusaam, soos die onderwerping van die Moabiete in die ooste (volk van sy groot-ouma Rut – vgl 1 Sam 22 toe hulle nog op goeie voet was). Die twee maatlyne het beteken dat elke derde man laat leef is om met belasting te help. Ander aksies van Dawid was weer meer diplomaties, soos die ooreenkoms met Toï van Hamat.

Die Filistynse mag in die weste word deurslaggewend gebreek, sodat sommige selfs as deel van Dawid se lyfwag aangestel word. Die Filistyne word hier eintlik die “Kreti en die Pleti” genoem. Pleti is ‘n verwysing na Filistyne self, en Kreti ‘n verwysing na hulle afkoms uit Kaftor, wat vermoedelik die eiland Kreta is (Deut 2:23; Jer 47:4; Amos 9:7).

Telkens word die ekonomiese waarde van die buit wat tot sy koningskap toegevoeg word, genoem: belasting, perde, strydwaens, brons, silwer, goud waarvan hy die meeste aan die Here wy vir die bou van die tempel, soos ons later sal sien.

Dawid skep ook deeglike strukture vir die geloofsgemeenskap, weermag en staatsadministrasie, waarvan Josafat die eerste “CEO” word, waarvan ons in die Bybel lees. Trouens, sy seuns het as priesters opgetree, al was Dawid nie van die stam van Levi nie. Sommige geleerdes dink dat die woord “priesters” daarom hier verwys na “koninklike raadgewers” soos hulle in  die ooreenstemmende gedeelte in  1 Kronieke 18:17 geteken word.

Maar, dit is meer waarskynlik dat Dawid en sy seuns vanuit hulle koninklike status ‘n spesiale vergunning gehad het om as priesters op te tree. Dit is die eenvoudigste verklaring wat sin maak.

Die name Abjatar en Agimelek is heel waarskynlik met die teks se oorskrywery deur ‘n kopieerder omgeruil, sodat 2 Samuel 8:17 eintlik moet lees: “Sadok seun van Agitub, en Abjatar seun van Agimelek …” (vgl 1 Sam 22:20).

Daarmee saam word die oorwinnings telkens aan die Here toegeskryf, “net waar hy gegaan het.”

Boodskap en betekenis

Ons sien hier hoe God Dawid se koningskap bevestig en oral is met hom waar hy optree in ooreenstemming met die posisie wat God hom gegee het sowel as met die beloftes waaraan die Here Homself verbind het. Dit sluit politieke stabiliteit en ekonomiese vooruitgang vir die volk in. Dit is ook die verwagting wat ons vandag kan hê as ons doen waarvoor die Here ons roep.

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Hannes. on Hoe het “Bid die Psalms” jou gehelp?Middag Dr. Chris, Baie dankie vir ‘n insiggewende reis deur Psalms. Dit het beslis gehelp om my persoonlike gebedslewe te verbeter, en ek glo sterk dat elke gebed beslis my verhouding met die Here verdiep op ‘n manier waar ek tans baie meer pligsgetrou is teenoor my persoonlike stiltetyd en gesprekk…
  • Kobus on Hoe het “Bid die Psalms” jou gehelp?Dit was vir my 'n wonderlike ervaring, ek kyk met 'n ander insig nou na die Psalms
  • Chris van Zyl on Hoe het “Bid die Psalms” jou gehelp?Bid die Psalms het vir my baie beter insig verskaf, veral die kontektualisering en verklarings wat elke gedeelte belig het. Ek is so dankbaar dat ek kon deel in hierdie bid-gerigte ervaring. Menige dag het ek gevoel dat die Psalm van die dag spesiaal vir my bedoel was. Dankie Chris van Wyk vir hierd…
  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…