Skip to main content

1 Konings 20

Written by Chris van Wyk on . Posted in Kronologiese Bybelleesplan.

Agab kry dit nie reg om aan God alleen gehoorsaam te wees nie, al bewys Hy hom soveel genade

Van hier af in die verhaal van Agab hoor ons minder van Elia. Ons sal nog van hom hoor in die verhaal van Nabot en sy wingerd in 1 Konings 21. Maar ander profete tree na vore in hierdie tyd, soos Miga in 1 Konings 22, en nog ander onbekende profete, voordat ons weer van Elia lees met sy hemelvaart in 2 Konings 1-2.

In hierdie verhaal van die konflik met koning Ben-Hadad van die Arameërs in Damaskus is dit juis ‘n onbekende profeet, ‘n man van God, wat telkens die Here se wil aan Agab oordra. Twee keer luister Agab daarna, en geniet die oorwinnings wat die Here vir hom gee. Hy luister egter nie enduit nie, en volg uiteindelik sy eie kop met die begenadiging van Ben-Hadad. Hy kry dit net nie reg om die Here alleen te vertrou en volg nie.

Teks en konteks

Dit wil voorkom asof Israel op dié stadium onderhorig aan die Arameërs (Sirië) was. Dit wil ook voorkom asof die skrywers van die Koningsboek Agab minag, deur net twee keer sy naam te gebruik, en die res van die tyd slegs van die koning van Israel te praat.

Ben-Hadad, die Arameër, het met twee-en-dertig konings, en ‘n sterk mag van perde en strydwaens van Agab skatte, vroue en seuns geëis. Agab het aanvanklik ingestem, maar toe Ben-Hadad daarop met ‘n verdere eis reageer, het hy teëgestribbel.

Let op hoe Ben-Hadad die oorwinning reeds vier deur saam met die ander konings (van kleiner koninkrykies) te drink. Dit bekom hom egter suur.

Die Here tree egter deur ’n onbekende profeet tot die stryd toe en laat Agab weet dat die Here self gaan optree sodat Agab kan weet dat die Here God is.

Die profeet begelei Agab in detail met die regte strategie in die oorlog teen Ben-Hadad en hy kan die aanslag op Israel afweer.

Die profeet kom dan weer na Agab met die voorspelling dat daar Ben-Hadad weer teen hom sal optrek, en gee weereens vir hom die regte strategie om dit af te weer.  Hierdie keer is die doel van die Here se hulp nie net om Agab van sy bestaan te oortuig nie, maar ook die ander konings.

Let op hoe selfs die muur wat op die vyand val ‘n getuienis van God se beheer van alles op aarde is.

Maar, met die oorlog in die vlakte, word Ben-Hadad teen die wil van die Here deur Agab begenadig. Hy beskou ewe skielik vir Ben-Hadad as “sy broer”! Hy sluit daarom eerder ’n verdrag met Ben-Hadad, wat veral ekonomiese voordele vir hom ingehou het, en ignoreer die Here (vgl die soortgelyke optrede van Asa in 1 Konings 15).

Die profeet se optrede om die Here se toorn hieroor aan Agab te verkondig is ietwat bisar, maar tog baie effektief, en laat Agab “nors en tierend” (2020-vertaling), ’n bedruktheid wat ook in die volgende verhaal van Nabot en sy wingerd ’n rol sal speel.

Boodskap en betekenis

Ek kan dit op ’n manier nie kleinkry dat soveel onomwonde bewyse van God se bereidheid om Agab te help aan hom gegee word, en Agab steeds nie tot gehoorsaamheid aan God alleen beweeg word nie.

Drie van die sewe tekens in hoofstuk 17-18 was spesifiek aan sy adres gerig – die droogte, die vuur, die reën – en hier word hy twee keer in die oorlog gehelp. Maar, Agab kry dit net nie reg om God se hulp na waarde te skat nie, en ignoreer God se direkte bevele waar dit sy eie selfsugtige begeertes in gedrang bring.

Ons gaan dit ook sien in die verhaal van Nabot se wingerd waar dit ook blyk dat hy ‘n lafaard is wat sy vrou sy vuilwerk laat doen.

Die Here het uit sy pad uit gegaan om Agab ter wille te wees. Dit blyk uiteindelik verniet te wees. Agab verkwansel God se genade vir die bevrediging van sy eie begeertes.

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.