Skip to main content

Psalm 70

Kom tog gou na my toe, o God

Psalm 70 verwoord dieselfde tema as Psalm 69, maar net korter. Dit kom ook in sy geheel in Psalm 40:14-18 voor, en is moontlik as ‘n kort skietgebed neergepen vir gebruik in noodsituasies waar daar nie tyd vir die voller liturgie van Psalm 40 is nie.

Teks en konteks

Die Psalm begin met ’n interessante woord wat vertaal is met “Ter herinnering” (ook Ps 38).  Die woord kan verbind word met die vuuroffer (azkârâh – Lev 2:2 vv) wat gewoonlik uit meel/stampkoring en olie bestaan het, waarvan ’n deel verbrand is en ’n deel vir die priesters gegee is.  Die deel wat verbrand is, kan moontlik as ’n herinneringsoffer gesien word, wat God herinner aan sy beloftes en natuurlik ook die een wat die offer bring, herinner aan sy geloftes van toewyding aan God.  Die Psalm het dus waarskynlik só ’n herinneringsfunksie.

Uitleg

Die Psalm het ’n dringende toonaard.  Hulp is NOU nodig: “Here, kom my tog gou te hulp!”; “Here, moet tog nie talm nie!”  Dit is dus uiters bruikbaar in tye waar tyd ’n faktor raak.

Dit wil ook lyk asof die bedreigings nie van buite die geloofsgemeenskap kom nie, maar van groepe binne die geloofsgemeenskap.  Die Psalmis identifiseer hom bv. met die hulpeloses en armes (vers 6) en bid oor dié wat hom spot (vers 4), dié wat sy lewe wil neem en sy ondergang wil sien (vers 3).  ’n Mens kan aan ’n hele paar mense uit Dawid se lewe dink op wie hierdie beskrywing van toepassing kan wees.

Let op hoe die Psalmis God herinner aan Wie Hy is: God is groot (vers 5), U is my hulp, U is my redder, U is Jahwe (vers 6).  Met dié vier beskrywende titels vir God herinner Hy God aan Wie God is in die verwagting dat God sal optree soos Hy Homself aan Dawid bekend gemaak het.

Boodskap en betekenis

Vers 5 is vir my besonders, omdat dit die geloofgemeenskap ook intrek: “Laat almal wat by U hulp soek, jubel en bly wees oor U, laat dié wat op u hulp staatmaak, altyddeur sê, God is groot!”  ’n Teks om die hele dag oor na te dink en in jou gedagtes te vertroetel.

Psalm 69

Moenie dat dié wat op U vertrou, deur my toedoen teleurgestel word nie

Die Psalm pas in ’n tyd waar daar jaloesie gedy het, en dit is net moontlik dat dit in die hele tyd van opbou na die bou van die tempel kon wees.

Continue reading

Psalm 91

Ja, U, Here, is my skuilplek!

Psalm 91 – die Warrior Psalm – word in die LXX en die Talmoed aan Dawid toegeskryf, al staan dit nie in die Hebreeuse titel nie. Die Psalm pas goed in ‘n tyd wat Dawid aan Salomo advies oor sy roeping as koning en veral met die oog op die bou van die tempel gegee het.

Daar is ook ooreenkomste met frases uit Psalm 90, wat sommige geleerdes dit aan Moses laat toeskryf. Sommige lees daarom die Psalm saam met die lied van Moses in Deuteronomium 32. En dit sal goed pas daar, weens die ooreenkomste in taalgebruik, maar die feit dat die LXX dit verbind aan Dawid, dra vir my meer gewig, en die inhoud van die Psalm pas goed by sy gesprek met Salomo in 1 Kronieke 28:10.

Continue reading

  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan
  • Chris van Wyk on Psalm 11Dankie, Jenny. Ek het self weer baie moed uit dié Psalm 11 gekry. Veral uit die feit dat ons nie baie beheer het oor die fondamente nie, maar op God kan vertrou wat opregtes suiwer en goddeloses skroei, soos dit in die laaste deel van die Psalm uitgespel word. God kan oneindig meer doen as wat ons k…
  • Jenny on Psalm 11Baie dankie vir die boodskap wat weereens soos vorige boodskappe my help om deur baie swaar tye te kan kom. Die laaste jaar is daar so baie berge wat my toesak dat ek net kan vasklou aan God se woord en U maak dit makliker om sekere dinge beter te verstaan en net aan te hou glo en vertrou. Baie dank…
  • Chris van Wyk on Die Twaalf Kleiner ProfeteDankie Johan, waardeer.
  • Johan v Zyl on Die Twaalf Kleiner ProfeteHi Chris net so baie dankie vir die enorme werk wat jy in Bybelskool doen. Ek gebruik dit elke dag in my bediening hier in Lichtenburg Klipkerk. Ek het op 60 die Bybel herontdek met nuwe passie . Jesusliefde Johan v Zyl
  • Chris van Wyk on Salwing in die BybelEk is bly, Stoffie, dat ek kon help. Die waarhede in die Skrif is ons diepste en enigste beskerming teen dwaling.
  • Stoffie Van Dyk on Salwing in die BybelEk het die afgelope Sondag 'n diens bygewoon wat my baie ontstem het - mense in die gehoor is gesalf deur 'n "profetes", en snaakse dinge het gebeur. Hierdie hele skrywe oor die salfgebruik, en van die antwoorde op vrae was vir my baie leersaam omdat dit vir my Skriftuurlik is. Baie dankie
  • Chris van Wyk on 2 Samuel 18Dankie Lesley, waardeer.
  • Lesley Barnard on 2 Samuel 18Pragtig, ñ mooi toepaslike verduideliking.
  • Chris van Wyk on 2 Samuel 17Hi Hettie. Daar is twee letters in Hebreeus wat amper dieselfde geskryf word, maar verskillend uitgespreek word. Daar is die normale h wat uitgespreek word soos ons dit normaalweg doen. Dan is daar egter ook die letter ḥ (geskryf met 'n h met 'n punt onder) wat anders uitgespreek word. Die uitspraak…
  • Hettie Swart on 2 Samuel 17Baie dankie vir die oopbreek van die Woord. Ek sien dat my Bybel 35 vertaling na Husai verwys en nie Gusai soos in die Bybelstudie aangetoon word nie. Is dit verskillende uitsprake vir dieselfde mens? Help my reg asseblief.
  • Chris van Wyk on Josua 2 – Ragab se ontsag vir Jahwe spaar die verkenners se lewe👍