Skip to main content

1 Kronieke 22

Written by Chris van Wyk on . Posted in Kronologiese Bybelleesplan.

Dawid berei Salomo nougeset voor vir die bou van die tempel

Die verhale in 1 Kronieke 22-29 is uniek aan Kronieke en behels ‘n positiewe blik op Dawid se voorbereidings vir die bou van die tempel. Hy spandeer tyd aan die bou van die legitimiteit van die geestelike leiers. Hy organiseer die Leviete (1 Kron 23:1–32), die priesters (1 Kron 24:1–30), die musikante (1 Kron 25:1–31), die poortwagters (1 Kron 26:1–19), en die tesouriers en ander amptenare (1 Kron 26 :20–32). En berei Salomo voor vir sy opvolging as koning, die tema van hoofstuk 22.

In hierdie hoofstuk sien ons dat Dawid se visie vir ‘n tempel was dat dit indrukwekkend groots sal wees, ‘n roem en ‘n sieraad vir alle lande. Maar hy was bewus daarvan dat sy seun Salomo nog “jonk en sag” was en doen dus moeite om hom voor te berei vir die groot taak wat vir hom wag.

Teks en konteks 

Dawid fokus hier op drie goed wat ook die kleiner dele vorm waaruit die hoofstuk opgebou is:

Dawid help vir Salomo met talle van die voorbereidings

Hy sorg vir die bouers wat onder andere uit sy internasionale betrekkinge kom, bv. van Tirus en Sidon af, en in terme van materiaal vir die bouwerk wat as buit uit sy oorloë kom, sowel as uit geskenke van sy vriende onder die nasies, bv Koning Toï van Hamat – vers 2-5.

Die vreemdelinge wat Dawid hier bymekaargebring het, was veral vroeëre bewoners van die land Kanaän: “Amoriete, Hetiete, Feresiete, Hewiete en Jebusiete, afstammelinge van dié wat nie deur die Israeliete uitgeroei is nie en nog oor was in die land.” (1 Kon 9:20-22).

Salomo het hulle egter dwangarbeid laat doen wat uiteindelik tot opstand gelei het onder aanvoering van Jerobeam, die man wat hy aangestel het om oor hulle toesig te hou. Dit het tot die skeuring van die ryk gelei, wat ‘n mens natuurlik ook laat wonder oor die wysheid van die gebruik van vreemdelinge en veral die aspek van dwangarbeid.

Dawid mentor sy seun Salomo

Dawid laat Salomo in by sy eie verhouding met God en herinner hom aan die beloftes wat die Here ook oor Salomo uitgespreek het. Dawid moedig Salomo aan om sy eie verhouding met God in stand te hou, veral deur die wet na te kom, dit wat van God se wil bekend was, en met oorgawe homself te gee vir wat die Here vir hom duidelik maak: “Wees sterk en staan vas.” – vers 6-16.

Salomo sou baie aandag hieraan gee, veral om ‘n “luisterende hart” te bekom (1 Kon.3:9)

Dawid maak vir Salomo die pad gelyk onder die leiers van die volk

Dawid sorg dat al die gesaghebbers vir Salomo ondersteun. Let op hoe hy dié opdrag as ‘n geestelike een uitspel sowel as een wat verbind is aan die Dawidshuis – vers 17-19. “Gee nou hart en siel daaraan om aan die Here julle God gehoorsaam te wees, en begin bou aan die heiligdom van God die Here.”

Boodskap en betekenis

1 Kronieke 22 wys ‘n mens hoe belangrik beplanning is vir die funksionering van die geloofsgemeenskap. Dit sluit nie net die plek in waar aanbid moet word nie, maar veral al die funksionarisse, van die musiekmakers tot die finansiële gurus. Mentorskap vir die geestelike leiers is ook onontbeerlik.

In die NT raai Petrus ons aan om ons eie plek te kry in die “huis van God”, die geloofsgemeenskap wat sy tempel op aarde is:

“Kom na Hom toe, die lewende steen, wat deur die mense afgekeur is, maar deur God vir die ereplek uitverkies is. Laat julle as lewende stene opbou tot ‘n geestelike huis, om ‘n heilige priesterdom te wees en geestelike offers te bring wat deur Jesus Christus vir God welgevallig is.” (1 Pet 2:4-5)

View all posts in this series

Discover more from Bybelskool

Subscribe to get the latest posts sent to your email.

Kronologiese Bybelleesplan

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.