Skip to main content

Wat beveel God in die sesde en sewende gebod? – Galasiërs 5:15-26

Written by Chris van Wyk on . Posted in Wie is God?.

Julle byt en verskeur mekaar. Pas op dat julle mekaar nie heeltemal verslind nie! Ek sê: Laat julle leefstyl eerder deur die Gees bepaal word. Dan sal julle glad nie aan die begeertes van julle sondige geaardheid toegee nie. ’n Mens se sondige geaardheid wil dinge doen wat teen die Gees is, en die Gees wil dinge doen wat teen jou sondige geaardheid is, want hulle is mekaar se vyande. Julle kan dus nie sommer maar net alles doen wat julle wil nie. Maar as julle deur die Gees gelei word, is die wet nie meer julle baas nie. Die dinge wat ons sondige geaardheid ons laat doen, is bekend: seksuele sondes, onreinheid, losbandigheid, afgodery, towerkuns, vyandigheid, rusie, jaloesie, woede, selfsugtige ambisie, verdeeldheid, partyskappe, afguns, dronkenskap, wilde partytjies en al sulke dinge. Ek herhaal my vroeëre waarskuwing oor hierdie dinge: Wie sulke dinge doen, sal nie as erfgenaam deel hê aan God se koningsheerskappy nie. Maar die vrug wat die Gees voortbring, is: liefde, vreugde, vrede, geduld, vriendelikheid, goedheid, getrouheid, sagmoedigheid en selfbeheersing. Teen sulke dinge is daar nie ’n wet nie. Maar dié wat aan Christus Jesus behoort, het die hartstogte en die begeertes van hulle sondige geaardheid gekruisig. Ons lewe deur die Gees; daarom moet die Gees ook ons leefstyl bepaal. Ons moenie te veel van onsself dink, mekaar irriteer of op mekaar jaloers wees nie. (NLV)

1. Paulus raak hier natuurlik meer aan as net oortredings van die sesde en sewende gebod. Dit betrek eintlik die hele Tien Gebooie. Wat tref jou van Paulus se sondelysie? En die gevolge van volharding in daardie sondes?

2. Paulus lê klem op die belofte van die Gees wat ons leefstyl sal bepaal as ons sondige begeertes gekruisig word. Verootmoedig jou voor die Here en vra dat die Gees sy vrug in jou lewe sal dra.

3. Lees die verse later vandag weer om jou te herinner aan die belofte en vrug van die Gees se werk in jou.

4. Jy kan later vanaand die gedeelte weer lees in die konteks van Galasiërs 5 sowel as my bydrae daaroor: Galasiërs 5:13-6:17 – VRYHEID: dra die vrug van die Gees in die gemeenskap van gelowiges.

View all posts in this series

Wie is God?

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar