Skip to main content

Vraag 52: Watter hoop hou die ewige lewe vir jou in?

Written by Chris van Wyk on . Posted in Wie is God?.

1. Watter hoop hou die ewige lewe vir jou in?

2. Lees my antwoord en oordink dit.

Dat ek eendag uit die dood sal opstaan en vir ewig saam met God en sy mense sal lewe. Christus sal by ons kom bly in die nuwe hemel en nuwe aarde. Ons sal by God self woon en Hom vir ewig kan geniet as ons God. Ons sal vir altyd verlos wees van die sonde en die dood en Hom dien in ’n verheerlikte liggaam.

3. Agtergrond

Die oorwinning oor die Satan en die oordeel oor die mensdom waarvan hoofstuk 20 ons vertel het, word opgevolg in hoofstuk 21 met 1) die koms van die nuwe hemel en nuwe aarde (vers 1), 2) die vestiging van die Nuwe Jerusalem uit die hemel op die aarde as die woonplek van God waarmee alles nuut gemaak word (vers 2-8), en 3) die beskrywing van die heerlikheid van die Nuwe Jerusalem – die bruid, die vrou van die Lam – wat in wese eintlik ook die beskrywing van God se heerlikheid is (vers 9-27).

Hoofstuk 22 sal dié prentjie afrond met ’n beskrywing van die water van die lewe wat uit die troon van God en die Lam uit die stad vloei, afgesluit met ’n versekering van die spoedige en besliste wederkoms belofte van die Here Jesus as aanmoediging vir die gelowiges om vas te hou aan die woorde van God.

4. Lees Openbaring 21:1-8. Wat tref jou?

5. Lees my opsomming van die boodskap daarvan. Watter hoop laat hierdie teks in jou opvlam? Hoe verander dit jou lewe nou?

God die Vader is die Alfa en die Omega

God die Vader is die Almagtige, die Skepper van die hemel en die aarde, die oorsaak, oorsprong en begin van alles. Hy het die eerste hemel en aarde gemaak en sorg vir alles en almal. Hy sal die nuwe hemel en die nuwe aarde maak. Hy sal ons as sy kinders ook nuut maak. Hy sal by ons kom woon as ons God en vir altyd vir ons sorg. Daar sal geen hartseer of dood meer wees nie. Hy is die Alfa en die Omega, die Begin en die Einde. Hy sal vir ons ’n God en ons vir Hom sy kinders wees.

5. Wat beteken die hoop op die ewige lewe vir jou?

View all posts in this series

Discover more from Bybelskool

Subscribe to get the latest posts sent to your email.

Wie is God?

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Hannes. on Hoe het “Bid die Psalms” jou gehelp?Middag Dr. Chris, Baie dankie vir ‘n insiggewende reis deur Psalms. Dit het beslis gehelp om my persoonlike gebedslewe te verbeter, en ek glo sterk dat elke gebed beslis my verhouding met die Here verdiep op ‘n manier waar ek tans baie meer pligsgetrou is teenoor my persoonlike stiltetyd en gesprekk…
  • Kobus on Hoe het “Bid die Psalms” jou gehelp?Dit was vir my 'n wonderlike ervaring, ek kyk met 'n ander insig nou na die Psalms
  • Chris van Zyl on Hoe het “Bid die Psalms” jou gehelp?Bid die Psalms het vir my baie beter insig verskaf, veral die kontektualisering en verklarings wat elke gedeelte belig het. Ek is so dankbaar dat ek kon deel in hierdie bid-gerigte ervaring. Menige dag het ek gevoel dat die Psalm van die dag spesiaal vir my bedoel was. Dankie Chris van Wyk vir hierd…
  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…