Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (2)

  • Avatar

    Lou Pistorius

    |

    Ek sit nou die dag weer en wonder hoekom die eerste twee gebooie aparte gebooie is – eintlik is dit tog maar dieselfde? Is daar nie erens ‘n vermiste tiende gebod nie?

    Reply

    • Avatar

      Chris van Wyk

      |

      Hi Lou. Die eerste twee gebooie probeer op omvattende wyse enigiets afraai wat in die plek van of naas God aanbid word. Dit is gemik teen die aanbidding van ‘n ander god in die plek van God. Dit is ook gemik teen die aanbidding van ‘n ander langsaan God. Dit wil sê dat jy jou brood aan twee kante gebotter wil hê.

      Hier is wat ek vroeër daaroor geskrywe het:

      Eerste gebod – geen ander gode

      Die eerste gebod in Eks. 20:3 (Deut. 5:7) is die verbod op ander gode. Dit beteken dat God niemand duld wat langs Hom aanbid en vereer word nie. Alle afgodery word dus daarmee verbied. Die Here verwag dat daar net met Hom as die ware God in ‘n verhouding getree mag word. Sy weë moet ten alle koste leer ken word, want dit is net Hy alleen wat vertrou kan word met die lewe. Daarom moet die Godsvolk Hom met hulle hele hart liefhê, vrees en eer, soos die Heidelbergse Kategismus vraag en antwoord 94 dit uitlê.

      Dieselfde waarskuwing word reg deur die NT gevind (1 Tes. 1:9; Gal. 4:8; Rom. 1:23; 2 Kor. 6:16; Openb. 9:20), onder andere met betrekking tot die eet van afgodsoffers (Hand. 15:20,29; 1 Kor. 8:7; 10:7; 12:2; Openb. 2:20). Afgodery word ook regdeur die NT verbind aan moreel-etiese sake, soos bv. die verbod op losbandigheid en gierigheid (Ef. 5:5) sowel as vraatsug (Fil. 3:19). Sorg moet ook gedra word dat daar nie hoog opgegee word oor die afsku aan afgode, maar tog deelgeneem word aan ‘n onwettige berowing van heidense tempels vir eie gewin nie (Rom. 2:22).

      Dit is interessant hoe Johannes in sy briewe ook dié wet as waarskuwing inspan vir gelowiges van die NT (1 Joh. 5:21). Johannes gee drie motiverings daarvoor. Die eerste motivering is dat: “ons weet dat die Seun van God gekom het en ons verstand gegee het om die ware God te ken.” In Jesus kan ons dus die ware God van die afgode onderskei. Die tweede motivering is dat: “ons in die ware God is, in sy Seun, Jesus Christus.” Ons hele lewe word deur God bepaal, dié God wat ons in sy Seun, Jesus Christus, leer ken het. Die derde motivering is dat: “Hy die ware God is en die ewige lewe.” Daar is niemand anders as God nie, en deur Hom het ons toegang tot die ewige lewe. Daarom sê Johannes: “Liewe kinders, bly dus weg van die afgode af.”

      Tweede gebod – geen afbeelding van God mag aanbid word nie

      Die tweede gebod in Eks. 20:5 (Deut. 5:8-10) verbied die maak van enige afbeelding van God wat aanbid of vereer word. Hy is ‘n jaloerse God wat onverdeelde trou aan Hom van sy mense eis. Gehoorsaamheid sal geseën word, en ongehoorsaamheid gestraf word. Die uitwerking daarvan sal in die geslagte gesien kan word.

      Dieselfde waarskuwing word ook in die NT gevind. in Jakobus 4:5 wy hy uit oor God wat onverdeelde trou van ons vra en begrond dit op ‘n verwysing na die skeppingsverhaal dat God: “die gees wat Hy in ons laat woon, heeltemal vir Homself wil hê”.

      Dieselfde geld Paulus in Romeine 1:23 waar die problematiek van afgodery uitgespel word dat: “beelde wat lyk soos ’n verganklike mens of soos voëls of diere of slange”, d.w.s. afgode: “in die plek van die heerlikheid van die onverganklike God” gestel en aanbid word. Dit is: “bloot skeppinge van menslike vaardigheid en verbeelding”, soos Paulus op die Areopagus sê (Hand. 17:29).

      Lees meer hier:

      Reply

Leave a comment

Onlangse kommentaar

  • Avatar

    Rita Haley

    |

    Hi Chris,

    Ek geniet jou e-posse Prontuit die waarheid. Ek ervaar dat daar vir my antwoorde is. En vanoggend het ek my bybel oopgemaak by Jeremia 16 en ek wou net regtig verstaan wat die HERE se boodskap vir my was vanoggend. Daarom het ek kom soek en afgekom op hierdie stukkie.

  • Avatar

    Chris van Wyk

    |

    Hi Philip, jy is steeds geregistreer, maar ek publiseer nie by bybelskool.com op die oomblik nie. Jy kan wel my weeklikse bydrae kry van Prontuit die Waarheid waar ek die vier evangelies behandel. Registreer daarvoor by https://bybelskool.com/evangelies/.

  • Avatar

    Philip

    |

    Chris
    Ek ontvang nie meer jou skrywes nie.
    Het probeer registreer maar dit werk nie.
    Wat moet ek doen?

  • Avatar

    Louise Kock-Mostert

    |

    Sal die lering graag wil afrol en in my eie tyd daardeur gaan.
    Baie insiggewend.

  • Avatar

    Adolf

    |

    Dit is wonderlike boodskap dat ons moet weet dat God is in beheer in alle omstandighede en dat God ken elkeen se binneste. Ons moet gehoorsaam wees aan die tien geboee dat sal God ons paaie gelyk maak.
    Baie Dankie

    Adolf van Namibia

  • Avatar

    Andre Muller

    |

    Baie dankie vir n insiggewende verduideliking van Openbaring.

  • Avatar

    Chris van Wyk

    |

    Hi Christopher, almal van ons maak foute, maar die belangrike is dat ons vergifnis vra, die foute regstel, leer daaruit en groei in ons geestelike lewe en getuienis.

    Oor Paulus: hy moedig die mense van Korinte aan om deel te neem aan die Groot Opdrag om die evangelie aan alle mense te bring. Hy gebruik die voorbeeld van ‘n wedloop waar dit nie so belangrik is dat jy begin nie, maar hoe jy klaarmaak: “Weet julle nie dat die wat op die baan hardloop, wel almal hardloop, maar dat een die prys ontvang nie? Hardloop só dat julle dit sekerlik kan behaal.” (1 Kor 9:24).

    Daarmee bedoel Paulus nie dat net een Christen ‘n prys gaan ontvang nie, want dan sou dit beteken dat net dié persoon ooit ‘n beloning van God sou ontvang. Hy bedoel bloot dat jy alles moet insit om die evangelie te verkondig, soos ‘n atleet alles insit om te wen.

    Dat dit so is, word bevestig deur ander plekke waar Paulus praat oor die prys wat elkeen van ons as kinders van die Here gaan ontvang: “Maar een ding: ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus.” (Fil 3:14)

    Maar ons moet alles in die stryd werp, want sê Paulus: “Laat niemand julle van jul prys beroof nie …” (Kol 2:18). Hy praat daar van mense wat gelowiges van die pad wil aflei deur te fokus op allerlei ander dinge in plaas van op die evangelie self.

    Jakobus eggo dit in sy brief en maak dit van toepassing op ons versoekings: “Salig is die man wat versoeking verdra, want as hy die toets deurstaan het, sal hy die kroon van die lewe ontvang wat die Here beloof het aan die wat Hom liefhet.” (Jak 1:12)

    Johannes doen dieselfde in sy Openbaring en maak dit van toepassing op lyding: “Vrees vir niks wat jy sal ly nie. Kyk, die duiwel gaan sommige van julle in die gevangenis werp, sodat julle op die proef gestel kan word; en julle sal tien dae lank verdrukking hê. Wees getrou tot die dood toe, en Ek sal jou die kroon van die lewe gee.” (Openb 2:10)

    Sterkte!

  • Avatar

    Christopher

    |

    Goeiedag Pastoor

    Ek het ‘n vraag oor die kroon van die lewe. Paulus het geskrywe dat almal die wedloop hardloop, maar dat net een die prys kan kry. Hoe sal ek weet of ek waardig is om hierdie
    prys te kry, en of ek die beproewing volgens God se standaarde weerstaan het? Ek was al in baie opsigte beproef en het soms gedurende sulke tye baie foute gemaak. Ek wil tog graag die kroon van die lewe he.

    Dankie, Groete.

  • Avatar

    Walter Nel

    |

    Kan ek ook ‘n vraag vra?

Prontuit die Waarheid