JOHANNES 15:1-8

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

JOHANNES 15:1-8

Druiwestok en lote 

¹ “Ek is die egte druiwestok en my Vader is die landbouer. ² Elke loot aan My wat nie vrug dra nie, sny Hy weg; maar elkeen wat vrug dra, snoei Hy skoon, sodat dit meer vrug kan dra.³ Julle is egter reeds skoon deur die woorde wat Ek vir julle gesê het.⁴ Bly in My, soos Ek in julle. Net soos die loot nie uit sy eie vrug kan dra as dit nie in die druiwestok bly nie, so julle ook nie as julle nie in My bly nie.⁵ Ek is die druiwestok, julle die lote. Wie in My bly en Ek in hom, hy dra baie vrug, want sonder My kan julle niks doen nie.⁶ As iemand nie in My bly nie, word hy soos ‘n loot buite uitgegooi, en verdroog. Hulle maak dit bymekaar en gooi dit in die vuur, en dit verbrand.⁷ As julle in My bly, en my woorde in julle bly, vra dan wat julle wil, en dit sal met julle gebeur.⁸ Hierdeur word my Vader verheerlik, dat julle baie vrug dra en my dissipels kan wees.” (2020-vertaling).

Teks en konteks

Jesus word hier gekontrasteer met die volk Israel. In die OT is Israel baie keer met ’n wingerdstok of wingerd vergelyk (Ps 80:9–16; Jes 5:1–7; Jer 2:21; Eseg 19:10–14; Hos 10:1). Waar Israel egter ’n wilde wingerdstok geword het (Jer 2:21), is Jesus die ware wingerdstok, dié Een uit wie die wingerd van God sal groei en gedy.

Die klem lê op wat God deur Jesus regkry in die lewe van gelowiges. Hy is die boer, Jesus die wingerdstok waaruit die gelowiges as lote vrug dra.

Soos Israel uitgetrek en verwoes is (onthou die ballingskappe – Eseg 19:10-14) sal die lote wat nie vrug dra nie afgesny word – interessant genoeg, nie die hele wingerd, soos in Israel se geval nie, maar net die loot wat nie vrug dra nie. Dit verwys waarskynlik na Judas, die onberoulike wat sy rug op Jesus gedraai en Hom verraai het. En dit bly ’n waarskuwing aan gelowiges wat afvallig word.

Dié wat vrug dra word egter reg gesnoei sodat hulle nog meer vrug kan dra. Dit verwys waarskynlik na Petrus (en die ander dissipels) wat ten spyte van sy verloëning (en hulle verlating van Jesus in sy uur van nood) deur Jesus nader getrek en heraangestel word as herder van die kudde (Joh 21:15-19).

Petrus het al vrug gedra met: sy belydenis (Joh 6:67), sy onderwerping aan Jesus se voete-was (Joh 13:9) sy gebrekkige verbintenis (Joh 13:37) ensomeer. Judas egter geen: net sy klagte oor die vermorsing van die reukolie (Joh 12:4), en sy volharding om Jesus te verraai (Joh 13:30; 18:3) word vir ons vertel.

Die reg snoei werk word deur Jesus se woorde gedoen en word as effektief bewys deur die vrug wat hulle dra. Die geheim van vrug dra is dus om in Jesus te bly, dws om sy woorde aan te hang en te doen. Dit moet – wat ook die leuse van die Bybelskool is – ’n huis word waarin jy woon. Dit moet jou hele lewe bepaal.

Let op weereens dat die vrug uitgespel word as gebedsverhoring en dissipelskap (vgl Joh 14:13). Dit is om in Jesus te bly, en van Hom te vra dat God verheerlik word in die lewens van mense – en Hy belowe om daardie gebede te beantwoord.

Boodskap en betekenis

Andrew Murray haal in sy boek oor gebed (With Christ in the School of Prayer) talle kere aan uit Johannes 15:1-8. Hy sê onder andere oor hierdie opdrag om in God te bly die volgende:

“Power with God is the highest attainment of the life of full abiding. And of all the traits of a life like CHRIST there is none higher and more glorious than conformity to Him in the work that now engages Him without ceasing in the Father’s presence-His all-prevailing intercession. The more we abide in Him, and grow unto His likeness, will His priestly life work in us mightily, and our life become what His is, a life that ever pleads and prevails for men.”

Die hele punt van die inblywing in Christus is sodat ons kan bid, en God ons gebede kan verhoor:

“The Father waits to hear every prayer of faith,: to give us whatsoever we will and whatsoever we ask in Jesus’ name. We have become so accustomed to limit the wonderful love and the large promises of our God, that we cannot read the simplest and clearest statements of our Lord without the qualifying clauses by which we guard and expound them. If there is one thing I think the Church needs to learn, it is that God means prayer to have an answer, and that it hath not entered into the heart of man to conceive what God will do for His child who gives himself to believe that his prayer will be heard. God hears prayer; this is a truth universally admitted, but of which very few understand the meaning, or experience the power.”

LUISTER

Dink na oor wat God vir jou hiermee wil sê. Waar raak hierdie gedagtes jou lewe in die praktyk? Wat vra dit van jou? Wat belowe dit vir jou? Wat moet jy dink of doen daarmee? Wat is die kern van die boodskap van dié teks vir jou dag en lewe? Dit help jou sin maak van jou eie ervarings in die lig van God se Woord.

LEEF

Besluit hoe jy daarop gaan reageer. Sê dit vir die Here in gebed. Skryf dit in jou joernaal. Geniet Sy teenwoordigheid. Laat die boodskap wat God jou gee met jou saamgaan deur die dag. Leef dit uit.