WEEK 6: Psalm 34-37 – God se teenwoordigheid word geken in die gemeenskap van gelowiges

Psalm 34-37 staan bekend as wysheidPsalms omdat dit veral onderrig gee in die wyse waarop ‘n mens wys kan lewe.  Ook hierdie Psalms vertoon ’n chiastiese patroon.  Psalm 34 en 37 is weereens akrostiese Psalms (elke versreël begin met ’n opeenvolgende letter van die Hebreeuse alfabet) wat die wysheid om in God se teenwoordigheid te lewe besing en aan die gemeenskap van gelowiges onderrig gee daarin.  Psalm 35 en 36 is gebede om verlossing van mense wat goddeloos lewe, dws dwaas en onwys kies om nie in God se teenwoordigheid te lewe nie en in wie se lewe die opstand teen God die laaste woord het (Ps 36:2 – onthou Ps 1,2)!

View all posts in this series

Psalms


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (2)

  • Liewe Pastoor
    Ek is reeds 57, het 1 jaar Pastoraal gedoen toe ek nog deel was van AGS.
    Ek het ‘n passie vir God en wat Hy al in my lewe vermag het. Ek het 2 jaar terug op pensioen gegaan en gesê ek gaan meer tyd in die Woord spandeer – ek kom tekort. Dit is asof ek net nie behoorlike wegspringplek kan kry of eerder struktuur het nie.
    Gedink om aanstaande jaar Teologie by Universiteit te gaan studier – dan dink ek aan die Hebreeus en die spanning van eksamen skryf, dan twyfel ek weer.
    As ek net ‘n behoorlike struktuur het wat kan sê hier begin jy, die werkstukke moet jy doen – en natuurlik sal ek wil werk om ‘n ‘titel’ aan die studies te gee.
    Ek vra eintlik raad asseblief.

    • Hi Linda
      1. My Bybelskool gaan jou net help om die Bybel hoofstuk-vir-hoofstuk “geestelik” te lees. Ek behandel altyd ‘n paar inleidingsvrae, maak eksegetiese opmerkings oor die teks en gee soms ‘n bietjie meer hermeneutiese en sistematiese perspektiewe. Dit is egter nie in die eerste plek ‘n akademiese aanpak nie. Ek sal waarskynlik as ek DV al die Bybelboeke deurgewerk het – einde 2016 is die voorlopige beplanning – ‘n een- tot driejaar leesplan ontwerp met ‘n meer oorhoofse leesstrategie. Dit is egter nou nog toekomsmusiek.
      2. Ek sou wel vir jou ‘n plan kon uitwerk hoe om bv. die NT aan te pak. Ek wil in elk geval êrens ‘n inleiding vir die NT skryf wat ‘n invalshoek kan gee vir my hantering van die NT boeke. Dit sal egter nie werkstukke en sulke meer akademiese onderrigmetodieke op dié stadium kan behels nie, weens tydsdruk en akkreditasie vereistes. Miskien is daar ander lesers wat ook belangstel?
      3. Ek wonder of South African Theological Seminary (SATS) nie vir jou ‘n goeie moontlikheid is nie? Hulle bied afstandsonderrig aan en ‘n wye reeks van sertifikaat- en graadkursusse, bv. hierdie B.Th. kursus. Jy sal daarmee goed in die Bybel onderrig word, saam met ‘n paar ander onderwerpe, en kan, belangrik, die Hebreeus en Grieks vermy, as jy sou wou. Daar is ook ander opsies op die Internet beskikbaar, maar SATS is geakkrediteer, en ‘n goeie vriend en Kweekskool klasmaat, Johannes Malherbe, is immers die hoof van die nagraadse afdeling.

Maak 'n opmerking

  • Chris van Wyk on Skakel in by Veritas!Hi Hanneke, ek het die skakel gestuur.
  • Hanneke Meyer on Skakel in by Veritas!Ek fasiliteer reeds vir n geruime tyd modules 1 en 2, maar sou graag tog n paar van die zoom-byeenkomste bywoon vir verryking. Ek het n handleiding. Vriendelike groete Hanneke Meyer
  • Chris van Wyk on OpenbaringHi Ronel, dit hang af wat die selgroepe doen. As dit net daar is vir die bestaande lidmate sal dit die gelowiges opbou, maar nie die gemeente groei nie. As daar 'n strategie is om ongelowiges te bevriend en te evangeliseer - uiteraard waar dit moontlik is in julle konteks - dan is kleingroepe 'n wes…
  • Ronel on OpenbaringDs Chris, wat is u mening oor selgroepe in die gemeente die belangrikste manier is om die evangelie in n gemeente uit the brei en gemeente getalle te vergroot? Sal graag u mening wil hoor. Ons is tans in die VAE in Al Ain. Hier is ongeveer 35 verskillende dominansies van gelowiges waarvan ons Suid A…
  • Chris van Wyk on OpenbaringHi Marelize, ja, jy kan dit hier aflaai: https://bybelskool.com/ek-kom-gou-n-boek-oor-openbaring-deur-chris-van-wyk/. (direkte skakel na die boek: https://ngkerksomerstrand.co.za/wp-content/uploads/2020/05/Ek-kom-gou.pdf) Daar is ook 'n skakel na 9 video's wat ek gemaak het oor Openbaring vir 'n Pin…
  • Marie Elizabeth on OpenbaringHi Chris Is dit moontlik om die studie materiaal tov die boek Openbaring as een n boek te onvang? Ons wil met die boek as bybelstudie begin maar wil nie elke hoofstuk apart aflaai nie Laat weet asb? Groete Marelize Van Niekerk Cell: 083 321 4666
  • Chris van Wyk on Lukas 16:1-13 – God vertrou ons met die ware rykdom as ons betroubaar is met aardse rykdomHi Mike, "ewige tente" of "ewige woonplekke" in Lukas 16:9 verwys na die lewe by God in die hemel (vgl Joh 14:2). Paulus skryf ook hieroor in 2 Korintiërs 5:1 en gebruik 'n ooreenstemmende metafoor vir die onverganklike liggaam wat ons in die hemel van God sal ontvang. Hy noem dit 'n "ewige gebou" o…
  • Mike on Lukas 16:1-13 – God vertrou ons met die ware rykdom as ons betroubaar is met aardse rykdomHi Chris, verduidelik vir my wat word bedoel met die woorde, "ewige tente".
  • Chris van Wyk on Genesis 35 – Jakob voltooi sy verbintenis aan God by Bet-El waar alles begin hetHi Petrus, in albei gevalle het die broers wel opgetree, maar in Dina se geval heeltemal oorboord gegaan, en in Tamar se geval sonder 'n regsproses. Dat Jakob en Dawid nie self opgetree het nie is waarskynlik te wyte aan nalatigheid, hoewel die Bybel nie hulle gedagtegang uitspel nie. Met Absalom se…
  • Petrus on Genesis 35 – Jakob voltooi sy verbintenis aan God by Bet-El waar alles begin hetBeste Chris Ek is weer by Genesis en met die Jakob verhaal is daar iets wat my opval: Jakob and Dawid se dogters is onteer en seuns was in opstand teen hul vaders, maar is nie gestraf vir hulle oortredings nie. Dit blyk ook uit ander verhale. Jakob het Ruben met sy seen "vervloek," maar hoekom het d…
  • Chris van Wyk on Psalm 29Dankie Tertia, my voorreg en plesier.
  • Tertia Botha on Psalm 29Dr Chris dankie dat jy met jou kennis en wysheid my sommer ook vandag toerus. Vandag word ek opnuut herinner van God se krag bo die natuur maar ook God se stem in die natuur!! Alledaagse herinneringe aan ons GOD wat alles goed geskep het en steeds daaroor heers.
  • Chris van Wyk on Inleiding op OpenbaringHou moed Amanda! Lees wat ek geskryf het vir Yvonne oor Psalm 103:5: https://bybelskool.com/psalm-1031-5-loof-die-here-wat-al-jou-siektes-genees/comment-page-1/#comment-29597
  • Chris van Wyk on Psalm 103:1-5 – Loof die Here wat al jou siektes geneesHi Yvonne Vers 5 moet in die konteks van die Psalm uitgelê word. Die eerste vyf verse vorm 'n eenheid: 1 Van Dawid. Loof die Here, o my siel, ja, alles wat in my is, sy heilige Naam! 2 Loof die Here, o my siel, en moenie enige van sy weldade vergeet nie – 3 Hy wat al jou sondeskuld vergewe, wat al j…
  • amanda on Inleiding op Openbaringhoe ( op aarde ) gaan God se koninkryk op aarde so gevestig word, dat Hy uiteindelik deur almal as Alleenheerser erken gaan word. Elkeen is so besig om sy eie ding te doen, dat dit byna onmoontlik klink. Dis vir my n moedelose gedagte.
%d