Skip to main content

Psalms ingedeel in vyf Psalmboeke

Die Psalms het oor ’n baie lang tydperk – waarskynlik meer as 8 eeue – tot stand gekom.  Die eerste Psalms kom uit die tyd van die konings, veral Dawid (73 Psalms word aan hom toegeskryf) – 1040-970 vC.  Daar is ook ’n Psalm van Moses, Psalm 90, wat, as sy outeurskap aanvaar word, die vroegste Psalm is (ongeveer 14 de eeu vC).  Daar is ook Psalms wat na die ballingskap van 597/6-520 vC gedateer word (bv Psalms 85 en 126), waarvan sommige moontlik selfs so laat as die Makkabeër tyd van 167-63 vC gedateer kan word (bv Psalms 44, 74, 79), hoewel die argumente daarvoor nie baie oortuigend is nie, en dit meer waarskynlik is dat die Psalmboek in sy huidige formaat reeds vroeër gefinaliseer is (Nahum Sarna).

Interessant genoeg is die individuele Psalms nie lukraak opgeneem in die Psalmboek nie.  Die Psalms is versamel en in 5 boeke of bundels ingedeel: 1-41; 42-72; 73-89; 90-106; 107-150.

Hierdie indeling word afgelei uit die ooreenstemmende doksologie (uit Grieks: doksa = eer, en legein = spreek – dws om God se eer te betuig) wat verspreid deur die Psalms voorkom, en wat duidelik nie deel van die Psalms self is nie (Psalm 150 sluit die hele Psalmboek af met ’n doksologie):

  • 41:14 – ”Aan die Here, die God van Israel, kom die lof toe tot in die allerverste toekoms. Amen, ja, amen.”
  •  72:18-19 – “Geloof sy God die Here, die God van Israel. Dit is net Hy wat magtige dade doen! Mag sy verhewe Naam vir altyd geloof word, mag die hele wêreld vol wees van sy majesteit. Amen, ja, amen.” Waarby ook nog in vers 20 bygevoeg word: “Hier eindig die gebede van Dawid, seun van Isai.”
  • 89:53 – “Aan die Here kom die lof toe vir altyd. Amen, ja, amen.”
  • 106:48 – “Aan die Here die God van Israel kom die lof toe tot in die allerverste toekoms. Die hele volk moet sê: ‘Amen! Prys die Here!’”
  • 150 – “Prys die Here” op baie verskillende maniere uitgedruk.

’n Mens kan binne die bestaande indeling van die Psalms in 5 boeke of bundels steeds die vorige versamelings raaksien.  Daar is drie versamelings van Dawidiese Psalms (3-41; 51-70; 138-145), twee versamelings van Asaf/Koragiete (42-50; 73-88) en vier versamelings wat rondom temas opgebou is (God se koningskap: 93-100; Lofpsalms: 103-107; Pelgrimsliedere: 120-134; HallelujaPsalms: 111-113 en 146-150).

Terloops, sommige dink dat die redaktors met die indeling van die Psalms in 5 boeke dit met die eerste 5 boeke van die Bybel, die Pentateug, wou verbind:

  • Die temas van skepping, sonde en verlossing in Psalms 1-41 sou dan met Genesis verband hou,
  • die skerp fokus op verlossing in Psalms 42-72 sou met Eksodus verband hou,
  • die klem op die heiligdom in Psalms 73-89 sou met Levitikus verband hou,
  • die verwysing na Moses en die woestyntyd in Psalms 90-106 sou met Numeri verband hou en laastens sou
  • die klem op die Woord van God in Psalms 107-150 met Deuteronomium verband hou.

Maar, die skema maak nie regtig baie sin nie, omdat die temas ook in die ander dele van die Psalmboek voorkom, en bly slegs ’n interessante poging om die indeling te verklaar.

View all posts in this series

Psalms


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

  • Chris van Wyk on Jeremia 19:14-20:18 – Vervloek is die dag waarop ek gebore isDie presiese betekenis van die term "blok" is onduidelik. Dit word gewoonlik geïnterpreteer as verwysend na een of ander instrument of plek van inperking en straf, bv. 'n inperking wat beweging beperk, gewoonlik beskryf as bestaande uit 'n raamwerk met gate waarin die voete (en soms die hande) van '…
  • ELRETHA VAN DER MERWE on Jeremia 19:14-20:18 – Vervloek is die dag waarop ek gebore isDag. Dankie vir die verduideliking van die doel van die Blok waarin Jeremia vas geskroef was in die Benjaminspoort. Ek kry nou meer begrip daarvoor. Verstaan ek reg dis soos 'n persoon wat se hande beidekante van sy kop in n stuk hout vas gemaak is of is dit iets anders. Baie Dankie
  • Chris van Wyk on HoogliedEk sal jou registreer. Jy moet net op die skakel in die e-pos wat vir jou gestuur word van Wordpress af, klik, om dit goed te keur. Ek sal jou selnommer ook by Whatsapp byvoeg.
  • Anne Enslin on HoogliedEk leer so baie by julle sal graag wil aansluit.
  • Chris van Wyk on Eksodus 30Jy kan by YouVersion se Bible app die 2020-vertaling gratis op jou selfoon kry.
  • Willie on Eksodus 30Baie dankie vir die uitleg wat jy gee hoofstuk vir hoofstuk. Ek het egter ñ probleem. Ek het die afrikaans en engelse vertaling vers vir vers gekry. Dit wil voorkom asof dit deur een of ander app direk vertaal is in afr. Waar kan ek die nuwe afrikaanse vertaling kry om op my selfoon af te laai asseb…
  • Chris van Wyk on Jesaja 1 – Julle ken My nieHi, dit is Bybels, ja. Ek verduidelik dit hier: https://bybelskool.com/category/uitverkiesing/
  • Joan on Jesaja 1 – Julle ken My nieKan u asb vir my die uitverkiesing verduidelik? Is dit Bybels?
  • Frank Pronk on Psalm 46Hallo Chris Ja ek glo dat ons almal n versugting het na die nuwe bedeling en die Nuwe Jerusalem. Ek wil iets deel wat ek vroeer die maand baie duidelik in my gees gekry het terwyl ek geslaap het . Die woorde het as volg gekom. " Die sewende wonderwerk van die sewende wereld - is die Israeliete" Ek d…
  • Chris van Wyk on Psalm 71Sy het die Here gedien met haar hele hart en eerder my met huisbesoek bemoedig as wat ek dit vir haar gedoen het. Sy was een van die pilare van ons geloofgemeenskap.
  • Neels Fourie on Psalm 71More dr vertel my meer van tannie phoebe
  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan