WEEK 3 – Jesaja 13-27
Die boodskappe teen die nasies in hoofstuk 13-23 word meesal orakels genoem. Ons vind die term in die opskrifte van die profesieë teen Babel (13:1; 21:1), Filistyne (14:28), Moab (15:1), Damaskus (17:1), Egipte (19:1), Edom (21:11), Arabië (21:13), Jerusalem (22:1) en Tirus (23:1). By die uitspraak teen Assirië word die woord eed afgelê gebruik om die oordeelsaankondiging te maak (14:24), en by Kus (18:1) word die woord ellende gebruik, wat weer in hoofstuk 28 en verder vir oordeelsuitsprake gebruik gaan word.
Die woord orakel (massâ – letterlik las [Engels: burden]) beteken ’n gewigtige uitspraak (ou Afrikaanse vertaling het dit vertaal met Godspraak, hoewel die woord God nie in die Hebreeus verskyn nie). Soortgelyke versamelings profesieë teen die nasies vind ons ook in Jeremia 46-51 (teen Egipte, Filistyne, Moab, Ammoniete, Edom, Damaskus, Kedar en Gasor [Arabië], Elam [die Hoogland noord-oos van Babel]) en Esegiël 25-32 (teen Ammoniete, Moab, Edom, Filistyne, Tirus, Sidon, Egipte)
Dit is interessant dat Jerusalem hier in hoofstuk 22 ingesluit word by die orakels, terwyl in hoofstuk 14 daar ’n heilsprofesie is wat dui op die nuwe toekoms wat na die val van Babel vir die verenigde volk, Juda en Israel, sal aanbreek.
Die volledige lys van nasies waarteen die oordeelsuitsprake van Jesaja gemik is, is, saam met die perikope:
- Babel (13-14:23 en 21:1-10 – in die tyd van Jesaja ’n mag vir die toekoms wat Assirië se mag ’n eeu later breek in 612 v C; die profesie gaan eers in vervulling in 539 v C toe Babilon deur Kores van die Perse en Mediërs verower is – dit is in die huidige Irak),
- Assirië (14:24-27 – ’n baie groot empire wat sedert 1120 onder Tiglat-Pileser I vir 5 eeue die wêreldtoneel met opeenvolgende dinastieë oorheers het),
- Filistyne (14:28-32 – seestrook langs Israel van Joppe in die noorde tot Gasa in die suide, vandag bekend as die Gasa-strook, waar steeds groot konflik tussen die Israelis aan die een kant en die Palestynse en Arabiese bevolking aan die ander kant heers),
- Moab (15-16 – oos van die Dooie See, nageslag van Lot se verbintenis met sy een dogter),
- Damaskus en Efraim (17 – die Arameërs en die Israelitiese Noordryk word saam gegroepeer, vermoedelik weens die gesamentlike bedreiging teen Juda waarvan ons in hfst. 7 gelees het – vandag vind ons Damaskus in Sirië; dit is een van die oudste stede in die wêreld),
- Kus (18 – Ethiopië in Afrika),
- Egipte (19 – Afrika speel dus regdeur die geskiedenis ’n prominente rol!),
- Edom (21:11-12 – nageslag van Esua [edom beteken rooi, wat verwys na Esau se gelaatskleur, sowel as die kleur van die lensies – Gen 25] – suid-oos van die Dooie See),
- Arabië (21:13-17),
- Jerusalem (22),
- Tirus (23 – hoofstad van die seevarende Fenisiërs wat op ’n eiland geleë was wat intussen ’n skiereiland geword het – vandag is dit die stad Sur in Lebanon).
Tussenin is daar die vreemde verhaal van Jesaja se liggaams-profesie in hoofstuk 20 wat ook ’n woord teen Ethiopië (Kus) en Egipte was, en die orakels in die voorafgaande hoofstukke 18-19 teen die twee volke versterk het.
Die boodskappe word opgevolg in die “Apokalips van Jesaja” in hoofstukke 24-27 waar die oordeel van die Here uitgebrei word na die hele aarde toe. Dit sluit die wonderlike heilsboodskap in dat God aan die einde ’n feesmaal vir die volke sal voorberei (25) met ’n totale lotsverandering vir sy volk (26-27).
Ons lees hoofstuk 13-27 as volg:
| Donderdag 3 Februarie | Jesaja 13-14 |
| Vrydag 4 Februarie | Jesaja 15-17 |
| Maandag 7 Februarie | Jesaja 18-20 |
| Dinsdag 8 Februarie | Jesaja 21-23 |
| Woensdag 9 Februarie | Jesaja 24-27 |
View all posts in this series
- Leesplan Jesaja - January 20, 2011
- Kies ’n Bybellees metode
- WEEK 1 – Jesaja 1-6
- Jesaja 1 – Julle ken My nie
- Jesaja as boek
- Vir dieperdelwers
- Jesaja 2 – geroep as ontmoetingsplek vir die nasies met God - January 21, 2011
- Jesaja die profeet
- Jesaja 3-4 – God se oordeel laat altyd ‘n oorblyfsel - January 24, 2011
- Indeling van die boek Jesaja
- Jesaja 5 – ’n begrafnislied oor verworde mense - January 25, 2011
- Jesaja in die Nuwe Testament
- Jesaja 6 – Hoop kom uit ’n afgekapte stomp - January 26, 2011
- WEEK 2 – Jesaja 7-12
- Jesaja 7 – Uitgenooi van vrees na vertroue - January 27, 2011
- Jesaja 8 – Leef met ontsag en oortuiging - January 28, 2011
- Jesaja 9 – Lig aan die einde van die tonnel? - January 31, 2011
- Jesaja 10 – God se vuur verteer en suiwer - February 1, 2011
- Jesaja 11-12 – God gee nooit moed op nie - February 2, 2011
- WEEK 3 – Jesaja 13-27
- Jesaja 13-14 – God is in beheer van die wêreldgeskiedenis - February 3, 2011
- Jesaja 15-17 – Dit kerm in my binneste - February 4, 2011
- Jesaja 18-20 – God laat nie sy droom vaar nie - February 7, 2011
- Jesaja 21-23 – God se oordeel bereik alle nasies - February 8, 2011
- Jesaja 24-27 – Van tragedie na triomf - February 9, 2011
- WEEK 4 – Jesaja 28-35
- Jesaja 28 – ‘n Oor vir God bring voorspoed - February 10, 2011
- Jesaja 29 – God gee insig vir die nageslag - February 11, 2011
- Jesaja 30-31 – Julle krag lê in stil vertroue en gebed - February 14, 2011
- Jesaja 32-33 – Die Here is ons Koning - February 15, 2011
- Jesaja 34-35 – God bring verandering deur oordeel en redding - February 16, 2011
- WEEK 5 – Jesaja 36-39
- Jesaja 36 – Stilwees en vertroue teen ‘n oormag - February 17, 2011
- Jesaja 37 – Gebed en vertroue beweeg God tot optrede - February 18, 2011
- Jesaja 38 – God sien ons trane raak EN doen iets daaraan - February 21, 2011
- Jesaja 39 – ‘n Gebrek aan onderskeiding - February 22, 2011
- Jesaja 1-39 – ‘n Verspeelde roeping stuit God nie - February 23, 2011
- WEEK 6 – Jesaja 40-48
- Jesaja 40-41 – Die wat op die Here vertrou, kry nuwe krag - February 24, 2011
- Jesaja 42-43 – Die dienaar van die Here leer mense om God te ken - February 25, 2011
- Jesaja 44-45:8 – God is die eerste en die laaste, die enigste God - February 28, 2011
- Jesaja 45:9-46:13 – Die Skeppergod alleen kan red - March 1, 2011
- Jesaja 47-48 – God bepaal die geskiedenis, nie toeval nie - March 2, 2011
- WEEK 7 – Jesaja 49-55
- Jesaja 49-50 – Die dienaar van die Here praat dié wat moeg is, moed in - March 3, 2011
- Jesaja 51:1-52:12 – Omhels ‘n bruikbare toekoms in jou verlede - March 4, 2011
- Jesaja 52:13-53:12 – Oor óns oortredings is Hy deurboor - March 7, 2011
- Jesaja 54 – My liefde vir julle sal nooit vergaan nie - March 8, 2011
- Jesaja 55 – Kom geniet God se genade - March 9, 2011
- WEEK 8 – Jesaja 56-61
- Jesaja 56-57 – Almal is welkom by God - March 10, 2011
- Jesaja 58 – God se mense laat medemense nie aan hul lot oor nie - March 11, 2011
- Jesaja 59 – God sorg dat sy Gees en woorde nie verlore raak vir sy volk nie - March 14, 2011
- Jesaja 60 – Nasies kom na jou lig - March 15, 2011
- Jesaja 61 – ‘n Blye boodskap vir mense in nood - March 16, 2011
- WEEK 9 – Jesaja 62-66
- Jesaja 62 – God se beloftes word in vervulling gebid - March 17, 2011
- Jesaja 63 – Selfs in oordeel kan jy jou op God beroep - March 18, 2011
- Jesaja 64 – Bid dat God nou ‘n verskil maak - March 21, 2011
- Jesaja 65 – Terwyl hulle nog praat, sal Ek hulle gebed verhoor - March 22, 2011
- Jesaja 66 – Die groot God is ook die naby God - March 23, 2011
- WEEK 10: Jesaja in die Nuwe Testament
- Jesaja in die evangelies - March 24, 2011
- Jesaja in Handelinge - March 25, 2011
- Jesaja in die briewe van Paulus - March 28, 2011
- Jesaja in die res van die Nuwe Testament - March 29, 2011
- Jesaja afsluiting - March 30, 2011
- Jesaja – Lees, luister, leef – ePub - February 20, 2014
- Wie is die Dienaar van die Here in Jesaja? - May 16, 2017
