Skip to main content

Leesplan Jesaja

Baie welkom by hierdie Bybelskool oor die boek Jesaja.  Ons gaan hierdie boek DV deurlees in die eerste kwartaal 2011.

Hier is die leesplan:

Datum Teks Byeenkoms (18:30)
20-26/1 Jesaja 1-6 26/1
27/1-2/2 Jesaja 7-12 2/2
3-9/2 Jesaja 13-27 9/2
10-16/2 Jesaja 28-35 16/2
17-23/2 Jesaja 36-39 23/2
24/2-2/3 Jesaja 40-48 2/3
3-9/3 Jesaja 49-55 9/3
10-16/3 Jesaja 56-61 16/3
17-23/3 Jesaja 62-66 23/3
24-30/3 Jesaja in die NT 30/3

Ek gaan in die eerste week elke dag ’n paar inleidende opmerkings oor die boek Jesaja maak.  Ek plaas dit onderaan elke bydrae, sodat die fokus steeds val op die lees van die Bybel.

Kies ’n Bybellees metode

Soos gebruiklik gee ek ’n aantal maniere waarop jy die Bybel kan lees.  By die spyskaart hierbo is daar ’n aantal bydraes wat ek al daaroor geskrywe het Inligting/Bybellees.  Jy kan ook kyk na die preek wat ek 16 Januarie 2011 by Klema gelewer het waar ek aan die hand die verhaal van Josua die skuif van ’n fokus op die gesproke na die geskrewe Woord van God verduidelik (Jos 1:1-9; vgl Eks 17:8-16, veral vers 14; 33:7-23, veral vers 11; En vgl Jos 24:26 waar Josua self bydra tot die geskrewe Woord van God!).  En dan 8 maniere uitspel waarop ons na God se Woord kan luister.

Ek wil een metode byvoeg waarin ek die gewoonte van die daily examen (Ignatius – vgl ook John Ackerman se Stop/Look/Listen metodiek en die artikel daaroor by Communitas) kombineer met die lees van die Bybel.

Gebruik ’n Joernaal om jou gedagtes en ervarings neer te skryf – dan kan jy altyd teruggaan en bemoedig word deur die manier waarop die Here jou deur sy Woord begelei.

1. STOP: Raak bewus van God se teenwoordigheid – fokus bv. op jou asemhaling deur effe dieper as gewoonlik asem te haal.
2.       KYK: Dink waarderend terug oor gister – fokus op dit wat goed was en hoe jy daaroor gevoel het.
3.       WAARDEER: Kies een aspek en bid daaroor – verwoord jou dankbaarheid teenoor God vir wat Hy vir jou is en doen.
4.       LEES: Lees die gedeelte vir die dag uit die boek Jesaja – skryf neer wat jou tref.
5.       LEER: Lees die dagstukkie op die Internet (of e-pos) – skryf neer wat jou tref en as jy vrae het of ’n bydrae wil maak, doen dit by www.bybelskool.com by comments aan die onder kant van die bydrae (terloops: daar sal No comments staan as niemand nog iets geskryf het nie, of 1 comment of 2 comments as iemand al kommentaar gelewer het).
6.       LUISTER: Kies een van die gedagtes in die teksgedeelte en dink verder daaroor na. Wat beteken dit vir jou prakties?  Dink spesifiek na oor hoe dit verband hou met wat gister gebeur het.
7.       ANTWOORD: Antwoord die Here op wat Hy vir jou sê –  skryf neer wat Hy vir jou wil wees, wil doen of wat Hy van jou vra om te wees of te doen.

WEEK 1 – Jesaja 1-6

  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan
  • Chris van Wyk on Psalm 11Dankie, Jenny. Ek het self weer baie moed uit dié Psalm 11 gekry. Veral uit die feit dat ons nie baie beheer het oor die fondamente nie, maar op God kan vertrou wat opregtes suiwer en goddeloses skroei, soos dit in die laaste deel van die Psalm uitgespel word. God kan oneindig meer doen as wat ons k…
  • Jenny on Psalm 11Baie dankie vir die boodskap wat weereens soos vorige boodskappe my help om deur baie swaar tye te kan kom. Die laaste jaar is daar so baie berge wat my toesak dat ek net kan vasklou aan God se woord en U maak dit makliker om sekere dinge beter te verstaan en net aan te hou glo en vertrou. Baie dank…
  • Chris van Wyk on Die Twaalf Kleiner ProfeteDankie Johan, waardeer.
  • Johan v Zyl on Die Twaalf Kleiner ProfeteHi Chris net so baie dankie vir die enorme werk wat jy in Bybelskool doen. Ek gebruik dit elke dag in my bediening hier in Lichtenburg Klipkerk. Ek het op 60 die Bybel herontdek met nuwe passie . Jesusliefde Johan v Zyl
  • Chris van Wyk on Salwing in die BybelEk is bly, Stoffie, dat ek kon help. Die waarhede in die Skrif is ons diepste en enigste beskerming teen dwaling.
  • Stoffie Van Dyk on Salwing in die BybelEk het die afgelope Sondag 'n diens bygewoon wat my baie ontstem het - mense in die gehoor is gesalf deur 'n "profetes", en snaakse dinge het gebeur. Hierdie hele skrywe oor die salfgebruik, en van die antwoorde op vrae was vir my baie leersaam omdat dit vir my Skriftuurlik is. Baie dankie
  • Chris van Wyk on 2 Samuel 18Dankie Lesley, waardeer.
  • Lesley Barnard on 2 Samuel 18Pragtig, ñ mooi toepaslike verduideliking.
  • Chris van Wyk on 2 Samuel 17Hi Hettie. Daar is twee letters in Hebreeus wat amper dieselfde geskryf word, maar verskillend uitgespreek word. Daar is die normale h wat uitgespreek word soos ons dit normaalweg doen. Dan is daar egter ook die letter ḥ (geskryf met 'n h met 'n punt onder) wat anders uitgespreek word. Die uitspraak…
  • Hettie Swart on 2 Samuel 17Baie dankie vir die oopbreek van die Woord. Ek sien dat my Bybel 35 vertaling na Husai verwys en nie Gusai soos in die Bybelstudie aangetoon word nie. Is dit verskillende uitsprake vir dieselfde mens? Help my reg asseblief.
  • Chris van Wyk on Josua 2 – Ragab se ontsag vir Jahwe spaar die verkenners se lewe👍