Jesaja in die Nuwe Testament

Jesaja het ’n enorme invloed op die NT skrywers gehad.  Die NT skrywers haal meer aan uit Jesaja as uit enige ander boek, behalwe die Psalms.  Vir ‘n lys van aanhalings kan jy hier gaan kyk: http://www.levendwater.org/companion/append80.html .  Ons gaan in die laaste week hierna kyk.

Bv die Dienaar van die Here van Jesaja 52-53 funksioneer in 7 boeke in die Nuwe Testament en word met Jesus Christus verbind.

  • Jesaja 52:15 aangehaal in Romeine 15:21.
  • Jesaja 53:1 aangehaal in Johannes 12:38 en Romeine 10:16.
  • Jesaja 53:4 aangehaal in Matteus 8:17.
  • Jesaja 53:5–6 aangehaal in 1 Petrus 2:22–25.
  • Jesaja 53:7–8 aangehaal in Handelinge 8:32–33.
  • Jesaja 53:12 aangehaal in Markus 15:28 en Lukas 22:37.

Jesus verbind sy eie roepingsverstaan ook direk aan Jesaja 61:1-2 in Lukas 4:16-19.  Voor hom het Johannes die Doper dieselfde gedoen (Jes 40:3 in al vier evangelies: Mark 1:2; Mat 3:3; Luk 3:4; Joh 1:23).

Die konsep van ’n nuwe hemel en aarde soos bv. 2 Pet 3:13 daaroor praat, is ook eerste op die tafel gesit deur Jesaja 65:13-25.

En in die kerk bly Jesaja van groot belang.  In die tyd van Advent lees gemeentes wêreldwyd uit Jesaja 7,9 en 11, terwyl in Lydingstyd Jesaja 53 prominent funksioneer.  Jesaja 1 en 58 is fundamentele tekste wat die verskil tussen ware en valse godsdiens uitspel en Jesaja 6 is ’n model-voorbeeld van God se roeping van sy boodskappers.

View all posts in this series

Jesaja


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

%d bloggers like this: