Jesaja in Handelinge
Vandag is daar net ’n paar gedeeltes om te lees. Probeer dus elkeen in sy konteks lees.
Hier is die gedeeltes – weereens kronologies soos die in die boek Jesaja voorkom:
| Jesaja | Handelinge | Kort beskrywing |
| 6:9-10 | 28:26, 27 | Paulus is in Rome en maak – soos Jesus – die profesie van Jesaja, dat die Jode nie sal luister nie, op die ongelowige Jode van toepassing |
| 49:6 | 13:47 | Paulus en Barnabas neem die beskrywing van die roeping van die dienaar van die Here as ’n opdrag aan hulleself om die evangelie na die heidense nasies te neem. Let op hoe bly die heidene daaroor is, en hoe suur die Jode reageer. Dit funksioneer dus as ‘n soort roepingsteks vir hulle. |
| 53:7-8 | 8:32, 33 | Die Etiopiese amptenaar lees die gedeelte oor die Lydende dienaar van die Here en vra vir Filippus om dit vir hom uit te lê. Filippus bedien dan die evangelie van Jesus Christus aan die hand van dié gedeelte. |
| 55:3 | 13:34 | Paulus en Barnabas gebruik Jesaja se beklemtoning van God se betroubaarheid – Hy kom sy beloftes na – en pas dit toe op die opstanding van Jesus – God het Jesus opgewek. |
| 66:1-2 | 7:49, 50 | Stefanus spaar nie sy Joodse aanklaers nie, en wys hulle op hulle eie heilige boek, Jesaja, wat sê dat God nie in ’n tempel wat met hande gebou is, kan bly nie. Hulle hardkoppigheid ken egter geen perke nie, en hulle wil nie na die lewende Here luister nie, soos Hy nou in Jesus geopenbaar is nie, eerder hulle tradisies in stand hou. |
’n Paar opmerkings:
- Lukas haal interessant genoeg in beide sy evangelie en die Handelinge meer uit die tweede deel van Jesaja aan as uit die eerste deel. Ek wil nie veel daarin lees nie, maar die temas van die Lydende Dienaar van die Here, en die opdrag om ’n lig vir die nasies te wees, pas natuurlik baie goed in by die 2 reisverhale wat hy skryf – in die evangelie van Lukas, die reis van die platteland na Jerusalem waar die Lydende Dienaar van die Here, Jesus, die hoogste prys betaal, en in die Handelinge, die reis van Jerusalem na die wêreld (Rome) waar gelowiges ’n lig vir die nasies is tot vandag toe nog.
- Die onbegrip van ongelowiges, en nog dieper van dié wat dink hulle glo, is ’n baie groot werklikheid. Jesus moes daarmee rekening hou, en het ook doelbewus gelykenisse gebruik, om nie sy pêrels vir die swyne te gooi nie. Paulus moes gedurig daarmee rekening hou, en in ’n sekere sin sorg dit dat hy by sy eintlike roeping uitkom, om die evangelie aan die heidense nasies te verkondig. God is aan die werk, selfs in die onbegrip van mense, om sy plan uit te werk. En eerder as om daarteen te stry of mense te verkwalik, moet ’n mens God se hand daarin probeer raaksien en daarop reageer.
View all posts in this series
- Leesplan Jesaja - January 20, 2011
- Kies ’n Bybellees metode
- WEEK 1 – Jesaja 1-6
- Jesaja 1 – Julle ken My nie
- Jesaja as boek
- Vir dieperdelwers
- Jesaja 2 – geroep as ontmoetingsplek vir die nasies met God - January 21, 2011
- Jesaja die profeet
- Jesaja 3-4 – God se oordeel laat altyd ‘n oorblyfsel - January 24, 2011
- Indeling van die boek Jesaja
- Jesaja 5 – ’n begrafnislied oor verworde mense - January 25, 2011
- Jesaja in die Nuwe Testament
- Jesaja 6 – Hoop kom uit ’n afgekapte stomp - January 26, 2011
- WEEK 2 – Jesaja 7-12
- Jesaja 7 – Uitgenooi van vrees na vertroue - January 27, 2011
- Jesaja 8 – Leef met ontsag en oortuiging - January 28, 2011
- Jesaja 9 – Lig aan die einde van die tonnel? - January 31, 2011
- Jesaja 10 – God se vuur verteer en suiwer - February 1, 2011
- Jesaja 11-12 – God gee nooit moed op nie - February 2, 2011
- WEEK 3 – Jesaja 13-27
- Jesaja 13-14 – God is in beheer van die wêreldgeskiedenis - February 3, 2011
- Jesaja 15-17 – Dit kerm in my binneste - February 4, 2011
- Jesaja 18-20 – God laat nie sy droom vaar nie - February 7, 2011
- Jesaja 21-23 – God se oordeel bereik alle nasies - February 8, 2011
- Jesaja 24-27 – Van tragedie na triomf - February 9, 2011
- WEEK 4 – Jesaja 28-35
- Jesaja 28 – ‘n Oor vir God bring voorspoed - February 10, 2011
- Jesaja 29 – God gee insig vir die nageslag - February 11, 2011
- Jesaja 30-31 – Julle krag lê in stil vertroue en gebed - February 14, 2011
- Jesaja 32-33 – Die Here is ons Koning - February 15, 2011
- Jesaja 34-35 – God bring verandering deur oordeel en redding - February 16, 2011
- WEEK 5 – Jesaja 36-39
- Jesaja 36 – Stilwees en vertroue teen ‘n oormag - February 17, 2011
- Jesaja 37 – Gebed en vertroue beweeg God tot optrede - February 18, 2011
- Jesaja 38 – God sien ons trane raak EN doen iets daaraan - February 21, 2011
- Jesaja 39 – ‘n Gebrek aan onderskeiding - February 22, 2011
- Jesaja 1-39 – ‘n Verspeelde roeping stuit God nie - February 23, 2011
- WEEK 6 – Jesaja 40-48
- Jesaja 40-41 – Die wat op die Here vertrou, kry nuwe krag - February 24, 2011
- Jesaja 42-43 – Die dienaar van die Here leer mense om God te ken - February 25, 2011
- Jesaja 44-45:8 – God is die eerste en die laaste, die enigste God - February 28, 2011
- Jesaja 45:9-46:13 – Die Skeppergod alleen kan red - March 1, 2011
- Jesaja 47-48 – God bepaal die geskiedenis, nie toeval nie - March 2, 2011
- WEEK 7 – Jesaja 49-55
- Jesaja 49-50 – Die dienaar van die Here praat dié wat moeg is, moed in - March 3, 2011
- Jesaja 51:1-52:12 – Omhels ‘n bruikbare toekoms in jou verlede - March 4, 2011
- Jesaja 52:13-53:12 – Oor óns oortredings is Hy deurboor - March 7, 2011
- Jesaja 54 – My liefde vir julle sal nooit vergaan nie - March 8, 2011
- Jesaja 55 – Kom geniet God se genade - March 9, 2011
- WEEK 8 – Jesaja 56-61
- Jesaja 56-57 – Almal is welkom by God - March 10, 2011
- Jesaja 58 – God se mense laat medemense nie aan hul lot oor nie - March 11, 2011
- Jesaja 59 – God sorg dat sy Gees en woorde nie verlore raak vir sy volk nie - March 14, 2011
- Jesaja 60 – Nasies kom na jou lig - March 15, 2011
- Jesaja 61 – ‘n Blye boodskap vir mense in nood - March 16, 2011
- WEEK 9 – Jesaja 62-66
- Jesaja 62 – God se beloftes word in vervulling gebid - March 17, 2011
- Jesaja 63 – Selfs in oordeel kan jy jou op God beroep - March 18, 2011
- Jesaja 64 – Bid dat God nou ‘n verskil maak - March 21, 2011
- Jesaja 65 – Terwyl hulle nog praat, sal Ek hulle gebed verhoor - March 22, 2011
- Jesaja 66 – Die groot God is ook die naby God - March 23, 2011
- WEEK 10: Jesaja in die Nuwe Testament
- Jesaja in die evangelies - March 24, 2011
- Jesaja in Handelinge - March 25, 2011
- Jesaja in die briewe van Paulus - March 28, 2011
- Jesaja in die res van die Nuwe Testament - March 29, 2011
- Jesaja afsluiting - March 30, 2011
- Jesaja – Lees, luister, leef – ePub - February 20, 2014
- Wie is die Dienaar van die Here in Jesaja? - May 16, 2017
