Psalm 138 – U besiel my met innerlike krag
Psalm 138-145 is Dawidiese Psalms wat eintlik terugkyk en God se betroubaarheid deur die eeue bevestig. Dit bevestig ook die ewige bedoelings wat God met sy mense van altyd af het.
Die Psalmis is in die voorhof van die tempel en buig in aanbidding na die Here se heilige tempel. Sy hart is vol van lof aan die Here wat hy met musiek uitjubel voor die Here.
God se troue liefde en betroubaarheid wys in gebedsverhoring en besieling – vers 1-3
Hy loof die Here vir die openbaring van sy troue liefde (vers 2 en 8) en sy betroubaarheid. Sy troue liefde, omdat dit vir altyd duur en daarom die toets van die tyd deurstaan. Sy betroubaarheid, omdat sy Naam en sy woord/belofte (‘imrâh – vgl. Ps. 119:11 en verskeie ander voorkomste in dié Psalm) bo alles uittroon en die gode van die nasies troef.
Daarom kan die gode maar hoor wat hy sing, want hulle is magteloos in die lig van God se troue liefde en betroubaarheid (vgl. die unieke Ps. 82 vir ‘n perspektief op God en die gode, wat op beide afgode en mense in magsposisies kan dui).
God se troue liefde en sy betroubaarheid is egter nie iets wat net in die algemeen waar is nie. Dit is iets wat die Psalmis persoonlik ervaar het in gebedsverhoring en besieling: “Op die dag wanneer ek roep, antwoord U my; U besiel my met innerlike krag.” (138:3).
Al die konings van die aarde moet U loof, Here – vers 4-6
Dit is asof die Psalmis besef dat sy lof eintlik te effentjies is vir só ‘n groot God. Dit is eintlik net ‘n groot koor van al die konings van die wêreld wat enigsins sal kan begin om reg te laat geskied aan dié groot en deurlugtige God. Hulle almal moet deur God se woorde/beloftes (ook ‘imrâh, net in die meervoud) beweeg word om God se weë te besing en eer aan sy majesteit en verhewenheid te bring. Hy kan immers die nederiges en die hoogmoediges van ver af van mekaar uitken.
Die Here tree vir my in – vers 7-8
Die Psalmis keer terug na sy eie intense waardering vir God se beskerming en verlossing. Hy neem dit nie as iets vanselfsprekend aan nie, maar as iets wat weer en weer deur God aan hom geskenk word in die aangesig van nood en die woede van sy vyande. “Die Here tree vir my in.” (vers 8 in die BDV). Of meer dinamies vertaal: “Die Here sal vir my alles goed laat afloop.” (NAV).
Daarom verbind hy dan ook opnuut sy gebed vir persoonlike volharding aan God se troue liefde wat vir ewig duur. Hy vra dat die Here hom – God se handewerk – nie sal laat vaar nie. Daarin is sy hoop ten diepste geleë.
View all posts in this series
- BYBELSKOOL OOR PSALM 107-150 - Aug 20, 2015
- Die praktiese waarde van die Psalms - Aug 31, 2015
- Inleiding op die vyfde Psalmboek (107-150)
- Hoe om die Psalms te lees
- Psalm 107 – God is goed en getrou – aan sy liefde is daar geen einde nie - Sep 1, 2015
- Psalm 108 – Ek wil die rooidag met lof wakker maak – u liefde reik tot in die hemel, u trou tot in die wolke - Sep 2, 2015
- Psalm 109 – U is goed en getrou, moet U nie doof hou nie - Sep 3, 2015
- Psalm 110 – U volk is gereed vir die dag waarop u u magte monster - Sep 4, 2015
- Psalm 111 – God se werk is groots en betroubaar - Sep 7, 2015
- Psalm 112 – Ontsag vir God se gebooie bring vreugde; Vertroue verdryf die vrees vir slegte tyding - Sep 8, 2015
- Psalm 113 – Prys die Here van waar die son opkom tot waar dit ondergaan - Sep 9, 2015
- Psalm 114 – Jubel uitgelate oor die Uittog uit Egipte - Sep 10, 2015
- Psalm 115 – Nie aan ons nie, Here, maar aan u Naam kom die eer toe - Sep 11, 2015
- Psalm 116 – Ek het die Here lief, want Hy verhoor my smeekgebede - Sep 14, 2015
- Psalm 117 – God is oneindig betroubaar in sy onmeetlike liefde vir ons - Sep 15, 2015
- Psalm 118 – Aan sy liefde is daar geen einde nie - Sep 16, 2015
- Psalm 119 – Dit gaan goed met dié wat wandel volgens die woord van die Here - Sep 17, 2015
- Psalm 119:1-8 – ALEF: God begelei en inspireer ons deur sy wet en getuienisse
- Psalm 119:9-16 – BET: Gehoorsaamheid aan God se woord bewaar van sonde - Sep 18, 2015
- Psalm 119:17-24 – GIMEL: God se woorde is raadgewers wat insig gee - Sep 21, 2015
- Psalm 119:25-32 – DALET: Die pad van u bevele volg ek geesdriftig - Sep 22, 2015
- Psalm 119:33-40 – HE: Onderrig my dat ek enduit u voorskrifte kan nakom - Sep 23, 2015
- Psalm 119:41-48 – WAW – Die liefde vir God se wet gee vryheid en vrymoedigheid - Sep 24, 2015
- Psalm 119:49-56 – ZAJIN – Onthou tog u woord aan u dienskneg - Sep 25, 2015
- Psalm 119:57-64 – GET – U, Here, is my deel; U troue liefde vul die aarde - Sep 28, 2015
- Psalm 119:65-72 – TET – U is goed en doen goed; leer my u voorskrifte - Sep 29, 2015
- Psalm 119:73-80 – JOD – U hande het my gemaak en aan my ‘n plek gegee - Sep 30, 2015
- Psalm 119:81-88 – KAF – Op u woord wag ek sodat ek dit kan nakom - Oct 1, 2015
- Psalm 119:89-96 – LAMED – Vir ewig staan u woord vas - Oct 2, 2015
- Bydraes hervat Maandag 12 Oktober - Oct 6, 2015
- Psalm 119:97-104 – MEM – Insig in God se openbaring kom deur gehoorsaamheid - Oct 12, 2015
- Psalm 119:105-112 – NUN – Ek gehoorsaam U ten spyte van gevaar - Oct 13, 2015
- Psalm 119:113-120 – SAMEK – Ontsag vir God se woord bring ondersteuning en onderskraging - Oct 14, 2015
- Psalm 119:121-128 – AJIN – Insig lê anderkant die pyn van gehoorsaamheid - Oct 15, 2015
- Psalm 119:129-136 – PE – As u woorde oopgaan, gee dit lig - Oct 16, 2015
- Psalm 119:137-144 – TSADE – My ywer vir u woorde verteer my wanneer my teenstanders dit vergeet - Oct 19, 2015
- Psalm 119:145-152 – KOF – Op u woorde wag ek - Oct 20, 2015
- Psalm 119:153-160 – RESJ – Die hoofsaak van u woord is waarheid - Oct 21, 2015
- Psalm 119:161-168 – SIN/SJIN – Sewe keer ‘n dag loof ek U oor u regverdige beslissings - Oct 22, 2015
- Psalm 119:169-176 – TAW – Hou my lewend sodat ek U kan loof - Oct 23, 2015
- Psalm 120 – Here, bevry my van bedrieglike tonge - Oct 26, 2015
- Psalm 121 – God, jou Beskermer, slaap nie - Oct 27, 2015
- Psalm 122 – Mag daar vrede in jou wees, Jerusalem - Oct 28, 2015
- Psalm 123 – Ons oë is gerig op God totdat Hy ons genadig is - Oct 29, 2015
- Psalm 124 – As die Here nie vir ons was nie … dan het hulle ons lewendig ingesluk - Oct 30, 2015
- Psalm 125 – Here, doen goed aan die goeies, aan dié wat opreg is in hulle harte - Nov 2, 2015
- Psalm 126 – Dié wat met trane saai, sal met gejuig maai. - Nov 3, 2015
- Psalm 127 – As die Here die huis nie bou nie, swoeg die bouers tevergeefs daaraan - Nov 4, 2015
- Psalm 128 – Hoe gelukkig is elkeen wat vir die Here ontsag het, wat sy paaie volg! - Nov 5, 2015
- Psalm 129 – Verlossing uit verdrukking; Verguising vir verdrukkers - Nov 6, 2015
- Psalm 130 – Uit die dieptes roep ek na U, Hoor tog my stem - Nov 9, 2015
- Psalm 131 – Groot dade en wonderwerke kom van God af - Nov 10, 2015
- Psalm 132 – Here, laat u gesalfde se kroon skitter - Nov 11, 2015
- Psalm 133 – Kyk hoe goed, hoe mooi is eensgesindheid onder gelowiges - Nov 12, 2015
- Psalm 134 – Mag die Here jou seën uit Sion - Nov 13, 2015
- Psalm 135 – God is goed; God is groot; God sorg vir sy volk - Nov 16, 2015
- Psalm 136 – Want vir ewig duur sy troue liefde - Nov 17, 2015
- Psalm 137 – Jerusalem bly my grootste vreugde - Nov 18, 2015
- Psalm 138 – U besiel my met innerlike krag - Nov 19, 2015
- Psalm 139 – Die wonder van God en van menswees - Nov 20, 2015
- Psalm 140 – Hou my veilig teen geweldenaars - Nov 23, 2015
- Psalm 141 – Maar op U bly my oë gerig - Nov 24, 2015
- Psalm 142 – Lei my uit gevangenskap dat ek u Naam kan loof - Nov 27, 2015
- Psalm 143 – U goeie Gees moet my lei op gelyk grond - Nov 30, 2015
- Psalm 144 – Hoe gelukkig is die volk wie se God die Here is - Dec 1, 2015
- Psalm 145 – Die Here is goed vir almal - Dec 2, 2015
- Psalm 146 – Ek wil my God besing solank as wat ek bestaan - Dec 3, 2015
- Psalm 147- Die Here vind vreugde in hulle wat vir Hom ontsag het - Dec 4, 2015
- Psalm 148 – Alles en almal loof die Here uit hemel en aarde - Dec 7, 2015
- Psalm 149 – Die Here is sy volk goedgesind en sal hulle vergeld - Dec 8, 2015
- Psalm 150 – Alles wat asem het, moet die Here oral loof! - Dec 9, 2015
- Psalm 151 – God luister na, roep en gebruik Dawid in die geveg met Goliat - Dec 10, 2015
