Psalm 115 – Nie aan ons nie, Here, maar aan u Naam kom die eer toe
‘n Interessante aspek van Psalm 115 help ‘n mens om aan die een kant die moontlike funksie en rol daarvan in oud-Israel agter te kom en aan die ander kant om dit vir jouself toe te eien. Dit is die waarneming van baie geleerdes dat daar verskillende stemme in die Psalm onderskei kan word.
115:1-8 – Nie aan ons nie, Here, maar aan u Naam kom die eer toe
Dit wil voorkom asof dieselfde stem die Psalm begin – vers 1-8 – en die Psalm eindig – vers 17-18. Waarskynlik was dit die geloofsgemeenskap in die tempel.
Dit gaan in vers 1-8 oor die aanvanklike weeklag van die geloofsgemeenskap, waarskynlik in die ontwrigtende situasie van die terugkoms ná die ballingskap, oor die spottery wat hulle moet verduur van afgodsdienaars wat die Here se bestaan ontken. Hulle herinner die Here aan sy liefde en trou wat eer aan sy Naam gee.
Let op hoe die geloofsgemeenskap met dié klag hulle eie posisie in afhanklikheid van die Here uitspel: “Nie aan ons nie, Here, nie aan ons nie, maar aan u Naam kom die eer toe.” Hoekom? “Want dit is U wat liefde en trou bewys.” Ja, verseker, “Geseënd is dié wat weet hoe afhanklik hulle van God is …” het Jesus die Bergrede begin (Matt. 5:3).
Vandaar die klag dat die heidene met dié God die spot dryf terwyl nie net Israel se God in die hemel is en: “Alles wat Hy wil”, kan doen nie, maar op die koop toe dat die afgode van die nasies: “die werk van mensehande is”. Die interessante is hoe Israel ook raaksien dat as ‘n mens op dooie beelde vertrou, jy eintlik net soos hulle word. Ontstellend en afskuwelik.
115:9-14 – Vertrou op die Here en sy beloftes
In die middelste gedeelte – vers 9-14 – kan ‘n mens waarskynlik drie ander verskillende stemme onderskei – moontlik voorgedra deur van die priesters – wat die gebruik van dié Psalm in ‘n liturgie verder onderstreep.
- Vers 9-10 reageer op die weeklag van die geloofsgemeenskap en beklemtoon vertroue op die Here se hulp en beskerming. Die priesters sowel as die volk word daaraan herinner.
- Vers 11-12 herinner die geloofsgemeenskap om na te dink nie net oor hulle klag nie, maar oor die wonderlike werklikheid dat Here aan hulle dink en sy algemene seën aan die geloofsgemeenskap sal skenk. Weereens is dit van toepassing op beide die huis van Aäron en die huis van Israel, die geestelikes sowel as die geloofsgemeenskap, “klein en groot”.
- Vers 13-14 gaan nog verder en herinner hulle aan die Here se beloftes rondom die seën van ‘n nageslag en koppel dit aan sy Skeppingsmag. Dié beloftes word nie net uitgespel nie, maar aktief ingespan om vir die Here se vervulling daarvan te vra. Soos die hemel daar is vir die Here, só is die aarde en sy seën daar vir die mense en pleit hulle dat hulle iets daarvan sal kan ervaar.
115:17-18 – So lank as wat ons lewe, sal ons die Here prys
Die geloofsgemeenskap sluit in vers 17-18 op ‘n lofprysende noot af met die voorneme om die Here steeds te prys, “nou en vir altyd!” in reaksie op die herinnering en beloftes van die middelste gedeelte. Omdat die dooies die Here nie meer op aarde kan prys nie, sal dié wat steeds lewe nie ophou om die Here te prys nie, “nou en vir altyd.” Implisiet is daar in dié lofprysing ook die versugting dat die Here hulle in die lewe sal hou.
Boodskap
Die Psalm is ‘n wonderlike uitnodiging om met jou eie situasie voor die Here te kom en aan die een kant jou eie afhanklikheid van die Here te erken, maar aan die ander kant ook jouself te herinner aan God se beloftes en jou vandag in vertroue op God se hulp, beskerming en seën te verlaat.
Die Psalm laat my dink aan die opmerking wat John R.W. Stott oor Bybelstudie gemaak het:
“In the Bible God gives us revelations of himself which leads us to worship, promises of salvation which stimulates our faith, and commandments expressing his will which demand our obedience. This is the meaning of Christian discipleship.”
Dié Psalm leen hom uitstekend daartoe om te lees vir openbarings van God self – Hy bewys liefde en trou, Hy help en beskerm – sy beloftes – Hy seën in die algemeen sowel as in spesifieke omstandighede – en opdragte – om Hom te vertrou en nou en vir altyd te loof. Die meeste Bybelgedeeltes kan met dié eenvoudige drie vrae gelees word tot groot seën vir jou.
View all posts in this series
- BYBELSKOOL OOR PSALM 107-150
- Die praktiese waarde van die Psalms
- Inleiding op die vyfde Psalmboek (107-150)
- Hoe om die Psalms te lees
- Psalm 107 – God is goed en getrou – aan sy liefde is daar geen einde nie
- Psalm 108 – Ek wil die rooidag met lof wakker maak – u liefde reik tot in die hemel, u trou tot in die wolke
- Psalm 109 – U is goed en getrou, moet U nie doof hou nie
- Psalm 110 – U volk is gereed vir die dag waarop u u magte monster
- Psalm 111 – God se werk is groots en betroubaar
- Psalm 112 – Ontsag vir God se gebooie bring vreugde; Vertroue verdryf die vrees vir slegte tyding
- Psalm 113 – Prys die Here van waar die son opkom tot waar dit ondergaan
- Psalm 114 – Jubel uitgelate oor die Uittog uit Egipte
- Psalm 115 – Nie aan ons nie, Here, maar aan u Naam kom die eer toe
- Psalm 116 – Ek het die Here lief, want Hy verhoor my smeekgebede
- Psalm 117 – God is oneindig betroubaar in sy onmeetlike liefde vir ons
- Psalm 118 – Aan sy liefde is daar geen einde nie
- Psalm 119 – Dit gaan goed met dié wat wandel volgens die woord van die Here
- Psalm 119:1-8 – ALEF: God begelei en inspireer ons deur sy wet en getuienisse
- Psalm 119:9-16 – BET: Gehoorsaamheid aan God se woord bewaar van sonde
- Psalm 119:17-24 – GIMEL: God se woorde is raadgewers wat insig gee
- Psalm 119:25-32 – DALET: Die pad van u bevele volg ek geesdriftig
- Psalm 119:33-40 – HE: Onderrig my dat ek enduit u voorskrifte kan nakom
- Psalm 119:41-48 – WAW – Die liefde vir God se wet gee vryheid en vrymoedigheid
- Psalm 119:49-56 – ZAJIN – Onthou tog u woord aan u dienskneg
- Psalm 119:57-64 – GET – U, Here, is my deel; U troue liefde vul die aarde
- Psalm 119:65-72 – TET – U is goed en doen goed; leer my u voorskrifte
- Psalm 119:73-80 – JOD – U hande het my gemaak en aan my ‘n plek gegee
- Psalm 119:81-88 – KAF – Op u woord wag ek sodat ek dit kan nakom
- Psalm 119:89-96 – LAMED – Vir ewig staan u woord vas
- Bydraes hervat Maandag 12 Oktober
- Psalm 119:97-104 – MEM – Insig in God se openbaring kom deur gehoorsaamheid
- Psalm 119:105-112 – NUN – Ek gehoorsaam U ten spyte van gevaar
- Psalm 119:113-120 – SAMEK – Ontsag vir God se woord bring ondersteuning en onderskraging
- Psalm 119:121-128 – AJIN – Insig lê anderkant die pyn van gehoorsaamheid
- Psalm 119:129-136 – PE – As u woorde oopgaan, gee dit lig
- Psalm 119:137-144 – TSADE – My ywer vir u woorde verteer my wanneer my teenstanders dit vergeet
- Psalm 119:145-152 – KOF – Op u woorde wag ek
- Psalm 119:153-160 – RESJ – Die hoofsaak van u woord is waarheid
- Psalm 119:161-168 – SIN/SJIN – Sewe keer ‘n dag loof ek U oor u regverdige beslissings
- Psalm 119:169-176 – TAW – Hou my lewend sodat ek U kan loof
- Psalm 120 – Here, bevry my van bedrieglike tonge
- Psalm 121 – God, jou Beskermer, slaap nie
- Psalm 122 – Mag daar vrede in jou wees, Jerusalem
- Psalm 123 – Ons oë is gerig op God totdat Hy ons genadig is
- Psalm 124 – As die Here nie vir ons was nie … dan het hulle ons lewendig ingesluk
- Psalm 125 – Here, doen goed aan die goeies, aan dié wat opreg is in hulle harte
- Psalm 126 – Dié wat met trane saai, sal met gejuig maai.
- Psalm 127 – As die Here die huis nie bou nie, swoeg die bouers tevergeefs daaraan
- Psalm 128 – Hoe gelukkig is elkeen wat vir die Here ontsag het, wat sy paaie volg!
- Psalm 129 – Verlossing uit verdrukking; Verguising vir verdrukkers
- Psalm 130 – Uit die dieptes roep ek na U, Hoor tog my stem
- Psalm 131 – Groot dade en wonderwerke kom van God af
- Psalm 132 – Here, laat u gesalfde se kroon skitter
- Psalm 133 – Kyk hoe goed, hoe mooi is eensgesindheid onder gelowiges
- Psalm 134 – Mag die Here jou seën uit Sion
- Psalm 135 – God is goed; God is groot; God sorg vir sy volk
- Psalm 136 – Want vir ewig duur sy troue liefde
- Psalm 137 – Jerusalem bly my grootste vreugde
- Psalm 138 – U besiel my met innerlike krag
- Psalm 139 – Die wonder van God en van menswees
- Psalm 140 – Hou my veilig teen geweldenaars
- Psalm 141 – Maar op U bly my oë gerig
- Psalm 142 – Lei my uit gevangenskap dat ek u Naam kan loof
- Psalm 143 – U goeie Gees moet my lei op gelyk grond
- Psalm 144 – Hoe gelukkig is die volk wie se God die Here is
- Psalm 145 – Die Here is goed vir almal
- Psalm 146 – Ek wil my God besing solank as wat ek bestaan
- Psalm 147- Die Here vind vreugde in hulle wat vir Hom ontsag het
- Psalm 148 – Alles en almal loof die Here uit hemel en aarde
- Psalm 149 – Die Here is sy volk goedgesind en sal hulle vergeld
- Psalm 150 – Alles wat asem het, moet die Here oral loof!
- Psalm 151 – God luister na, roep en gebruik Dawid in die geveg met Goliat
Tags: Psalms
Trackback from your site.
Chris van Wyk
| #
Dankie Frikkie – ek het so pas ‘n bietjie nagedink oor Job se verhaal, en dieselfde boodskap daaruit gekry vir myself. Soos Esegiël eerlik is oor wat verkeerd is, leer Job my om ook eerlik te wees oor ‘n mens se eie situasie. Dit is al manier om uiteindelik te kan wag op God se uitkoms en nie jou eie kop te volg nie. Vrede en seën vir jou.
Frikkie Fensham
| #
Middag Chris
ek is van die Lewende Woord Gemeente in Lydenburg
Ons behandel tans die boek in ons dienste.
Wat n bemoediging was dit nie vir my om studie te lees oor Esegiel want :
” As jy alles verloor het, of op moedverloor se vlakte sit, is dit wonderlik om die boek Esegiël te lees. Hoekom? Want hy paai ‘n mens nie met goedkoop troos nie. Hy is trouens vlymskerm in sy eerlike analise oor wat verkeerd is. Hy praat kaalkop God se waarheid.”
baie dankie
Frikkie
Chris van Wyk
| #
Temas is onderwerpe waarna telkens deur ‘n skrywer verwys word. Bv die tema van die Heilige Gees. Matteus verwys na die Heilige Gees by die swangerskap van Maria (Matt 1:18,20), by die doop van Jesus (Matt 3:11), by die versoeking in die woestyn (Matt 4:1), by die bemoediging van die dissipels in vervolging (Matt 10:20), by die bevestiging van Jesus se werk toe die Fariseërs beplan om Hom dood te maak (Matt 12:18), by die uitdrywing van bose geeste (Matt 12:28), by die verduideliking oor watter sonde ‘n mens nie vergeef word nie (Matt 12:31), by die bevestiging dat die Gees deur Dawid gespreek het (Matt 22:43), en by die uitsending van die dissipels (Matt 28:19). Dit help baie as ‘n mens dié verwysings merk en uiteindelik vir jou ‘n prentjie kry van wat Matteus (en natuurlik die ander evangeliste ook) oor die Persoon en werking van die Gees sê.
Daar is talle sulke temas in die evangelies: liefde, barmhartigheid, geloof, genade ensomeer. As jy dié verskillende uitsprake daaroor verbind, groei ‘n mens se begrip van wat God vir ons deur sy Woord wil sê.
William Phillips
| #
Chris goeiemore. Ek is bietjie nuut in Prontuit die Waarheid en will graag west wat beteken dit is jy se dat ons moet oplet vir temas. Wat bedoel by met temas en waarna moet ek kyk.
A.J. Liebenberg
| #
Ek sal graag ‘n boek wil aanbeveel oor Genesis 1 tot 11:
The Genesis Account deur Jonathan D. Sarfati
Dit is absoluut noodsaaklik dat ons Genesis as ‘n historiese boek sal lees Genesis 2:4 “Dit dan is die GESKIEDENIS van die hemel en die aarde toe hulle geskep is.”
Exodus 20:11 “Die Here het in ses dae die hemel en alles daarin gemaak, die aarde en alles daarop, die see en alles daarin…”
My vraag is: Sou God dit so laat opteken het (ses dae skepping) net om ons deurmekaar te maak as die skepping met ‘n “big bang” en oor miljoene jare ontstaan het? Ek glo nie God is ‘n “joker” nie.
Dankie vir u groot bydrae – ek leer baie by Bybelskool.
Marinda Hattingh
| #
Verál ook mbt laasweek se aktuele onderwerp; weereens báie dankie vir dapper prontuit die waarheid spreek.
Chris van Wyk
| #
Jesus het aangelê by die etenstafel met sy voete agter en weg van die tafel. Sy het dus aan sy rugkant gestaan en haar trane het op sy voete gedrup.
William
| #
Goeiemiddag Chris. Ons lees in Lukas 7:38 dat die vrou met die albasterfles salf agter Jesus gaan staan en geween en sy voete natgemaak en afgedroog met haar hare. Hoe is dit moontlik dat sy agter hom kan staan en dit doen?
Chris van Wyk
| #
Daar is nie meer gegewens oor Dina in die Bybel nie. Dan word nie ingesluit in Openbaring nie, eerder Manasse, die kleinseun van Jakob, seun van Josef. Dit is moontlik weens die boek Kronieke wat die stam van Dan ook in die geslagsregisters in 1 Kronieke 2:1 uitlaat. Dan is geassosieer met afgodery (1 Kon. 12:28-30 – Jerobeam het onder andere afgodsbeelde in Dan opgerig wat Israel verlei het). Die Iere is nie Dan se afstammelinge nie.
Danie
| #
Wat het later gebeur met Dina,vrouens was stief behandel in die Bybeltyd,hoekom was daar twaalf stamme daar moes `n dertiende stam afkomstig van Dina wees.Hoekom word Dan nie in Openbaring genoem nie en is die Iere Dan se afstammelinge.