Skip to main content

Job 26 – Met wie se hulp het jy gepraat?

Job-in-Despair - van "Drawings-for-the-Bible" deur Marc Chagall gepubliseer deur Verve.
Job-in-Despair – van “Drawings-for-the-Bible” deur Marc Chagall gepubliseer deur Verve.

In die eerste deel van Job se reaksie op Bildad in hoofstuk 26 sluit hy eintlik al sy vriende in, al praat hy in die enkelvoud en ontbloot met sy vyf vrae hulle fundamentele gebrek aan ‘n doelgerigte luister na God (26:1-4).  In die tweede deel van hoofstuk 26 brei Job uit op die misterieuse karakter van God wat uiteindelik alle mense se begrip ontglip (26:5-14).

In hoofstuk 27 sluit Job by sy heel eerste worstelgesprek in hfst. 3 aan wat gehandel het oor die angs wat hy verduur oor die verlies van sy goed en besittings ten spyte van die feit dat hy nie in sy vroomheid verslap het nie (27:1-12).  Hier kla hy oor sy onregverdige en onskuldige lyding, al bly hy steeds by sy voorneme om niks te sê wat verkeerd is nie: “so lank as die asem van God in my is.” (27:3-4).  Hy sluit sy klag af met ‘n verwysing na die lot wat God uitmeet vir die goddeloses (let op die meervoud) wat eintlik ‘n implisiete teregwysing van sy vriende is (27:13-23).

Met wie se hulp het jy gepraat? – 26:1-4

Job vra vyf skerp vrae om agter te kom waar sy vriende se hulp, bystand, raad, en insig vandaan kom: “Met wie se hulp het jy gepraat?  By wie het jy gehoor wat jy gesê het?” (26:4)

Daarmee onbloot Job meteens sy vriende se fundamentele probleem.  Hulle praat oor lyding gebaseer op hulle ervaring (Elifas), op die tradisie (Bildad) en op hulle intellektuele vermoë (Sofar). Job kan egter agterkom dat hulle dit nie by God gehoor het nie.  Dít is waarom hy eintlik kan saamstem met sommige van die beginsels wat hulle oor God en sy rol in die wêreld aanvoer, maar terselfdertyd ook kan agterkom dat hulle gevolgtrekkings nie vanuit ‘n doelgerigte luister na God in sy spesifieke situasie kom nie.

Dít is ‘n uiters belangrike opmerking van Job, iets wat hy uiteindelik ook op homself van toepassing maak toe God hom aanspreek uit die stormwind: “Ek het oor dinge gepraat wat ek nie begryp nie.” (42:3).  Dit bly dus vir onsself ook ‘n belangrike vermaning.  Wanneer ons hulp wil verleen, bystand wil gee, raad wil aanbied, of insig wil deel, moet ons seker maak dat ons dit doen vanuit ons verhouding met God, vanuit ‘n luister na wat God wil.  Anders kan ons woorde ook as harteloos, onvanpas, en brutaal oorkom, soos dit toenemend van die vriende se raad waar was.

God se werke illustreer sy misterieuse karakter – 26:5-14

In die tweede deel van hoofstuk 26 brei Job uit op die misterieuse karakter van God soos dit in sy werke geïllustreer gesien kan word.  Hy verwys na die vele plekke waar God sy mag ten toon stel, hoewel die verklaring daarvan eintlik ons begrip ontglip: die doderyk, die hemelruim, die reën, die grens tussen lig en donker, die see, die wind, en: “Dit is maar die begin van sy dade, ons hoor net die gefluister van sy woorde. Maar die volle krag van sy dade, wie kan dit verstaan?” (26:14).

Terloops, let op die beskrywing van die aarde wat hang waar niks is, d.w.s. in die ruimte, net soos die hemel ook uitgesprei is oor die leë ruimte.  Ook die interessante beskrywing van die grens tussen lig en donker wat saamhang met die horison op die see.  Hoewel dit digterlike taal is, dui dit op ‘n genuanseerdheid in die Bybelse hantering van die wyse waarop die aarde in die skepping geteken is.

Die aarde is nie net op pilare gegrondves, soos in ander gedigte gesê word nie, maar hang ook in die ruimte.  Ek het iets daaroor geskryf in hierdie artikel.  Daarteenoor word van die pilare van die hemel gepraat wat waarskynlik met die berge verbind kan word wat op digterlike wyse beskryf word as die plekke/pilare waarop die hemel rus.  Die belangrike punt is nie die presiese beskrywing nie, maar dat God daarvoor verantwoordelik is.  Voorwaar misterieus!

View all posts in this series

Job


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar

  • Chris van Wyk on 2 SAMUEL 11:1-15Die Skrif is duidelik daaroor dat God nie sonde kan doen nie. Hy keur ook nie sonde ooit goed nie. Hy laat boonop geen sonde ongestraf nie (Eks 34). Dit is in dié lig wat 'n mens die profesie moet verstaan. God laat Dawid aan die gevolge van sy eie sondes oor, dit is dat Absalom onder andere in opst…
  • PHILIPPUS C FOURIE on 2 SAMUEL 11:1-152 Samuel 12 vers 11 waar God aan Dawid sê dat Hy sy vroue aan sy naaste sal gee om by te slaap en dit sal geskied in daglig sodat almal dit sal sien. Ek was deur my naaste hieroor gekonfronteer met die argument: Hoe kan God dit self toelaat en laat gebeur as Hyself hier owerspel toelaat? Dit is mos…
  • Chris van Wyk on Amos 9:1-10Waardeer.
  • Klazina Jacobs on Amos 9:1-10Dankie. Baie insiggewend!
  • Chris van Wyk on Jona 1:1-16Dankie Kobus, ek sien uit na module 4 waar ons saam dieper in die NT gaan delf!
  • Kobus De Wet on Jona 1:1-16More Dr Chris, vanmore is ek weer in verwondering oor die Woord van God na ek u stuk gelees het oor Jon 1:1-16. Ek het altyd in terme van Jona en die vis Jona gelees, uit my sondagskool perpektief, nou ontdek ek die diepte in Jona: die chiastiese rangskikking, God se name en natuurlik die Radam - di…
  • Chris van Wyk on Matteus 17 – Jesus word verheerlik as teken van sy Goddelike weseDankie Monique, dit is my voorreg!
  • Monique Steyn on Matteus 17 – Jesus word verheerlik as teken van sy Goddelike weseDie Bybelskool help my so vreeslik Baie, Om die Bybel en die Woord van Jesus better te verstaan. Ek Wil net Soo Baie dankie se. Wees geseend.
  • Chris van Wyk on 2 Kronieke 1Hi Ayden, verhale uit die OT is voorbeelde wat ons help om te verstaan hoe God in ander se lewens gewerk het - in dié geval Salomo - sodat ons kan kyk of daar raakpunte met ons eie lewe is, en ons die boodskap aan die mense van daardie tyd, ook op onsself van toepassing kan maak. Jy kan die boodskap…
  • Ayden Corbett on 2 Kronieke 1Ekt gebid en gevra dat die Here vir my n vers uit die bybel moet kies en my sal help verstaan wat ek lees en toe maak ek oop op 2 krinieke 1...dra die stukkie n spesifieke betekenis of boodskap buitens dat jy wysheid moet kies om die Here se volk te regeer inplaas daarvan om vir rykdom en n lang Lew…
  • Chris van Wyk on Kolossense 2:6-23 – In Christus Jesus is ons met die volheid van God vervulHi Eugene, alles moet getoets word aan die geskrewe Woord van God. As sy iets sien of sê wat daarmee in stryd is, is dit verkeerd. En as jy dit uitwys, is dit nie 'n sonde teen die Heilige Gees nie.
  • Chris van Wyk on 1 Konings 11:1-43;  2 Kronieke 9:29-31Jesus wys in Matteus 12 en Lukas 11 uit dat sy eie wysheid dié van Salomo oortref. Die koningin van Skeba sal dus in die oordeel opstaan en die geslag van Jesus oordeel, omdat sy op Salomo se wysheid gereageer het, en die Jode nie dieselfde gedoen het met Jesus nie (Matt 12:42; Luk 11:31). Die boods…
  • Chris van Zyl on 1 Konings 11:1-43;  2 Kronieke 9:29-31Chris, sê asseblief iets meer oor die laaste sin van vandag se bydrae. Groete
  • Eugene Beetge on Kolossense 2:6-23 – In Christus Jesus is ons met die volheid van God vervulGoeie dag kan u dalk verduidelik as die vroue predekant helder ligte en engele sien of engele wat tekens doen. Hoe moet n mens as Christen dit verwerk of interpreteer sonder om te laster teen die Heilige gees . U inset word opreg wardeer.
  • Chris van Wyk on Openbaring 19:1-10 – Gelukkig is hulle wat uitgenooi is na die bruilofsfees van die LamHi, dit is beelde wat gebruik word om dieselfde werklikheid uit te druk. In vers 7 word die kerk as 'n bruid uitgebeeld om die intieme verhouding tussen God en sy mense uit te druk. Die bruid is enkelvoud, maar die mense wat deel daarvan is natuurlik meervoud. Maar, dit is nie 'n probleem nie, want…