Job 13:20-14:22 – As ‘n mens sterf, sal hy weer lewe?

Job-in-Despair - van "Drawings-for-the-Bible" deur Marc Chagall gepubliseer deur Verve.
Job-in-Despair – van “Drawings-for-the-Bible” deur Marc Chagall gepubliseer deur Verve.

Wat Job in die gesprek met God wil hoor, is wat die misdade en sondes is wat hy begaan het.   Die Here moet hom net ‘n blaaskans gee van die straf wat hy verduur, en die skrik vir God wat dreig om hom te oorval, sodat hy en God die saak van sy skuld al dan nie kan uitmaak.

Hy is immers soos ‘n verwaaide blaar, ‘n droë stoppel, ‘n stuk klere wat deur motte gevreet is, nie die moeite werd om met soveel aandag uit te sonder vir hierdie bitter lyding nie.  Die Here se merk is op hom – daar staan letterlik in 13:27: “U plaas merke op die wortels van my voete (voetsole)” – sodat Job nêrens kan vlug waar die Here nie sy voetspore kan volg nie.

Dié manier van doen sou tot troos kon wees – onthou die speelgoed in die Toy Story reeks wat met trots Andy se naam op hulle voetsole vertroetel het, omdat dit hulle spesiale status om aan hom te behoort, verkondig het – maar is vir hom ‘n werklikheid wat hom verskrik.

Job ervaar die Here se houding teenoor hom as “over the top”.  Die straf pas immers nie by die sondes nie, want sover hy weet was daar geen sondes wat dié lyding kon veroorsaak het nie.  Dit is nie asof hy daarmee ontken dat die mens as sodanig sonder sonde is nie: “Wie kan rein uit onrein laat voorkom?  Niemand nie!” (14:4).  Maar om jou onverdeelde aandag aan só iemand te gee om in ‘n regsgeding te betrek, maak net nie vir Job sin nie.

Job verwoord dan die verganklikheid van die mens – sy dae is vasgestel “en hy kan dit nie oorskry nie” – en vergelyk dit met die hoop wat daar vir ‘n boom is dat dit weer kan uitloop as dit afgekap word.  Helaas, die mens het nie dié voorreg nie: “die mens sterf en verdwyn, hy blaas sy laaste asem uit en waar is hy?” (14:10).

Dit is ironies genoeg eintlik waar Job wil wees, in die doderyk, want dit sou vir hom ‘n blaaskans van God se nougesette aandag beteken.  Hy sou daar rus van sy lyding kon ervaar.

Maar, dan besef Job dat hy tog ook wonder oor die lewe ná die dood: “As ’n mens sterf, sal hy weer lewe?”  Want, so iets sou hom kon versterk, die moed gee om uit te hou en aan te hou: “Dan sou ek al die dae van my swaarkry kon wag tot daar vir my nuwe lewe kom.” (14:14).

Hy sou die hoop kon hê dat die Here êrens weer na hom sou verlang, omdat Hy graag die maaksel van sy hande sou wou sien (14:15).  Trouens, dan sou die Here moontlik nie meer ag gee op sy sonde nie: “my oortreding in ‘n sak verseël en my sonde toemaak.” (14:17).

Maar, helaas, dié hoop beskaam vir Job.  Soos ‘n berg in stukke breek, en ‘n rots uit sy plek losgeruk word, só vernietig die Here dié hoop wanneer die streep van die dood getrek word oor die lewe en die mens vir altyd verdwyn, sonder dat hy ooit weer bewus is van die sukses of mislukking van sy nageslag: “Hy voel net die pyn aan sy eie liggaam, die smart wat aan hom bly vreet.” (14:22).

Boodskap

Dit is vir my soos heilige grond om só die intieme worstelende gebed van ‘n Job te moet “overhear”.  Dit is asof ‘n mens hom hoor bid, en op ‘n intense vlak van meelewing wens daar is op dié stadium al ‘n uitkoms.

Maar, dit is tegelyk ook ‘n herinnering aan die wonder van twee dinge wat in Jesus Christus vir ons ‘n werklikheid geword het, dinge waaroor Job net kon droom.  Dit is vergifnis en die hoop op die ewige lewe.

Ná jy die boodskap van Job in hierdie hoofstuk goed ter harte geneem het, bid ook in verwondering tot die Here en dank Hom vir die feit dat jou oortredinge reeds: “in ‘n sak verseël en jou sonde toegemaak is”.  Dat jy die boodskap van Jesus aan Marta reeds jou eie kon maak: “Ek is die opstanding en die lewe. Wie in My glo, sal lewe, al sterwe hy ook; 26en elkeen wat lewe en in My glo, sal in alle ewigheid nooit sterwe nie.” (Joh. 11:25-26).

View all posts in this series

Job


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

  • Chris van Wyk on Skakel in by Veritas!Hi Hanneke, ek het die skakel gestuur.
  • Hanneke Meyer on Skakel in by Veritas!Ek fasiliteer reeds vir n geruime tyd modules 1 en 2, maar sou graag tog n paar van die zoom-byeenkomste bywoon vir verryking. Ek het n handleiding. Vriendelike groete Hanneke Meyer
  • Chris van Wyk on OpenbaringHi Ronel, dit hang af wat die selgroepe doen. As dit net daar is vir die bestaande lidmate sal dit die gelowiges opbou, maar nie die gemeente groei nie. As daar 'n strategie is om ongelowiges te bevriend en te evangeliseer - uiteraard waar dit moontlik is in julle konteks - dan is kleingroepe 'n wes…
  • Ronel on OpenbaringDs Chris, wat is u mening oor selgroepe in die gemeente die belangrikste manier is om die evangelie in n gemeente uit the brei en gemeente getalle te vergroot? Sal graag u mening wil hoor. Ons is tans in die VAE in Al Ain. Hier is ongeveer 35 verskillende dominansies van gelowiges waarvan ons Suid A…
  • Chris van Wyk on OpenbaringHi Marelize, ja, jy kan dit hier aflaai: https://bybelskool.com/ek-kom-gou-n-boek-oor-openbaring-deur-chris-van-wyk/. (direkte skakel na die boek: https://ngkerksomerstrand.co.za/wp-content/uploads/2020/05/Ek-kom-gou.pdf) Daar is ook 'n skakel na 9 video's wat ek gemaak het oor Openbaring vir 'n Pin…
  • Marie Elizabeth on OpenbaringHi Chris Is dit moontlik om die studie materiaal tov die boek Openbaring as een n boek te onvang? Ons wil met die boek as bybelstudie begin maar wil nie elke hoofstuk apart aflaai nie Laat weet asb? Groete Marelize Van Niekerk Cell: 083 321 4666
  • Chris van Wyk on Lukas 16:1-13 – God vertrou ons met die ware rykdom as ons betroubaar is met aardse rykdomHi Mike, "ewige tente" of "ewige woonplekke" in Lukas 16:9 verwys na die lewe by God in die hemel (vgl Joh 14:2). Paulus skryf ook hieroor in 2 Korintiërs 5:1 en gebruik 'n ooreenstemmende metafoor vir die onverganklike liggaam wat ons in die hemel van God sal ontvang. Hy noem dit 'n "ewige gebou" o…
  • Mike on Lukas 16:1-13 – God vertrou ons met die ware rykdom as ons betroubaar is met aardse rykdomHi Chris, verduidelik vir my wat word bedoel met die woorde, "ewige tente".
  • Chris van Wyk on Genesis 35 – Jakob voltooi sy verbintenis aan God by Bet-El waar alles begin hetHi Petrus, in albei gevalle het die broers wel opgetree, maar in Dina se geval heeltemal oorboord gegaan, en in Tamar se geval sonder 'n regsproses. Dat Jakob en Dawid nie self opgetree het nie is waarskynlik te wyte aan nalatigheid, hoewel die Bybel nie hulle gedagtegang uitspel nie. Met Absalom se…
  • Petrus on Genesis 35 – Jakob voltooi sy verbintenis aan God by Bet-El waar alles begin hetBeste Chris Ek is weer by Genesis en met die Jakob verhaal is daar iets wat my opval: Jakob and Dawid se dogters is onteer en seuns was in opstand teen hul vaders, maar is nie gestraf vir hulle oortredings nie. Dit blyk ook uit ander verhale. Jakob het Ruben met sy seen "vervloek," maar hoekom het d…
  • Chris van Wyk on Psalm 29Dankie Tertia, my voorreg en plesier.
  • Tertia Botha on Psalm 29Dr Chris dankie dat jy met jou kennis en wysheid my sommer ook vandag toerus. Vandag word ek opnuut herinner van God se krag bo die natuur maar ook God se stem in die natuur!! Alledaagse herinneringe aan ons GOD wat alles goed geskep het en steeds daaroor heers.
  • Chris van Wyk on Inleiding op OpenbaringHou moed Amanda! Lees wat ek geskryf het vir Yvonne oor Psalm 103:5: https://bybelskool.com/psalm-1031-5-loof-die-here-wat-al-jou-siektes-genees/comment-page-1/#comment-29597
  • Chris van Wyk on Psalm 103:1-5 – Loof die Here wat al jou siektes geneesHi Yvonne Vers 5 moet in die konteks van die Psalm uitgelê word. Die eerste vyf verse vorm 'n eenheid: 1 Van Dawid. Loof die Here, o my siel, ja, alles wat in my is, sy heilige Naam! 2 Loof die Here, o my siel, en moenie enige van sy weldade vergeet nie – 3 Hy wat al jou sondeskuld vergewe, wat al j…
  • amanda on Inleiding op Openbaringhoe ( op aarde ) gaan God se koninkryk op aarde so gevestig word, dat Hy uiteindelik deur almal as Alleenheerser erken gaan word. Elkeen is so besig om sy eie ding te doen, dat dit byna onmoontlik klink. Dis vir my n moedelose gedagte.
%d