Skip to main content

Job 9 – Waarom pynig die Here my sonder dat ek dit verdien?

Job-in-Despair - van "Drawings-for-the-Bible" deur Marc Chagall gepubliseer deur Verve.
Job-in-Despair – van “Drawings-for-the-Bible” deur Marc Chagall gepubliseer deur Verve.

Job antwoord die brutale Bildad in hoofstuk 9 met ‘n bevestiging: “Ek weet dit is soos jy sê: Wie kan sy saak teen God wen?” (9:2).  Maar brei dan in sy antwoord uit op sy beswaar dat dit God is: “wat my met ‘n stormwind pynig (sy kinders is immers dood in ‘n stormwind!), wat my (met) baie wonde slaan sonder dat ek dit verdien.” (9:17).  Sy lyding is onverdiend wat hom laat besef dat God se grootheid wel voordele het, maar ook nadele, die eerste deel van sy antwoord (9:1-19).

Daarom is Job beswaard: “Ek is onskuldig!” (9:21).  As daar maar net iemand was wat tussen hulle kon kom staan (9:33), want hy is bang dit gaan nog erger met hom (9:28), die tweede deel van sy antwoord (9:20-35).

God se wysheid en krag het voordele en nadele – 9:1-19

Die omvang van die wysheid en krag van God is dus in ‘n sekere sin beide ‘n voordeel asook ‘n nadeel.  Dit is ‘n voordeel wanneer dit jou positief raak: “Hy hou die golwe van die see in bedwang.” (9:8).  Dit ‘n nadeel wanneer dit jou negatief raak, as Hy: “berge verskuif sonder dat hulle dit self agterkom.” (9:5).

Die feit dat God se dade groot is, vul ‘n mens dus met verwondering.  Dit is egter ook ondeurgrondelik, want wat Hy doen, kom ‘n mens baie keer nie eers agter nie.  En as jy dit wel agterkom, kan jy Hom nie keer nie.  ‘n Mens kan tog nie vir hom sê nie: “Wat doen U?” (9:12).  Jy kan nie met Hom in ‘n regsgeding gaan waarin jy jouself sal kan handhaaf voor Hom nie: “Al was my saak reg, sou ek nog nie kon antwoord op wat Hy vra nie.”  Hy sou hoogstens die Here: “om genade kon smeek.” (9:15).

Dit is dus die hart van Job se probleem; dat God groot is, maar nie in Job se situasie God se grootheid gebruik om Job te help nie, en toelaat dat hy onverdiend bitter lyding moet verduur.

As daar maar iemand was wat tussen ons kon staan – 9:20-35

Job is baie oortuig van sy onskuld, maar begin wonder of dit regtig saak maak of jy onskuldig of skuldig is.  Die feit dat lyding die onskuldiges ook tref, laat hom dink dit is eintlik om ’t ewe: “God vernietig jou tog.” (9:22).  “As dit nie Hy is wat dit doen nie, wie dan?” (9:24).

Tog, wil Job nie ophou om met die Here in gesprek te gaan nie, want netnou gaan dit nog swaarder met hom! (9:28).  Wat hy eintlik soek, is iemand wat tussen hom en God kan gaan staan, en in die saak tussen hulle kan oordeel en oor hulle albei onpartydig kon regspreek (9:33).

Job verwoord hier dus die diep behoefte aan ‘n Middelaar, iemand wat tussen ons en God kan staan en ons met mekaar kan versoen.  Dit is natuurlik iets wat in die NT aan Jesus verbind word.  Soos Paulus skryf aan Timoteus: “5Want daar is een God en een Middelaar tussen God en die mense, die mens Christus Jesus, 6wat Homself gegee het as ’n losprys vir almal, as die getuienis op die regte tyd.” (1 Tim. 2:5-6).

Wat van Jesus wonderlik is, is dat Hy dié Middelaar geword het vir alle mense – skuldig en onskuldig – en die weg na God oopgemaak het sodat ons ongehinderd met Hom kan praat en Hy met ons.  Waarna Job gesmag het, het vir ons ‘n werklikheid geword.

View all posts in this series

Job


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar

  • Chris van Wyk on 2 SAMUEL 11:1-15Die Skrif is duidelik daaroor dat God nie sonde kan doen nie. Hy keur ook nie sonde ooit goed nie. Hy laat boonop geen sonde ongestraf nie (Eks 34). Dit is in dié lig wat 'n mens die profesie moet verstaan. God laat Dawid aan die gevolge van sy eie sondes oor, dit is dat Absalom onder andere in opst…
  • PHILIPPUS C FOURIE on 2 SAMUEL 11:1-152 Samuel 12 vers 11 waar God aan Dawid sê dat Hy sy vroue aan sy naaste sal gee om by te slaap en dit sal geskied in daglig sodat almal dit sal sien. Ek was deur my naaste hieroor gekonfronteer met die argument: Hoe kan God dit self toelaat en laat gebeur as Hyself hier owerspel toelaat? Dit is mos…
  • Chris van Wyk on Amos 9:1-10Waardeer.
  • Klazina Jacobs on Amos 9:1-10Dankie. Baie insiggewend!
  • Chris van Wyk on Jona 1:1-16Dankie Kobus, ek sien uit na module 4 waar ons saam dieper in die NT gaan delf!
  • Kobus De Wet on Jona 1:1-16More Dr Chris, vanmore is ek weer in verwondering oor die Woord van God na ek u stuk gelees het oor Jon 1:1-16. Ek het altyd in terme van Jona en die vis Jona gelees, uit my sondagskool perpektief, nou ontdek ek die diepte in Jona: die chiastiese rangskikking, God se name en natuurlik die Radam - di…
  • Chris van Wyk on Matteus 17 – Jesus word verheerlik as teken van sy Goddelike weseDankie Monique, dit is my voorreg!
  • Monique Steyn on Matteus 17 – Jesus word verheerlik as teken van sy Goddelike weseDie Bybelskool help my so vreeslik Baie, Om die Bybel en die Woord van Jesus better te verstaan. Ek Wil net Soo Baie dankie se. Wees geseend.
  • Chris van Wyk on 2 Kronieke 1Hi Ayden, verhale uit die OT is voorbeelde wat ons help om te verstaan hoe God in ander se lewens gewerk het - in dié geval Salomo - sodat ons kan kyk of daar raakpunte met ons eie lewe is, en ons die boodskap aan die mense van daardie tyd, ook op onsself van toepassing kan maak. Jy kan die boodskap…
  • Ayden Corbett on 2 Kronieke 1Ekt gebid en gevra dat die Here vir my n vers uit die bybel moet kies en my sal help verstaan wat ek lees en toe maak ek oop op 2 krinieke 1...dra die stukkie n spesifieke betekenis of boodskap buitens dat jy wysheid moet kies om die Here se volk te regeer inplaas daarvan om vir rykdom en n lang Lew…
  • Chris van Wyk on Kolossense 2:6-23 – In Christus Jesus is ons met die volheid van God vervulHi Eugene, alles moet getoets word aan die geskrewe Woord van God. As sy iets sien of sê wat daarmee in stryd is, is dit verkeerd. En as jy dit uitwys, is dit nie 'n sonde teen die Heilige Gees nie.
  • Chris van Wyk on 1 Konings 11:1-43;  2 Kronieke 9:29-31Jesus wys in Matteus 12 en Lukas 11 uit dat sy eie wysheid dié van Salomo oortref. Die koningin van Skeba sal dus in die oordeel opstaan en die geslag van Jesus oordeel, omdat sy op Salomo se wysheid gereageer het, en die Jode nie dieselfde gedoen het met Jesus nie (Matt 12:42; Luk 11:31). Die boods…
  • Chris van Zyl on 1 Konings 11:1-43;  2 Kronieke 9:29-31Chris, sê asseblief iets meer oor die laaste sin van vandag se bydrae. Groete
  • Eugene Beetge on Kolossense 2:6-23 – In Christus Jesus is ons met die volheid van God vervulGoeie dag kan u dalk verduidelik as die vroue predekant helder ligte en engele sien of engele wat tekens doen. Hoe moet n mens as Christen dit verwerk of interpreteer sonder om te laster teen die Heilige gees . U inset word opreg wardeer.
  • Chris van Wyk on Openbaring 19:1-10 – Gelukkig is hulle wat uitgenooi is na die bruilofsfees van die LamHi, dit is beelde wat gebruik word om dieselfde werklikheid uit te druk. In vers 7 word die kerk as 'n bruid uitgebeeld om die intieme verhouding tussen God en sy mense uit te druk. Die bruid is enkelvoud, maar die mense wat deel daarvan is natuurlik meervoud. Maar, dit is nie 'n probleem nie, want…