WEEK 1: 1 Kronieke 1-9

• Van Adam tot Noag – 1:1-23
• Van Abraham tot Isak en Ismael – 1:24-42
• Die Edomiete (Esau) – 1:43-54
• Die stamvaders en die nageslag van Juda – 2:1-55
• Die nageslag van Dawid – 3:1-24
• Die stam Juda – 4:1-23
• Die stam Simeon – 4:24-43
• Die stam Ruben – 5:1-10
• Die stam Gad – 5:11-17
• Die oorlog van God teen die Hagareërs (nakomelinge van Ismael) – 5:18-22
• Die halwe Manassestam – 5:23-24
• Die wegvoering van die stamme oos van die Jordaan – 5:25-26
• Die stam Levi – 6:1-81 (die stam, die Levitiese geslagte, die tempelsangers, die geslag van Aäron, die woonplekke van die Leviete)
• Die stam Issaskar – 7:1-5
• Die stam Benjamin – 7:6-12
• Die stam Naftali – 7:13
• Die stam Manasse – 7:14-19
• Die stam Efraim – 7:20-28
• Die woongebied van Manasse – 7:29
• Die stam Aser – 7:30-40
• Die stam Benjamin – 8:1-40
• Die Israelitiese families in Jerusalem na die ballingskap – 9:1-9
• Die priesters en Leviete in Jerusalem – 9:10-34
• Die afkoms en geslag van Saul – 9:35-44

Hier is ’n paar opmerkings op die manier waarop die geslagsregisters georden word:

• Juda se geslagsregister word eerste beskryf van al Jakob se seuns, wat die voorrang van die Dawidshuis uit die stam van Juda bevestig.
• Josef word nie as een van die seuns van Jakob genoem nie, wel sy twee seuns: Efraim en Manasse (in twee gedeel).
• Die stam van Benjamin word laaste genoem en die eerste 9 hoofstukke afgesluit met die afkoms en nageslag van Saul, omdat dit die stam en koning is wie se verhaal eerste aan die beurt gaan kom van hoofstuk 10 af voordat die fokus verskuif na Dawid en Juda in die res van Kronieke.
• Die stamme van Dan en Sebulon word nie genoem nie, hoewel hulle name wel as Israel (Jakob word meesal só genoem) se seuns gelys word in 2:1.

Ons lees dié 9 hoofstukke soos volg:

• Dag 1 – hoofstuk 1 (en inleiding)
• Dag 2 – hoofstuk 2-4:23
• Dag 3 – hoofstuk 4:24-5
• Dag 4 – hoofstuk 6-7
• Dag 5 – hoofstuk 8-9

by Chris van Wyk