Spreuke 12:1-28 – Leerbaarheid getuig van wysheid

Let weereens op vir die antiteses waarin ’n mens die lewenslesse van die inleiding van Spreuke 1-9 steeds hoor weerklink: die wysheid teenoor die dwaasheid, die regte pad teenoor die verkeerde een, ’n lewe gebou op gehoorsaamheid aan die Here teenoor een waar slinksheid en goddeloosheid oorheers.

Die gedeelte begin met ’n klem op leerbaarheid (12:1) wat ’n goue draad verskaf waaraan ’n mens die onderskeie losstaande spreuke kan ophang:

  • Die wyse luister na raad – 12:15;
  • Die wyse laat sy pad vir hom wys deur ’n vriend – 12:26.

Let op hoe twee ander kernwaarhede vir ’n mens help om sin te maak van die spreuke:

  • Die goedkeuring van die Here is ’n motivering vir gehoorsaamheid, wat ook die gedeelte omraam:
    • Die Here hou van ’n goeie mens en laat dié wat sy wil doen, stewig staan – 12:2-3;
    • Die Here hou van betroubare mense.  Gehoorsaamheid aan God lei tot die lewe – 12:22,28.
  • Die sosiale voordele van ‘n keuse vir ’n wyse lewe:
    • ’n Knap vrou gee haar man hoë aansien – 12:4.
    • Die mening van regverdiges is bruikbaar in die hof – 12:5.
    • Opregte mense red ander met wat hulle sê.  Dit bevoordeel ook hulle nageslag – 12:6-7.
    • ’n Mens word deur ander geprys vir insig – 12:8.
    • Waarheid praat bring betroubaarheid in die gemeenskap – 12:17.
    • Wyse mense bring genesing in die gemeenskap met wat hulle sê – 12:18.
    • Beraadslaging vir vrede en voorspoed bring vir almal vreugde – 12:20.
    • Hardwerkende mense kom in magsposisies – 12:24.

Sommige van hierdie spreuke het ’n inhoud wat ons vandag nie meer navolg nie, bv die een oor die voordeel van slawerny, hoewel ‘n mens in elk geval die punt daarvan steeds kan raaksien (12:9).  Persepsies kan ver verkeerd wees.

Ek hou baie van Peterson se vertaling van 12:14: “Well-spoken words bring satisfaction; well-done work has its own reward.”

Spreuke 12:25 is goeie raad vir my vir dié dag:

  • “Bekommernis druk ’n mens neer; ’n vriendelike woord vrolik hom op.”

Wees op die uitkyk vandag vir iemand wat bekommerd is, en vrolik hom of haar op met jou vriendelike woorde.

View all posts in this series

Spreuke


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

  • In Spreuke 12 val die vlg tema my op:
    – uister na en leer van ander (v 1, 15)
    – werk hard (v 11, 24)
    – oppas vir die tong! (v 18, 19)
    – en soos in Spr 10 en 11: doen God se wil – dan is jy stewig geanker in Hom (v 3).
    Groetnis! tilla

Maak 'n opmerking

%d bloggers like this: