Die spreuke van Salomo – II

Jy kan meer lees oor hom in my bydrae oor sy verhaal in Konings: 2 Konings 18-20 – God luister waar sy eer in gedrang kom.  Daar is nog meer oor Hiskia te lees in my hantering van sy geskiedenis soos ‘n mens dit deur die bril van die profeet Jesaja sien.  Want hierdie spreuke is in die tyd van die profeet Jesaja versamel, in die tyd wat Jesaja skroeiende kritiek op die volk en hulle konings gelewer het .  Lees wat ek daaroor te sê het in my 5 bydraes oor Hiskia se geskiedenis in my Bybelskool oor Jesaja:

• Jesaja 36-39,
• Jesaja 36 – Stilwees en vertroue teen ‘n oormag,
• Jesaja 37 – Gebed en vertroue beweeg God tot optrede,
• Jesaja 38 – God sien ons trane raak EN doen iets daaraan,
• Jesaja 39 – ‘n Gebrek aan onderskeiding

Wat veral interessant is, is dat Hiskia eintlik ’n wonderlike koning was wat vir lank gedoen het wat die Here wou hê, ’n wonderlike gebedslewe gehad het, die volk goed gelei het, maar tog nie so ’n goeie einde gehad het nie.  Hy word later in sy lewe gekelder deur ’n gebrek aan wysheid en onderskeiding in sy buitelandse betrekkinge, wat tot sy ondergang lei.  En sy seun Manasse was regtig ’n besondere swak koning … die spreuke het dus nie volledig deel van sy lewe geword nie.

Dit leer my dat ’n mens nodig het om dié spreuke regtig prakties deel van jou lewe te maak, en met oorgawe en enduit na te volg … anders kan dit jou suur bekom en is die gevolge daarvan baie destruktief.

Hierdie bundel werk veral met twee tipes spreuke:

• komplementerende ooreenstemmings wat dieselfde gedagte versterk (“Wie ’n ander voorspoed gun, sal self oorvloed hê. Wie die dors van ander les, sal self genoeg kry as hy dors is.” – 25:11),
• en aanvullende sinteses waar die tweede stelling die eerste stelling aanvul, uitbou of afrond (“Miswolke en wind, maar geen reën nie, so is iemand wat spog met wat hy sal gee en dit nooit gee nie” – 25:14);