Skip to main content

Spreuke 22:1-16 – Die invloed van rykdom en armoede op verhoudings

Ons kom by die laaste 16 verse van Salomo se eerste bundel spreuke.  Interessant genoeg is die aantal spreuke in hierdie versameling van hom gelyk aan die numeriese waarde van Salomo se naam: 375.

Waar Salomo nou al oor God se sorg vir die opregtes (hfst 10) geskryf het, en dat Hy ‘n toevlug is vir ons (hfst 14), uitgebrei het op die invloed van wyse woorde op welvaart (hfst 13), en die veilige ruimte wat ons integriteit vir ander gee (hfst 14), tesame met ‘n hele spektrum van ander sake, skryf hy in hierdie paar verse veral oor rykdom en armoede en die invloed wat dit op verhoudings het (22:1,2,4,7,9,16). Hy lê ook klem op die gevolge wat volg op ‘n mens se gedrag – luiheid stomp jou waagmoed af; mededeelsaamheid is tot jou eie voordeel.

Hier is my opsomming van die kernwaarhede van elke spreuk:

  • Ander se goedgesindheid is meer werd as groot rykdom – vers 1.
  • Voor God is arm en ryk gelykwaardig – vers 2.  Let op dat dit gefundeer word in Sy Skeppingsdaad, maar dat die harde werklikheid van die relatiewe ongelykheid ook steeds gekonstateer word in vers 7.
  • Verstandiges kan onheil vermy, omdat hulle dit beter raaksien as onervarenes – ves 3.
  • Rykdom is ‘n geskenk van God aan nederiges wat ontsag vir die Here het, tesame met eer en lewe – vers 4.
  • ‘n Mens boet vir oneerlikheid – vers 5.
  • Begeleiding van jongmense hou tot in hulle ouderdom – vers 6.
  • Rykdom gee mag oor armes.  Dieselfde geld ‘n lening – vers 7.  ‘n Harde werklikheid.
  • Teenspoed tref onregverdige hardvogtige konings – vers 8.  Die woord koning kom nie in die Hebreeuse teks voor nie.  Die teks dui dus in samehang met vers 7 op die mag wat rykdom bring, maar ook die uiteinde van onverantwoordelike onbarmhartige verdrukkers.
  • Mededeelsaamheid word geseën – vers 9.
  • Harmonie word herstel wanneer respekloses in die pad gesteek word – vers 10.
  • Konings hou van opregte vriendelike mense – vers 11.  Skynheiligheid bedreig hulle.
  • Die Here sorg self vir die behoud van die wysheid, wanneer onbetroubare mense dit bedreig – vers 12.  Dit is ‘n groot belofte om aan vas te klou!
  • Lui mense waag nie – vers 13.
  • Owerspel kan ‘n straf van die Here wees – vers 14.  Dit klink nogal vreemd en veral die gebruik van die woord vervloek, gaan teen ons grein.  Die enigste sin wat ek daarvan kan maak, is dat wanneer jou verhouding met die Here versuur, is jy baie makliker die prooi van ‘n verkeerde verhouding.
  • Dissipline is noodsaaklik vir jongmense – vers 15.
  • Selfverryking ten koste van armes, en selfverarming ten bate van rykes is ewe dwaas – vers 16.
View all posts in this series

Spreuke


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

  • Chris van Wyk on Jeremia 19:14-20:18 – Vervloek is die dag waarop ek gebore isDie presiese betekenis van die term "blok" is onduidelik. Dit word gewoonlik geïnterpreteer as verwysend na een of ander instrument of plek van inperking en straf, bv. 'n inperking wat beweging beperk, gewoonlik beskryf as bestaande uit 'n raamwerk met gate waarin die voete (en soms die hande) van '…
  • ELRETHA VAN DER MERWE on Jeremia 19:14-20:18 – Vervloek is die dag waarop ek gebore isDag. Dankie vir die verduideliking van die doel van die Blok waarin Jeremia vas geskroef was in die Benjaminspoort. Ek kry nou meer begrip daarvoor. Verstaan ek reg dis soos 'n persoon wat se hande beidekante van sy kop in n stuk hout vas gemaak is of is dit iets anders. Baie Dankie
  • Chris van Wyk on HoogliedEk sal jou registreer. Jy moet net op die skakel in die e-pos wat vir jou gestuur word van Wordpress af, klik, om dit goed te keur. Ek sal jou selnommer ook by Whatsapp byvoeg.
  • Anne Enslin on HoogliedEk leer so baie by julle sal graag wil aansluit.
  • Chris van Wyk on Eksodus 30Jy kan by YouVersion se Bible app die 2020-vertaling gratis op jou selfoon kry.
  • Willie on Eksodus 30Baie dankie vir die uitleg wat jy gee hoofstuk vir hoofstuk. Ek het egter ñ probleem. Ek het die afrikaans en engelse vertaling vers vir vers gekry. Dit wil voorkom asof dit deur een of ander app direk vertaal is in afr. Waar kan ek die nuwe afrikaanse vertaling kry om op my selfoon af te laai asseb…
  • Chris van Wyk on Jesaja 1 – Julle ken My nieHi, dit is Bybels, ja. Ek verduidelik dit hier: https://bybelskool.com/category/uitverkiesing/
  • Joan on Jesaja 1 – Julle ken My nieKan u asb vir my die uitverkiesing verduidelik? Is dit Bybels?
  • Frank Pronk on Psalm 46Hallo Chris Ja ek glo dat ons almal n versugting het na die nuwe bedeling en die Nuwe Jerusalem. Ek wil iets deel wat ek vroeer die maand baie duidelik in my gees gekry het terwyl ek geslaap het . Die woorde het as volg gekom. " Die sewende wonderwerk van die sewende wereld - is die Israeliete" Ek d…
  • Chris van Wyk on Psalm 71Sy het die Here gedien met haar hele hart en eerder my met huisbesoek bemoedig as wat ek dit vir haar gedoen het. Sy was een van die pilare van ons geloofgemeenskap.
  • Neels Fourie on Psalm 71More dr vertel my meer van tannie phoebe
  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan