Spreuke 11:1-31 – Die gemeenskap floreer met die regte waardes en lewenstyl

Welvaart, gemeenskap en mag

Let op hoe die temas van welvaart, gemeenskap, en mag (money, sex and power) byvoorbeeld inmekaar gevleg word:

• Welvaart – Die gesegde “Business is business” moet eintlik “Business is God’s business” heet.  Hy hou daarvan as besigheid regverdig is (11:1). Rykdom bring jou nie ver met God nie, wel om sy wil te doen (11:4). Wins wat op ’n verkeerde manier verwerf word, hou nie vir altyd nie (11:18). Vrygewigheid lei – anders as wat ons dink – tot oorvloed (11:24). Gewillige verkopers maak honger kopers se harte bly! (11:26). Regverdigheid is ’n beter basis vir die lewe as rykdom (1:28). Nalatigheid lei tot verlies (1:29).
• Gemeenskap – Skoonheid kan nie ’n gebrek aan oordeel verbloem nie (1:22).
• Mag – Magsmisbruik hou nie vir ewig nie (11:7).

Die regte pad teenoor die verkeerde pad

’n Mens kan ook deur die lens van die regte pad teenoor die verkeerde pad na dié gedeelte kyk.  Let dan op met hoeveel passie en positiwiteit die regte pad geskilder word teenoor die verkeerde een.

• Die regte pad dra God se goedkeuring weg.  Hy haat oneerlikheid (11:1).
• Opregtheid bepaal jou koers.  Valsheid bring ondergang  (11:3).
• Gehoorsaamheid maak jou pad gelyk.   Verkeerd doen bring jou tot ’n val (11:5).
• As jy vir iemand anders iets oor het, baat jy self daarby.  ’n Hartelose mens word deur sy eie toedoen verstoot (11:17).
• God hou van mense wat onberispelik lewe.  Hy verafsku onopregtes (11:20).
• Vrygewiges kry meer.  Suiniges raak arm (11:24).
• Regdoen laat jou floreer, eerder as rykdom (11:28).
• Ensomeer.

Die gemeenskap floreer met die regte waardes en lewenstyl

Ek het persoonlik daarna gekyk deur die lens van die wonderlike gemeenskap wat hier geteken word, ‘n utopia.

Wat my getref het, is die voordele van die waardes en lewenstyl van só ’n gemeenskap wat hier geteken is.  Ek het probeer om die voordele, waardes en lewenstyl in een woord of ’n kort frase saam te vat.  ‘n Mens kan droom … en dié droom begin leef!

Waardes

• Vers 1 – eerlikheid
• Vers 2 – nederigheid
• Vers 3 – opregtheid
• Vers 4 – beginselvastheid
• Vers 5 – gehoorsaamheid
• Vers 6 v betroubaarheid

Voordele

• Vers 7 – mislukking van magsmisbruik
• Vers 8 – bevryding vir regverdiges
• Vers 9 – beskerming vir gehoorsames
• Vers 10 – blydskap vir die gemeenskap
• Vers 11 – goeie naam vir die gemeenskap

Lewenstyl

• Vers 12 – diskresie
• Vers 13 – integriteit
• Vers 14 – oorwoë leiding
• Vers 15 – onderskeiding
• Vers 16 – karakter
• Vers 17 – deernis

Voordele

• Vers 18 – volhoubare wins
• Vers 19 – lewensmoontlikhede
• Vers 20 – God se guns
• Vers 21 – Florerende nageslag
• Vers 22 – Slegte oordeel raak sigbaar
• Vers 23 – Beste begeertes word bevestig
• Vers 24 – Vrygewigheid word beloon
• Vers 25 – Omgee bring voorspoed
• Vers 26 – Billikheid word waardeer
• Vers 27 – Waardering vir die goeie
• Vers 28 – Regdoen floreer
• Vers 29 – Onverstandigheid word afgekeur
• Vers 30 – Oorvloedige lewe
• Vers 31 – Regverdigheid word beloon