Skip to main content

Johannes 7:53–8:11 – Ek veroordeel jou ook nie

RUS

  • Ek raak stil voor die Here en dank Hom vir die insig wat Hy gee in Wie Hy is, en wat Hy doen.

HOOR

  • Ek lees die kort verhaal en die volgende aspekte tref my:
Jesus oornag op die Olyfberg (Luk 21:37; 22:39), waarskynlik om met Sy Vader in gesprek te tree, voordat Hy vroeg die volgende môre weer die mense in die tempel leer.[1]

Die skrifgeleerdes en Fariseërs bring dan ’n vrou wat op owerspel betrap is na Hom toe om Hom uit te lok met die vraag of sy nie gestenig moet word nie (Lev 20:10).  Hulle het geen gevoel vir die vrou self nie – die man met wie sy owerspel gepleeg het, is onder andere nie daar nie, en moes volgens wet saam met haar doodgemaak word (Deut 22:22-24) – en wil net iets kry om Jesus mee aan te kla.

Jesus ignoreer aanvanklik hulle vraag en optrede deur op die grond te skrywe.  Daar is baie teorieë oor wat Hy geskryf het, maar niemand weet wat dit was nie.  Miskien was dit net om hulle kans te gee om af te koel en na te dink oor wat hulle van plan was om te doen.  Steniging was in elk geval ’n gebruik wat baie min toegepas is, en nie eers iets wat in die wet vir die doodmaak van owerspeliges voorgeskryf is nie.  Boonop sou só ’n aksie Hom in konflik met die Romeinse owerhede bring, wat nie toegelaat het dat sulke wette toegepas word nie.

Maar toe hulle aanhou vra, gee Hy die briljante antwoord dat dié van hulle wat ’n skoon gewete het, die eerste klip op haar moet gooi. Hy handhaaf dus die wet, maar laat die lig van die wet ook op hulle gewetens val.

Hulle kry dit dan nie reg om te begin klippe gooi nie, waarskynlik weens hulle gewetens wat hulle aankla, omdat owerspel in die geheim ook onder mense in die hoogste geledere van die Joodse godsdiens plaasgevind het, soos van die ander geskrifte uit Jesus se tyd aandui.  Jesus word alleen saam met die vrou gelaat in die middel van die kring mense wat dit alles dopgehou het.

Jesus stuur haar sonder veroordeling weg (Joh 3:17), hoewel hy nie haar sonde goedkeur nie.  Sy opdrag aan haar om nie meer sonde te doen nie, herinner aan die opdrag aan die siek man van Betesda.  Let op dat sy Hom Here noem, ’n aanduiding dat sy iets verstaan het van wie Jesus is, en dat dit vir haar betekenis gehad het.

LEEF

  • Die manier waarop Jesus omgee deur nie te veroordeel nie, maar ook nie sonde goed te praat nie, tref my.
  • Ek loof die Here dat Hy my ook nie veroordeel nie, maar ook nie los om maar net aan te karring soos ek lus het nie.

[1] Hierdie perikoop kom nie in die oudste manuskripte voor nie.  Die inhoud klop egter met die res van die verhale van Jesus.

View all posts in this series

Johannes


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Chris van Wyk on 2 SAMUEL 11:1-15Die Skrif is duidelik daaroor dat God nie sonde kan doen nie. Hy keur ook nie sonde ooit goed nie. Hy laat boonop geen sonde ongestraf nie (Eks 34). Dit is in dié lig wat 'n mens die profesie moet verstaan. God laat Dawid aan die gevolge van sy eie sondes oor, dit is dat Absalom onder andere in opst…
  • PHILIPPUS C FOURIE on 2 SAMUEL 11:1-152 Samuel 12 vers 11 waar God aan Dawid sê dat Hy sy vroue aan sy naaste sal gee om by te slaap en dit sal geskied in daglig sodat almal dit sal sien. Ek was deur my naaste hieroor gekonfronteer met die argument: Hoe kan God dit self toelaat en laat gebeur as Hyself hier owerspel toelaat? Dit is mos…
  • Chris van Wyk on Amos 9:1-10Waardeer.
  • Klazina Jacobs on Amos 9:1-10Dankie. Baie insiggewend!
  • Chris van Wyk on Jona 1:1-16Dankie Kobus, ek sien uit na module 4 waar ons saam dieper in die NT gaan delf!
  • Kobus De Wet on Jona 1:1-16More Dr Chris, vanmore is ek weer in verwondering oor die Woord van God na ek u stuk gelees het oor Jon 1:1-16. Ek het altyd in terme van Jona en die vis Jona gelees, uit my sondagskool perpektief, nou ontdek ek die diepte in Jona: die chiastiese rangskikking, God se name en natuurlik die Radam - di…
  • Chris van Wyk on Matteus 17 – Jesus word verheerlik as teken van sy Goddelike weseDankie Monique, dit is my voorreg!
  • Monique Steyn on Matteus 17 – Jesus word verheerlik as teken van sy Goddelike weseDie Bybelskool help my so vreeslik Baie, Om die Bybel en die Woord van Jesus better te verstaan. Ek Wil net Soo Baie dankie se. Wees geseend.
  • Chris van Wyk on 2 Kronieke 1Hi Ayden, verhale uit die OT is voorbeelde wat ons help om te verstaan hoe God in ander se lewens gewerk het - in dié geval Salomo - sodat ons kan kyk of daar raakpunte met ons eie lewe is, en ons die boodskap aan die mense van daardie tyd, ook op onsself van toepassing kan maak. Jy kan die boodskap…
  • Ayden Corbett on 2 Kronieke 1Ekt gebid en gevra dat die Here vir my n vers uit die bybel moet kies en my sal help verstaan wat ek lees en toe maak ek oop op 2 krinieke 1...dra die stukkie n spesifieke betekenis of boodskap buitens dat jy wysheid moet kies om die Here se volk te regeer inplaas daarvan om vir rykdom en n lang Lew…
  • Chris van Wyk on Kolossense 2:6-23 – In Christus Jesus is ons met die volheid van God vervulHi Eugene, alles moet getoets word aan die geskrewe Woord van God. As sy iets sien of sê wat daarmee in stryd is, is dit verkeerd. En as jy dit uitwys, is dit nie 'n sonde teen die Heilige Gees nie.
  • Chris van Wyk on 1 Konings 11:1-43;  2 Kronieke 9:29-31Jesus wys in Matteus 12 en Lukas 11 uit dat sy eie wysheid dié van Salomo oortref. Die koningin van Skeba sal dus in die oordeel opstaan en die geslag van Jesus oordeel, omdat sy op Salomo se wysheid gereageer het, en die Jode nie dieselfde gedoen het met Jesus nie (Matt 12:42; Luk 11:31). Die boods…
  • Chris van Zyl on 1 Konings 11:1-43;  2 Kronieke 9:29-31Chris, sê asseblief iets meer oor die laaste sin van vandag se bydrae. Groete
  • Eugene Beetge on Kolossense 2:6-23 – In Christus Jesus is ons met die volheid van God vervulGoeie dag kan u dalk verduidelik as die vroue predekant helder ligte en engele sien of engele wat tekens doen. Hoe moet n mens as Christen dit verwerk of interpreteer sonder om te laster teen die Heilige gees . U inset word opreg wardeer.
  • Chris van Wyk on Openbaring 19:1-10 – Gelukkig is hulle wat uitgenooi is na die bruilofsfees van die LamHi, dit is beelde wat gebruik word om dieselfde werklikheid uit te druk. In vers 7 word die kerk as 'n bruid uitgebeeld om die intieme verhouding tussen God en sy mense uit te druk. Die bruid is enkelvoud, maar die mense wat deel daarvan is natuurlik meervoud. Maar, dit is nie 'n probleem nie, want…