Eksodus 38 – Amper sewe ton goud, silwer en brons word gebruik
Die maak van die brandofferaltaar – Eks. 38:1-7
Die instruksies vir die maak van die brandofferaltaar is in Eks. 27:1-8 gegee. Uiteraard was die brandofferaltaar bedoel vir die offers van die volk binne die voorhof waar hulle onder begeleiding van die priesters en Leviete toegelaat is. Dit het die betekenis gedra dat die volk gedurig deur geheilig moes word om die pad met God te kan stap. Sonder versoening deur die offers sou hulle sondeskuld ‘n net te groot verwydering tussen hulle en God gebring het. Die voortdurende offers sou die lewe met God moontlik maak.
Die maak van die bronswaskom – Eks. 38:8
Die instruksies vir die maak van die bronswaskom is in Eks. 30:17-21 gegee. Die bronswaskom was nodig vir die uiterlike reiniging van Aäron en sy seuns met hulle aanstelling sowel as daagliks in die uitvoering van hulle diens in die Tabernakel. Reiniging was net so belangrik as die rituele wat in die kultus nagekom is.
Die bou van die voorhof – Eks. 38:9-20
Die instruksies vir die maak van die voorhof is in Eks. 27:9-19 gegee. Interessant genoeg werk Esegiël in sy visie op die nuwe tempel wat ná die ballingskap gebou moet word, nog met ‘n voorhof, trouens verskillende voorhowe, waarin die glans van die heerlikheid van die Here ook deur die volk beleef kon word (Eseg. 40-48). ‘n Voorhof sal egter nie nodig wees in die nuwe Jerusalem nie. Trouens, daar is nie eers ‘n tempel nodig nie: “’n Tempel het ek nie in die stad gesien nie, want sy tempel is die Here God, die Almagtige, en die Lam.” (Openb. 21:22).
Die gebruikte metale – Eks. 38:21-31
Voor die maak van die priesters se klere en die voltooiing van die projek aan die orde gestel word, gee die skrywer eers ‘n opsomming van al die metale wat in die bou van die tabernakel en sy toebehore gebruik is. Itamar, seun van Aäron, het daarvoor verantwoordelikheid geneem:
- Goud – 29 kikar (991,8 kg) en 730 sikkel (8,3 kg) = ongeveer 1 000 kg.
- Silwer – 100 kikar (3 420 kg) en 1 750 sikkel (20,2 kg) = ongeveer 3 440 kg. Dit is saamgestel uit die 6 g silwer wat elkeen vroeër gegee het as ‘n offergawe.
- Brons – 70 kikar (2 400 kg) en 2 400 sikkel (27,4 kg) – ongeveer 2 427 kg.
View all posts in this series
- God sien en God verstaan – Bybelskool oor Eksodus begin 18 Januarie
- Inleiding – Eksodus: die hoop op verlossing
- Eksodus 1 – God vermeerder sy volk ten spyte van farao se brutale onderdrukking
- Eksodus 2 – God het hulle gekreun gehoor en verstaan
- Eksodus 3-4:17 – God stuur Moses om die Godsvolk uit Egipte te lei
- Eksodus 4:18-31 – Die oudstes reageer in geloof en aanbidding op Moses en Aäron se boodskap
- Eksodus 5 – God beveel farao: Laat my volk gaan!
- Eksodus 6:1-26: “Ek is die Here!”
- Eksodus 6:27-7:25 – Egipte sal besef Ek is die Here deur die plae wat Ek stuur
- Eksodus 8 – Die plae is Jahwe se verlossende oordeel as getuienis dat Hy God is
- Eksodus 9 – Farao het geen ontsag vir Jahwe nie al krepeer hulle van ellende
- Eksodus 10:1-27 – Die plae illustreer God se seën of straf vir dié wat Hom gehoorsaam of teenstaan
- Eksodus 10:28-11:10 – Die tiende plaag bevestig Jahwe se Godheid en sy verkiesing van Israel
- Eksodus 12:1-42 – Die Here beskerm die Israeliete teen die vernietiger deur die bloed van die Paaslam
- Eksodus 12:43-13:16 – Deur viering en toewyding word die herinnering aan bevryding lewend gehou
- Eksodus 13:17-14:31 – Die teenwoordigheid van die Here raak die Godsvolk se kompas deur die woestyn
- Eksodus 15 – Die Here is die Bewerker van wonderdade wat sy volk beskerm en sy vyande verpletter
- Eksodus 16 – God voorsien brood, vleis en die Sabbat as tekens van sy teenwoordigheid
- Eksodus 17 – Is die Here by ons of nie?
- Eksodus 18 – Jetro mentor Moses en die Israelitiese leiers tot ‘n leierskapspan
- Eksodus neem stadiger as wat ek beplan het!
- Eksodus 19 – As julle My gehoorsaam, sal julle my eiendom wees, ’n koninkryk wat My as priesters dien
- Eksodus 20 – Ek is die Here jou God wat jou uit Egipte, uit die plek van slawerny, bevry het
- Eksodus 21 – Sorg vir mense en hulle diere
- Eksodus 22 – Sorg vir mense en hulle besittings
- Eksodus 23 – Sorg vir geregtigheid en die geloofsgemeenskap met God se hulp
- Eksodus 24 – Ons sal alles doen wat die Here beveel het
- Eksodus 25 – Rig vir my ‘n heiligdom op dat Ek tussen julle kan woon
- Eksodus 26 – Jy moet die tabernakel oprig presies volgens die plan wat op die berg vir jou gewys is
- Eksodus 27 – Die lig van God se teenwoordigheid brand voortdurend in die “tent van ontmoeting”
- Eksodus 28 – Die priesters se klere dra die boodskap van gesag en toewyding
- Eksodus 29 – Afgesonder en bevestig as God se verteenwoordigers
- Eksodus 30 – Elke deel van die tabernakel en elke priester word geheilig aan die Here
- Eksodus 31 – Hulle moet alles maak net soos Ek jou beveel het
- Eksodus 32 – Die tragedie van die goue bulkalf en die toorn van Jahwe
- Eksodus 33 – Onthou tog hierdie nasie is u volk
- Eksodus 34 – Ek is barmhartig en genadig, maar Ek laat niks ongestraf nie
- Eksodus 35:1-36:1 – Elkeen wie se hart en gees hulle daartoe aangespoor het, het vrywillig offergawes gebring
- Eksodus 36:2-38 – Die volk bring meer as wat nodig is
- Eksodus 37 – Besaleël neem die voortou met die maak van die heilige toebehore van die tabernakel
- Eksodus 38 – Amper sewe ton goud, silwer en brons word gebruik
- Eksodus 39 – Die tabernakel is gereed vir die teenwoordigheid van die Here
- Eksodus 40 – Die teenwoordigheid van die Here vul die tabernakel
- Oor getalle in die woestyn verhale
- Die tweede gebod – ‘n paar ekstra gedagtes
Tags: Eksodus
Trackback from your site.
Chris van Wyk
| #
Hi Magriet, jy sal meer van die geografie kry in my bydraes Prontuit die Waarheid. Jy kan hier inskryf en die argief van vorige bydraes hier bereik. Maar, ‘n boek oor die geografie van Israel sal jou meer inligting gee. Julle toerleier sal ook voorstelle kan maak.
magriet frey
| #
Dankie vir die stukkie werk. Ek en my man Dietmar Frey vertrek na Israel en ons wil die boek Lukas leer en verstaan en die geografie veral. Ek weet nie of U my meer kan begelei hierin nie. of kan ek maar net die leesstukke volg en dan kom ek maar self by alles uit. Ek is nie ‘n lees persoon nie,daarom moet ek hard werk om alles mooi te verstaan voordat ons gaan in September. Dankie vir U harde werk ons gaan wel ‘n baie goeie Toerleier he in Israel.
Chris van Wyk
| #
Hi Karien
Die Prediker is in hoofstuk 9:1-12 besig om ons te leer om ons kapasiteit vir vreugde en genot te ontwikkel. Eet byvoorbeeld jou brood met vreugde, drink jou wyn met ’n bly gemoed (vers 7). Dit gaan oor “tyd en geleentheid”, sê die Prediker. Alles word daardeur bepaal.
Geniet dit dus dat jy lewe.
Die Prediker illustreer dit in vers 4 met ‘n voorbeeld wat wys dat die lewe beter is as die dood: “’n Hond wat lewe, is beter as ’n leeu wat dood is.”
Hy doen dieselfde in vers 5 met ‘n voorbeeld wat op soortgelyke wyse wys dat die lewe beter is as die dood, al is dit net dat jy nog kan dink: “Dié wat lewe, weet hulle sal doodgaan, maar die dooies weet niks; daar wag vir hulle niks meer nie, hulle is vergeet.”
karien
| #
Hi goeiemore chris ek wil graag meer leer oor skrif in Prediker 9 vers 5 wat dit se verstaan dit nie mooi asb.
Jan Louw
| #
Chris, Ek het die dokument oor Numeri met die twee generasies afgetrek. Ek is besig met ‘n Bybelstudie by ons huis vir bejaardes en dit lyk vir my na ‘n uiters waardevolle indeling om te gebruik.
William Phillips
| #
Chris goeienaand. Die Woord van God praat in Mattheus 12:31 van:
Elke sonde en lastering kan die mense vergewe word, maar die lastering teen die Heilige Gees kan nie vergewe word nie.
Wat word beskou as sonde en lastering teen die Heilige Gees?
William Phillips
| #
Baie dankie Chris.
Chris van Wyk
| #
Hi William, daar is inderdaad ‘n spesiale boodskap in Jesus wat staan. Sy normale posisie is om te sit as Here. Hier staan Hy waarskynlik om sy getroue dienskneg, Stefanus, in te wag om hom in die hemel te ontvang. Hy is die Eerste Voorspraak wat voor die Vader staan om hierdie kind van God in die hemel toe te laat.
Chris van Wyk
| #
Hi Bibi,
Jy kan by die volgende webtuistes meer inligting kry:
William Phillips
| #
Goeiemore Chris. In Handelinge 7:56 lees ons dat Stefanus, voor sy steniging die Seun van die mens aan die regterhand van God sien staan. Is daar enigiets hierin om te verstaan omdat ons nog net lees van: Hy sit aan die regterhand van God.