Eksodus 35:1-36:1 – Elkeen wie se hart en gees hulle daartoe aangespoor het, het vrywillig offergawes gebring
Die tafel is nou gedek vir die bou van die Tabernakel. Die Here se instruksies is volledig gegee in Eksodus 25-31. Die toorn van die Here oor die afvalligheid van die volk net die goue bulkalf is afgeweer deur Moses se bemiddeling in Eksodus 32-34. In die volgende ses hoofstukke van Eksodus 35-40 sal die uitvoering van God se opdrag dus gegee word, in baie opsigte ‘n herhaling van die gedetailleerde beskrywings in Eksodus 25-31.
Ek gee weer in tabelvorm die ooreenkomste, dié keer aan die hand van die orde van die uitvoering van die opdrag, sowel as die unieke bydraes wat hier geplaas is:
| Die herhaling van die opdrag tot die hou van die Sabbat | Eks. 35:1-3 | Eks. 31:12-18 |
| Die offergawes vir die Tabernakel | Eks. 35:4-9 | Eks. 25:1-9 |
| Die versoek vir vakmanne en offergawes | Eks. 35:10-29 | |
| Die hoof vakmanne vir die bou van die tabernakel | Eks. 35:30-36:1 | Eks. 31:1-11 |
| Die volk bring meer as wat nodig is | Eks. 36:2-7 | |
| Die bou van die tabernakel | Eks. 36:8-38 | Eks. 26:1-37 |
| Die maak van die ark van die verbond | Eks. 37:1-9 | Eks. 25:10-22 |
| Die maak van die tafel vir die offerbrood | Eks. 37:10-16 | Eks. 25:23-30 |
| Die maak van die kandelaar | Eks. 37:17-24 | Eks. 25:31-40 |
| Die maak van die wierookaltaar | Eks. 37:25-28 | Eks. 30:1-10 |
| Die maak van die brandofferaltaar | Eks. 38:1-7 | Eks. 27:1-8 |
| Die maak van die bronswaskom | Eks. 38:8 | Eks. 30:17-21 |
| Die bou van die voorhof | Eks. 38:9-20 | Eks. 27:9-19 |
| Die gebruikte materiaal | Eks. 38:21-31 | |
| Die maak van die priesters se klere | Eks. 39:1-31 | Eks. 28:1-43 |
| Die voltooiing van die tabernakel | Eks. 39:32-43 | |
| Die tabernakel word opgeslaan en ingewy | Eks. 40:1-33 | |
| Die teenwoordigheid van die Here vul die tabernakel | Eks. 40:32-38 |
Oor die verskille met Eksodus 25-31
Ons lees hier nie van die lampolie offer soos in Eks. 27:20-21 beveel nie. Die uitvoering daarvan word eers in Lev. 24:1-4 aangeroer. Ons lees ook nie van instruksies van die daaglikse offers soos in Eks. 29:38-46 beveel nie. Die uitvoering daarvan word eers in Num. 28:1-8 aangeroer. Ons lees ook nie van die versoeningsoffer tydens ‘n sensus soos in Eks. 30:11-16 beveel nie. Dit word wel in Num. 1 aangeroer toe dit nodig geraak het. Ons lees ook nie van die voorbereiding van die gewyde salfolie en die wierookoffer soos in Eks. 30:22-38 beveel nie. Dit word wel in Num. 4:15-20 uitgevoer. Ons lees wel van die toewyding van Aäron en sy seuns soos in Eks. 29:1-37 beveel, hoewel dit weer in Lev. 8:1-36 herhaal word.
Die herhaling van die opdrag tot die hou van die Sabbat – Eks. 35:1-3
Die instruksies vir die hou van die Sabbatdag is gegee in Eks. 31:12-18 aan die einde van die reeks opdragte wat die Here vir Moses gegee het. Die opdrag om die Sabbatdag te vier funksioneer nou as inleiding tot die uitvoering van al die instruksies vir die bou van die Tabernakel. Selfs die bou van die Tabernakel, die heiligdom van God, mag dié ritme versteur nie. Moses reël dat daar selfs nie vuur gemaak mag word op die Sabbatdag nie, sodat almal kan rus, ook dié wat normaalweg vir kos op die tafel sou sorg.
Die offergawes vir die Tabernakel – Eks. 35:4-9
Op grond van die instruksies wat in Eks. 25:1-9 gegee is vir die tipe materiaal wat vir die Tabernakel nodig sal wees, word die volk nou vir vrywillige offergawes “vir die Here” gevra. Dit het goud, silwer, brons, blou, pers en bloedrooi wolstof, linne, bokhaar, rooigekleurde ramsvelle, gebreide tornynvelle, doringhout, olie vir die lampe, balsem vir salfolie en vir geurige wierook, oniks en die ander edelstene ingesluit.
Die versoek vir vakmanne en offergawes – Eks. 35:10-29
Volgende aan die beurt was die versoek vir vakmanne wat met die bou van die tabernakel en die voorhof sowel as die maak van die onderskeie toebehore kan help.
Die volk het met oorgawe gereageer en vrywillig gawes gebring. Daar staan in die oorspronklike: “Elkeen wie se hart hom daartoe gebring het, en elkeen wie se gees hom daartoe aangespoor het, het gekom, en hulle het vir die Here ‘n wydingsgeskenk gebring vir die werk aan die Tent van Ontmoeting en vir al die dienswerk daaraan verbonde, en vir die heilige klere.”
Die hoof vakmanne vir die bou van die tabernakel – Eks. 35:30-36:1
Moses voer ook die instruksies van Eks. 31:1-11 rondom die twee hoof vakmanne, Besaleël en Oholiab, uit. Nie net is Besaleël deur die Gees van God toegerus vir sy werk nie, maar hy en Oholiab kon ook onderrig gee en ander oplei. Trouens in vers 34 se begin staan daar letterlik: “En die Here het dit ook in sy hart gegee om te onderrig.” Die kreatiwiteit van hierdie vakmanne was egter steeds onderworpe aan die instruksies van die Here. Alles moes gedoen word soos Hy dit in gedagte gehad het.
View all posts in this series
- God sien en God verstaan – Bybelskool oor Eksodus begin 18 Januarie
- Inleiding – Eksodus: die hoop op verlossing
- Eksodus 1 – God vermeerder sy volk ten spyte van farao se brutale onderdrukking
- Eksodus 2 – God het hulle gekreun gehoor en verstaan
- Eksodus 3-4:17 – God stuur Moses om die Godsvolk uit Egipte te lei
- Eksodus 4:18-31 – Die oudstes reageer in geloof en aanbidding op Moses en Aäron se boodskap
- Eksodus 5 – God beveel farao: Laat my volk gaan!
- Eksodus 6:1-26: “Ek is die Here!”
- Eksodus 6:27-7:25 – Egipte sal besef Ek is die Here deur die plae wat Ek stuur
- Eksodus 8 – Die plae is Jahwe se verlossende oordeel as getuienis dat Hy God is
- Eksodus 9 – Farao het geen ontsag vir Jahwe nie al krepeer hulle van ellende
- Eksodus 10:1-27 – Die plae illustreer God se seën of straf vir dié wat Hom gehoorsaam of teenstaan
- Eksodus 10:28-11:10 – Die tiende plaag bevestig Jahwe se Godheid en sy verkiesing van Israel
- Eksodus 12:1-42 – Die Here beskerm die Israeliete teen die vernietiger deur die bloed van die Paaslam
- Eksodus 12:43-13:16 – Deur viering en toewyding word die herinnering aan bevryding lewend gehou
- Eksodus 13:17-14:31 – Die teenwoordigheid van die Here raak die Godsvolk se kompas deur die woestyn
- Eksodus 15 – Die Here is die Bewerker van wonderdade wat sy volk beskerm en sy vyande verpletter
- Eksodus 16 – God voorsien brood, vleis en die Sabbat as tekens van sy teenwoordigheid
- Eksodus 17 – Is die Here by ons of nie?
- Eksodus 18 – Jetro mentor Moses en die Israelitiese leiers tot ‘n leierskapspan
- Eksodus neem stadiger as wat ek beplan het!
- Eksodus 19 – As julle My gehoorsaam, sal julle my eiendom wees, ’n koninkryk wat My as priesters dien
- Eksodus 20 – Ek is die Here jou God wat jou uit Egipte, uit die plek van slawerny, bevry het
- Eksodus 21 – Sorg vir mense en hulle diere
- Eksodus 22 – Sorg vir mense en hulle besittings
- Eksodus 23 – Sorg vir geregtigheid en die geloofsgemeenskap met God se hulp
- Eksodus 24 – Ons sal alles doen wat die Here beveel het
- Eksodus 25 – Rig vir my ‘n heiligdom op dat Ek tussen julle kan woon
- Eksodus 26 – Jy moet die tabernakel oprig presies volgens die plan wat op die berg vir jou gewys is
- Eksodus 27 – Die lig van God se teenwoordigheid brand voortdurend in die “tent van ontmoeting”
- Eksodus 28 – Die priesters se klere dra die boodskap van gesag en toewyding
- Eksodus 29 – Afgesonder en bevestig as God se verteenwoordigers
- Eksodus 30 – Elke deel van die tabernakel en elke priester word geheilig aan die Here
- Eksodus 31 – Hulle moet alles maak net soos Ek jou beveel het
- Eksodus 32 – Die tragedie van die goue bulkalf en die toorn van Jahwe
- Eksodus 33 – Onthou tog hierdie nasie is u volk
- Eksodus 34 – Ek is barmhartig en genadig, maar Ek laat niks ongestraf nie
- Eksodus 35:1-36:1 – Elkeen wie se hart en gees hulle daartoe aangespoor het, het vrywillig offergawes gebring
- Eksodus 36:2-38 – Die volk bring meer as wat nodig is
- Eksodus 37 – Besaleël neem die voortou met die maak van die heilige toebehore van die tabernakel
- Eksodus 38 – Amper sewe ton goud, silwer en brons word gebruik
- Eksodus 39 – Die tabernakel is gereed vir die teenwoordigheid van die Here
- Eksodus 40 – Die teenwoordigheid van die Here vul die tabernakel
- Oor getalle in die woestyn verhale
- Die tweede gebod – ‘n paar ekstra gedagtes
Tags: Eksodus
Trackback from your site.
Chris van Wyk
| #
Hi Angelique. ‘n Mens vind dit in Commentary on the Gospel of John (Book V) waarin Origines skryf: “Christ is written about even in the Pentateuch; He is spoken of in each of the Prophets, and in the Psalms, and, in a word, as the Saviour Himself says, in all the Scriptures.” Sy kommentaar kan gelees word by http://www.newadvent.org/fathers/101505.htm.
Angelique
| #
Naand.
Ek wil net graag weet die vers
(Die Pentateug (die naam beteken: “vyf boekrolle”) is die eerste keer so genoem in ‘n kommentaar van die kerkvader Origines op die Johannes evangelie. )
Is dit in die boek Johannes geskryf, waar staan dit of kan ek dit opsoek wil graag dit by my notas byvoeg.
Groete en christusliefde
Angelique 🌸 😊
Chris van Wyk
| #
Hi André. Jou vraag roer my. Want, dit is so dat ons bid vanuit ons eie visie op wat om ons aangaan. Maar, een, die Here nooi ons juis uit om, met ons eie beperkinge, Hom te nader en met danksegging en smeking te bid (Fil 4:4-7). Soos ‘n Abraham van ouds sal ons ervaar, dat al vra ons dat die Here Sodom en Gomorra spaar ter wille van die moontlikheid van 10 regverdiges, en daar uiteindelik minder is, die Here die onuitgesproke gebed verhoor, dat Lot en sy mense veilig sal wees (Gen 19). Nog dieper, Jesus is die eerste Voorspraak (1 Joh 2:1) en Voorbidder, want Hy tree vir ons in by God sy Vader (Hebr 7:25; 9:24). Hy is namens ons en vir ons in die hemel. Die Heilige Gees is die tweede of ander Voorspraak of Trooster (Joh 14:16) wat by ons bly en wat in ons bid volgens God se wil (Rom 8:26-28). Hy omvorm ons gebede om Godvererend te wees.
Wat ons verder kan help om uit ons selfgerigtheid te kom, is om die Skrif self te gebruik om te bid. Die Ons Vader (Matt 6:9-13), die Liefdesgebed (Ef 3:14-21), die Gebed vir die heiliges (Ef 6:18), die Gebed vir die evangelie (Kol 4:3), die Gebed te alle tye (1 Tess 5:17), die Gebed van die gemeente (1 Tim 2:8), die Gebed vir Wysheid (Jak 1:5), ag en só kan aangaan! Elke Psalm is ‘n gebed of gebede op sy eie. Kies een wat met jou perspektief ooreenkom, en gebruik die woorde wat God vir ons gegee het om te bid, bv (net in die eerste 8 Psalms:
• Psalm 1 is ’n wysheidsPsalm, lei die hele Psalmboek in en vestig die basiese veronderstelling van die Psalmboek, dat die sin en betekenis van alles in God self gevind word. Wysheid begin by die fokus op God en sy woorde. Ons persoonlike verhoudinge met God het vreugde en voorspoed tot gevolg.
Bid dat ons almal in God bevestig sal word.
• Psalm 2 is ’n koningsPsalm wat waarskynlik by die troonbestyging van die koning gesing is. Dit bevestig God se heerskappy in die geskiedenis deur sy Gesalfde (=Messias), sy Seun, wat in OT na die koning verwys, en in die NT as begronding dien van die perspektief op Jesus as die Christus (=Messias), die Seun van God, en deur sy opstanding ook Here (=Jahwe), soos dit in Petrus se toespraak op Pinksterdag uitgespel word (Hand 2). Psalm 2 is daarom ’n ongelooflike belangrike sleutel om die betekenis van Jesus in die NT te ontsluit. Dit bevestig ook dat ons God kan vertrou vir die publieke en politieke lewe.
Bid dat ons vrede in ons land sal hê sodat ons God kan dien.
• Psalm 3-7 is ’n eerste siklus van vyf klaagpsalms waarin die getroue God om hulp gesmeek word van vyande (Psalm 3,5,7), droogte (Psalm 4) en siekte (Psalm 6).
Gebruik dié Psalms om vir verlossing van vyande, droogte en siekte te bid.
• Psalm 8 is ’n lofpsalm vir die majestueuse Skepper vol van ontsag vir die feit dat Hy besorg is oor en omgee vir mense, wat hulle waardigheid bevestig ten spyte van hulle nietigheid. Daarmee word die eerste siklus klaagpsalms afgesluit.
Gebruik dié Psalm om die Here te loof vir sy omgee vir ons.
ANDRE BOWER
| #
Goeie dag Chris,
Die hart en motiewe. As ek my lofprysinge, intree vir ander en versoeke klinies ontleed, moet ek tot my verdriet en skande vind dat daar alyd die ‘eie ek” in groter of mindere mate betrokke is. Is dit werklik moontlik om die Here suiwer te aanbid en vir ander in te tree?
johanb
| #
dankie Chris – dit is presies wat die profete en die Woord sêwat gaan gebeur en aan die gebeure is – dankie vir jou standvastigheid in hierdie tye van snelle en ernstige afvalligheid – die Christene gaan sterk leiers nodig hê vorentoe
johanb
| #
1Jn 2:3 And hereby we know that we know him, if we keep his commandments.
1Jn 2:4 He that saith, I know him, and keepeth not his commandments, is a liar, and the truth is not in him;
1Jn 2:5 but whoso keepeth his word, in him verily hath the love of God been perfected. Hereby we know that we are in him:
1Jn 2:6 he that saith he abideth in him ought himself also to walk even as he walked.
Chris van Wyk
| #
Hi Johan. Ja, daardie gedeelte is só helder en duidelik. Dit is ook só motiverend, want God maak sy woning by ons! Ek dink daar is ‘n fundamentele misverstand oor die wet. Daar is net een wat wette maak, en dit is God. Almal wat Hom teenstaan, doen dit deur sy wette te oortree. Dit is per definisie wat dit beteken om sonde te doen, om God se wette te oortree.
As iemand hom teen die wet van God verset, sien ‘n mens die gees van die Antichris. Die Antichris word baie name genoem – en daar is baie manifestasies van die Antichris tot met die finale een wat deur die Satan besete sal wees (Openb 13) – maar een daarvan is die WETTELOSE EEN. Enigiemand wat dus wetteloosheid predik, tree aan die kant van God se teenstanders op, soos Jesus in Matteus 13 waarsku.
Paulus skryf daaroor aan die Tessalonisense: “Die dag van die Here sal nie aanbreek voordat die laaste afvalligheid gekom het en die wettelose mens wat vir die verderf bestem is, sy verskyning gemaak het nie. Hy sal hom verset teen al wat God genoem word of wat as heilig vereer word, en hy sal hom bo hulle verhef. Hy sal selfs in die tempel van God gaan sit en voorgee dat hy God is.” (2 Tes 2:3-4).
johanb
| #
Joh 14:15 If ye love me, ye will keep my commandments.
Joh 14:21 He that hath my commandments, and keepeth them, he it is that loveth me:
Joh 14:23 Jesus answered and said unto him, If a man love me, he will keep my word: and my Father will love him, and we will come unto him, and make our abode with him.
Chris van Wyk
| #
Dankie, André. Talle kere gebruik Jesus die Tien Gebooie om die wil van God te verkondig, in die Bergrede (Matt 5-7 – vgl veral 5:17-18; 7:12), teenoor die ryk jongman (Matt 19:16-30), en teenoor die Skrifgeleerdes (Matt 22:34-40). Paulus doen dieselfde in sy brief aan die Romeine teenoor gelowiges (Rom 13) en bevestig dit op talle ander plekke. Die helderste formulering van wat God verwag, is in die Tien Gebooie saamgevat. Dink net hoe wonderlik die wêreld sou wees as almal God erken as enigste God (1ste en 2de gebod), Sy Naam bó alles sal eer (3de gebod), Tot rus sal kom in Hom (4e gebod), eerbied sou betoon vir ouers en gesagsfigure (5de gebod), respek vir lewe (6de gebod), respek vir die huwelik (7de gebod), respek vir eiendom (8ste gebod), respek vir die waarheid (9de gebod) en respek vir enigiets en almal (10de gebod) sou betoon!
ANDRE BOWER
| #
Goeie more,
Ek hou van punt 4.3 van die antwoord op Deon se sinvolle kommentaar.
Dit bevestig net weer die geweldige liefde wat God vir my het. Hy buig neer en deur Sy Gees skryf Hy die wet op my hart. Telkens as ek verkeerd wil neig (selfs net in gedagte) kom die “wet” na vore en waarsku my.