Josua 11:16-12:24 – Josua het die hele land ingeneem en as besitting aan Israel gegee
Print This Post
Die skrywer neem bestek op van die hele gebied van Kanaän wat verower is deur Josua. Dit gee ‘n oorsig van al die oorwinnings wat behaal is. Let op dat dit twee keer vertel word. Die eerste keer word dit in breë trekke vertel: Jos 11:16-23. Die tweede keer word dit in meer detail vertel met ‘n lys van die gebiede en konings waarmee afgesluit word: Jos 12:1-24.
Die volgende twee kaarte kan jou help om ‘n prentjie te kry van wat hier gebeur het. Die eerste is van Kanaän vóór die Intog en Vestiging van Israel. Die tweede is van die drie oorhoofse veldtogte van Josua waar hy eers die middel van die land verower het, en daarna die suidelike en noordelike koalisies platgevee het.
J Grant “Notebook: The Conquest of Canaan” http://www.believersmagazine.com
J Grant “Notebook: The Conquest of Canaan” http://www.believersmagazine.com
‘n Paar opmerkings oor die beskrywing van die oorwinnings in Kanaän
- Die teologiese perspektief op die oorloë was dat dit die Here was wat die stede en nasies in verset teen Israel laat kom het. Dit was deel van sy bedoeling dat hulle opstand teen sy wil daardeur duidelik sou wys. Hulle moes daarom ook sonder genade uitgeroei word om die land van hulle verderflike invloed te bevry.
- Josua se oorwinning oor die Enakiete in die berge word uitgesonder, want dit was hulle wat die verkenners aanvanklik bang gemaak het en Israel 40 jaar in die woestyn gekos het (vgl Deuteronomium 9 – Moenie hardnekkig of verwaand raak nie).
- Dit is duidelik dat die bergagtige gedeeltes eerste verower is en daarna die vlaktes.
- Josua het die hele land ingeneem soos die Here vir Moses beveel het, en toe die land as besitting aan Israel gegee, vir elke stam ’n deel, iets wat in die volgende deel van Josua aandag sal kry.
- “Die land kon toe rus van oorlog”, hoewel die “skoonmaak”-veldtog nog aandag moes kry. Elkeen het egter voortaan in sy eie gebied geveg (vgl Kaleb in Hebron – Jos 14:6-15; Otniël in Debir – Jos 15:13-19), nie meer as ‘n geheel nie, behalwe as die Here dit van tyd tot tyd met die rigters van hulle gevra het.
- Die finale vestiging in die land het dus langer geduur as wat ‘n mens uit die opsomming van hierdie oorwinnings sou kon aflei. Dit wys Josua 13 sowel as die boek Rigters.
- Die vorige oorwinnings oor die konings oos van die Jordaan onder die begeleiding van Moses word ook genoem as grondslag vir die beskrywing van die uitdeling van die land ook aan die stamme Ruben en Gad sowel as aan die halwe stam van Manasse.
- Die beskrywing van die oorwinnings onder die begeleiding van Josua sluit af met ‘n lys van die nasies en konings wes van die Jordaan wat deur Josua en die Israeliete verslaan is. Altesaam een en dertig konings word genoem.
Toepassing
Die verhaal van Josua en sy oorwinnings herinner ons as NT gelowiges aan die belangrikheid van die aflê van die ou sondige lewe en die opneem van die nuwe heilige lewe (Kolossense 3:1-4:1 – Leef as nuwe mense, veral Kol 3:5-17).
- Dit is ‘n geestelike stryd onder leiding van die Heilige Gees wat in ons liggame sy intrek neem (1 Kor 6:19-20).
- Dit is ‘n stryd teen die sondige praktyke van ons sondige natuur wat ons deur die Heilige Gees moet aflê en doodmaak (Rom 8:12-17).
- Dit is ‘n offer van ons liggame aan God as lewende en heilige offers wat vir Hom aanneemlik is, soos dit eenmaal waar was van die Leviete wat as beweegoffer aan God gewy is. Dit sluit die vernuwing van ons denke in (Rom 12:1-2).
- Dit is ‘n stryd teen die magte wat hierdie wêreld in hulle greep het waarin ons fokus op die sewe dinge van die geloofstryd: waarheid, vryspraak, getuienis, geloof, verlossing, God se Woord en gebed (Efesiërs 6:10-24 – Soek julle krag in die Here en in sy groot mag).
God se hemelse erfenis is daar vir almal wat in Jesus glo. Laat ons elke las van ons afgooi en die sonde wat ons so maklik verstrik en die wedloop wat vir ons voorlê, die inbesitneem van ons hemelse erfenis, met volharding hardloop, die oog gevestig op Jesus die Begin en Voleinder van nie net óns geloof nie, maar van dié geloof (Hebreërs 12 – Hardloop die wedloop wat vir ons voorlê met volharding).
View all posts in this series
- Bybelskool oor Josua en Rigters hervat 17 Januarie 2018
- Die vervulling van die belofte
- Die leier Josua en die hoëpriester Eleasar
- Die viering van die Intog en Vestiging in die Psalms
- Twee fases: ‘n “platvee”-veldtog en ‘n “skoonmaak”-veldtog
- Die relatiewe waarde van argeologiese en historiese getuienis
- Josua in die res van die Bybel
- Josua 1 – Wees sterk, wees vasberade, veral in die uitvoering van die wetboek
- Josua 2 – Ragab se ontsag vir Jahwe spaar die verkenners se lewe
- Josua 3:1 – 5:1 – God lei Israel met ‘n wonder deur die Jordaan
- Josua 5:2-12 – Die Godsvolk word bevestig deur die besnydenis en die viering van die paasfees
- Josua 5:13-6:27 – Die Here self voer die oorlog teen Jerigo
- Josua 7 – Die Here wys met die nederlaag teen Ai dat sy heiligheid ononderhandelbaar is
- Josua 8 – Die Here oorwin Ai met leierskap en vernuf
- Josua 9 – Die Israeliete tree dwaas op, maar slim vang sy baas
- Josua 10 – Josua loop die suide plat in een deurslaggewende veldtog
- Josua 11:1-15 – Josua vee die grootste deel van Kanaän plat
- Josua 11:16-12:24 – Josua het die hele land ingeneem en as besitting aan Israel gegee
- Josua 13 – Josua kry die opdrag om die hele land te verdeel
- Josua 14 – Die verdeling van die land wes van die Jordaan begin met Kaleb
- Josua 15 – Juda kry hulle erfdeel met besondere vermelding van Kaleb en Aksa sy dogter
- Josua 16-17 – Josef kry hulle erfdeel met besondere vermelding van Selofgad se dogters
- Josua 18-19 – Die sewe ander stamme kry ook hulle erfdeel
- Josua 20-21 – Die asielstede en die stede van die Leviete
- Josua 22 – Die volk vind hulle identiteit en eenheid in die wet van God
- Josua 23 – Josua roep die leiers op tot gehoorsaamheid aan die Here
- Josua 24 – Die leiers en die volk word aan God self verbind in ‘n verbondshernuwing
Tags: Josua
Trackback from your site.
Lorraine Paquet
| #
Dankie Ds
Dit verduidelik vrymoedigheid so goed. Beteken baie.
Jan Louw
| #
Mooi!
Chris van Wyk
| #
Die enigste manier tans is om dit self op die web te lees. Jammer.
Rolinda Van niekerk
| #
Sal dit graag per email will ontvang
Chris van Wyk
| #
Hi Adri. Onthou dat Lukas 11:37-53 ‘n gedeelte is wat gerig is aan die Farisëers en wetgeleerdes oor hulle skynheiligheid. Hulle bou monumente vir die profete, asof hulle hulle eer, maar met hulle optrede teenoor Jesus, die Groot Profeet, wys hulle dat hulle die slegte dade van hulle voorouers goedkeur. Die enigste goeie profeet vir hulle is ‘n dooie profeet. Hulle staan dus skuldig vir hulle eie sonde – hulle verwerp die profeet Jesus – maar wys daarmee dat hulle net so skuldig is as hulle voorgeslagte – en verwerp dus ook hulle boodskap, ‘n boodskap wat op Jesus gedui het.
Die breër konteks van jou vraag is hoe ‘n mens betaal vir (of skuldig is aan) iemand anders se sonde. Almal van ons ly aan die gevolge van vorige geslagte se sondes -dié wat die Here nie erken het nie, of onreg gepleeg het – maar ons dra nie noodwendig die skuld van hulle sonde nie. ‘n Illustrasie hiervan is die seuns van Korag wat nie saam met hulle pa gesondig het teen die Here nie (Numeri 16), en deur die Here begenadig is om ‘n besondere plek onder die priesters en Leviete te beklee as die Koragiete – mense wat ‘n paar Psalms geskryf het en as sangers opgetree het in die tabernakel en tempel. Samuel was ‘n afstammeling van hulle!
Adri
| #
Chris, hoe staan ek in vir ‘n ander (ook my land/volk) se sondes? Hoe betaal ek nms ander ‘n skuld?
Lukas 12:37~53, waarsku Jesus teen sondes gepleeg deur (ons) voorouers? “..hulle bloed sal vd huidige geslag geëis word.” Ek besef dat ons die Woord soms net in konteks en vir wat dit sê moet neem, maar ek glo met my hele hart daaraan dat die Woord waar en eg is en beslis vir vandag geskryf is. Ek glo ook dat my Rabbi deur die Woord ons bekommernisse aan raak. Daarom wonder ek oor my vraag? Hoe staan ek in, maar meer nog hoe betaal ek ‘n skuld nms…
Vertrou eks duidelim genoeg, byvoorbaat dankie, A
Chris van Wyk
| #
Hi Elize. Jy kan enige skakel op die webtuiste klik en die onderwerpe wat ek behandel, gebruik om die Bybel beter te kan leer lees. Geniet dit.
Elize Hartley
| #
Sal daarvan hou om my bybel te kan leer, so as jul vir my kan onderwerpe stuur, sal ek dit baie waardeer
Chris van Wyk
| #
Dankie Johan. Ek het ‘n paar bydraes wat jou kan help.
Johan
| #
Hallo Chris
Baie dankie vir al die insigte, ek leer baie. Ek het iewers n skakel gedruk en gelees van bose geeste en het die stuk probeer “save” maar die stuk kry ek glad nie meer nie. As jy miskien dit raakloop sal ek waardeer as jy my kan vertel waar ek dit weer kan kry.
Groete en sterkte met die groot werk
Johan