Josua 10 – Josua loop die suide plat in een deurslaggewende veldtog
Print This Post
Die nuus van Josua se beheer van drie stede in die middel van Kanaän – Jerigo, Ai en Gibeon – het koning Adoni-Sedek van Jerusalem tot aksie laat oorgaan om ‘n koalisie te vorm met die konings van vier ander stede in die suide: Hoham van Hebron, Piram van Jarmut, Jafia van Lakis en Debir van Eglon. Hierdie vyf Amoritiese konings het teen Gibeon opgetrek om só Josua in ‘n geveg in te trek (vgl die soortgelyke verhaal van Abram in Genesis 14).
Op versoek van Gibeon en in opdrag van die Here het Josua die uitdaging aanvaar en deur die nag getrek – 35 km ver van Gilgal na Gibeon! – om die Amoriete te verras. Israel het ‘n groot slagting onder hulle aangerig en hulle verslaan. Let op dat die Here eintlik meer van die Amoriete doodgemaak het met haelstene – een van die plae van Egipte – as wat Israel met die swaard doodgemaak het.
Toe Josua egter sien dat die tyd uitloop om die geveg te voltooi, het hy die Here gevra om die son te laat stilstaan in Gibeon en die maan in Ajalonlaagte. En dit is presies wat gebeur het. Die Here het vir Josua geluister en op dié manier verder vir die Israeliete oorlog gevoer. Hulle het amper nóg ‘n twaalf uur bykomende daglig gekry om die oorlog af te handel.
‘n Mens kan hierdie wonderwerk probeer verklaar uit natuurlike oorsake, bv dat die aarde se draaibeweging vertraag is, of dat daar op een of ander manier ‘n weerkaatsing van die son van êrens af was. Maar sulke natuurlike verklarings is baie keer net te spitsvondig. Dit is beter om te aanvaar dat dit God se handewerk is waarin Hy gesorg het dat daar genoeg daglig was vir Israel om hulle werk klaar te maak. Hoe weet ons nie presies nie.
Die vyf konings is gevang waar hulle in ‘n grot in Makkeda gaan wegkruip het. Die oorwinning oor die vyf konings is gevier deur die simboliese minagtende voete op hulle nekke waarna hulle opgehang is en in die grot begrawe is.
Josua het dié gebeurtenis aangegryp om ‘n verdere veldtog te voer teen sewe van die stede in die suide. Die eerste twee was Makkeda en Libna. Volgende aan die beurt was twee van die stede van die suidelike koalisie, Lakis en Eglon, sowel as Geser. Hierna het die ander twee stede van die suidelike koalisie, Hebron en Debir, geval, sowel as die inwoners van die buitedorpe.
Uit Josua 12:14-15 bly dit dat nog vier stede geval het: Geder, Gorma, Arad, Adullam, sowel as Jarmut wat nie hier spesifiek genoem is nie.
Josua het dus die hele suidelike gebied platgeloop, soos die teks sê: “die Bergland, die Suidland, die Laeveld, die Hange, al die konings daar. Hy het niemand laat vrykom nie. Hy het alles wat asem het, uitgeroei, soos die Here die God van Israel beveel het.”
Josua het hulle platgeloop van Kades-Barnea af tot by Gasa, ook die hele Gosengebied en tot by Gibeon. Hy het al die konings en hulle lande in een veldtog oorwin, want die Here die God van Israel het die oorlog vir Israel gevoer. Daarna is Josua, en die hele Israel saam met hom, terug na die kamp toe in Gilgal.
Net Jerusalem het vrygekom. Dit is eers in Dawid se tyd onder Israelitiese beheer gebring.
View all posts in this series
- Bybelskool oor Josua en Rigters hervat 17 Januarie 2018
- Die vervulling van die belofte
- Die leier Josua en die hoëpriester Eleasar
- Die viering van die Intog en Vestiging in die Psalms
- Twee fases: ‘n “platvee”-veldtog en ‘n “skoonmaak”-veldtog
- Die relatiewe waarde van argeologiese en historiese getuienis
- Josua in die res van die Bybel
- Josua 1 – Wees sterk, wees vasberade, veral in die uitvoering van die wetboek
- Josua 2 – Ragab se ontsag vir Jahwe spaar die verkenners se lewe
- Josua 3:1 – 5:1 – God lei Israel met ‘n wonder deur die Jordaan
- Josua 5:2-12 – Die Godsvolk word bevestig deur die besnydenis en die viering van die paasfees
- Josua 5:13-6:27 – Die Here self voer die oorlog teen Jerigo
- Josua 7 – Die Here wys met die nederlaag teen Ai dat sy heiligheid ononderhandelbaar is
- Josua 8 – Die Here oorwin Ai met leierskap en vernuf
- Josua 9 – Die Israeliete tree dwaas op, maar slim vang sy baas
- Josua 10 – Josua loop die suide plat in een deurslaggewende veldtog
- Josua 11:1-15 – Josua vee die grootste deel van Kanaän plat
- Josua 11:16-12:24 – Josua het die hele land ingeneem en as besitting aan Israel gegee
- Josua 13 – Josua kry die opdrag om die hele land te verdeel
- Josua 14 – Die verdeling van die land wes van die Jordaan begin met Kaleb
- Josua 15 – Juda kry hulle erfdeel met besondere vermelding van Kaleb en Aksa sy dogter
- Josua 16-17 – Josef kry hulle erfdeel met besondere vermelding van Selofgad se dogters
- Josua 18-19 – Die sewe ander stamme kry ook hulle erfdeel
- Josua 20-21 – Die asielstede en die stede van die Leviete
- Josua 22 – Die volk vind hulle identiteit en eenheid in die wet van God
- Josua 23 – Josua roep die leiers op tot gehoorsaamheid aan die Here
- Josua 24 – Die leiers en die volk word aan God self verbind in ‘n verbondshernuwing
Tags: Josua
Trackback from your site.
Ansie Faure
| #
Middag Chris
Mense sė dat die doop van Jesus(Mikvah) beteken? is dit onderdompeling? As jy groot gedoop word, is dit omdat jy jou lewe aflè vir Jesus en opstaan as nuwe persoon, soos in Mattheus3:4-8 waar Johannes 3:6 En hulle is deur hom in die Jordaan gedoop met belydenis van hul sonde? Wil net graag weet
Ansie
Chris van Wyk
| #
Hi Dries. Hierdie is nie net ‘n groot vraag vir jou nie. Dit is ‘n groot vraag vir die hele kerk. En, ja, aan die een kant het dit ‘n eenvoudige antwoord, dat dit so is dat die Gees primêr deur die Woord praat (2 Pet 1:21; 2 Tim 3:16; 1 Pet 1:11-12). Maar, aan die ander kant is die antwoord ook weer meer kompleks as dit, want die blote feit dat ‘n mens sê dat die Gees deur die Woord praat, beteken dat daar ‘n kommunikasie van die Gees deur die Woord aan jou adres gaan. Dat jy iets “hoor”. Dat dit selfs ‘n woord vir jou gee om te praat (2 Sam 23:2; Jes 59:21; Mark 13:11; Luk 12:12). En die wonder daarvan, as iets vir jou uit die Woord deur die werk van die Gees oopgaan, is dat jou hart warm raak, brand, soos die Emmaus-gangers gesê het toe Jesus die Skrifte vir hulle uitgelê het (Luk 24:32). En dié ervaring laat baie mense dit verwoord as dat die Gees of die Here met hulle “praat”. Hierby kom die ervaring dat die Gees wysheid en insig gee wat ‘n mens help met die toepassing van ‘n Skrifgedeelte. Enigiemand wat al ooit ‘n getuienis of boodskap moes lewer, sal daarvan kan getuig. Dat dit soms in die oomblik gegee word. Hoe baie keer het ek dit nie in vergaderings beleef nie dat die Gees my wysheid gee wat vir ‘n spesifieke saak op daardie oomblik nodig is. Ditto met prediking en in Bybelstudiegroepe. Dat dié wysheid min of meer altyd uit ‘n bepaalde herinnering aan die Skrif is, is so (Jesus in versoeking). Maar die wyse waarop die Gees my dit laat verwoord, is soms verstommend vars en nuut. Dit is immers God se belofte (Luk 21:14-15). Dit is daarby duidelik uit die ervaring van gelowiges in die Skrif dat hulle die Gees se werking op verskillende ander maniere ervaar het. Nie net in woorde nie. Ook in bewegings van die hart. Dit kan soms as ‘n dryfkrag of trekkrag beleef word (Jesus na die woestyn – Mark 1:12; Matt 4:1), soms as ‘n invloed wat ons help onderskei, waarin die Gees die Woord in ons binnekant gebruik (Hebr 4:12), soms as ‘n verhindering (Paulus – Hand 16:6-8) ensomeer. Die Gees se werking het soms ook ‘n fisiese kant, soos Filippus op die pad na Gasa ervaar het (Hand 8). Ek het begin om iets te skryf hieroor, maar gou agtergekom dat dit te omvattend raak. Ek sal verder werk daaraan, en mettertyd iets publiseer.
Dries Bester
| #
Middag Chris.
Groot vraag vir my as n persoon. Ek hoor sovele mense wat sê dat die Heilige Gees met hulle gepraat het. Volgens my kan die Heilge Gees nie self met jou praat nie maar kry n persoon sy antwoord deur die Skrif.
Ek het al n persoon geantwoord op so n opmerking dat n mens baie versigtig moet wees, dat n mens nie die Heilige Gees gebruik as n alibi of n dekmantel nie en ook pasop dat jy jou nie self verpersoonlik met die Heilige Gees. Help n biedjie.
Groete
Dries.
Chris van Wyk
| #
Stefanus verwys waarskynlik met “weerstaan die Heilige Gees” na Jesaja 63:10 waar die profeet die volk verwyt dat hulle in die woestyn die woorde van die Heilige Gees verontagsaam het en nie nagevolg het nie. In die volgende verse verwys Stefanus ook na die vaders wat in hulle opstandigheid die profete doodgemaak het wat deur die Heilige Gees gepraat het. Ironies genoeg is dit dan presies wat met Stefanus gebeur. Hulle weerstaan die Heilige Gees en maak hom dood.
Jurgens
| #
Chris
Praat bietjie met my oor Handelinge 7:51 oor die weersaan van die Heiloige Gees. Het jy al daaroor geskryf?
Geniet die lewe!
Chris van Wyk
| #
Dankie. Geniet!
Hendri
| #
Sjoe, ek het die insig nou baie geniet. My arme broer het begin bou aan kaste toe hy na die tyd hoor sy klient stel nie meer belang nie. Na baie dink aan hoop wat ek vir hom kon gee, kom ek op die (Gen 45) gedeelte af. “Alles werk ten goede mee…” Is dit nou nie iets kosbaar om te koester nie? Baie dankie, ek sal weer hier kom inloer. Seen vir julle! Hendri van Centurion.
Chris van Wyk
| #
Nie almal kry ‘n hemelse taal nie. Dit is duidelik uit Paulus se retoriese vrae: “Almal is tog nie apostels nie, almal is tog nie profete nie, almal is tog nie leraars nie, almal is tog nie kragte nie? Het almal genadegawes van gesondmaking, spreek almal in tale, kan almal dit uitlê?” (1 Kor 12:29-30). Die antwoord is duidelik, nee. Paulus sê ook oor tale dat hy in die gemeente liewer 5 woorde met sy verstand sal praat as 10 000 woorde in ‘n taal (1 Kor 14:19). Hemelse tale is vir die binnekamer. Om met ‘n verstaanbare taal met God te kan praat, is genoeg. Lees meer in hierdie bydrae oor die spreek in tale van my. Wat ons vandag wel baie nodig het, is mense wat ‘n ander taal as hulle eie aanleer om die evangelie in te kan verkondig.
Adri van der Merwe
| #
Wil bietjie klaring kry oor iets wat pla..ek het nie ‘n hemelse taal ontvang nie en vra gedurig vir Vader om my aan te raak..is dit waar dat nie almal ‘n taal sal ontvang nie? en dan ‘n ander gawe sal kry..voel al ek doen iets verkeerd..almal sê dat enigiemand dit kan kry? as hulle vra..
asb ek soek advies..
Leon
| #
Ek het vanoggend oppad kerk toe hierdie gesprek gehad met my vrou. Ek is bly oor die bevestiging wat jy gee. Ons eie verkeerde gadagtes kan dikwels die “satan” voorstel. Daarom sê Jakobus 1 vs 14 “Maar elkeen word versoek as hy deur sy eie begeerlikheid weggesleep en verlok word.
15 Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort.” Soos jy ook verwys na Ef 6 vs 10 – 18…die volle wapenrusting aantrek teen teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug. Ons stryd is nie teen vlees en bloed nie maar die liste vd duiwel.