Waar is die Bybelse plekke vandag?

Sommige van julle het my gevra na die plekname in die Bybel, en spesifiek hoe ‘n mens dit met plekname van vandag kan verbind.  OpenBible het ’n diens wat jou kan help.  Enige naam wat in ’n Bybelboek genoem word, is beskikbaar by: http://www.openbible.info/geo/.  Kry daar die name van die Bybelse plekke en tik dit so akkuraat as moontlik by Google Earth in. Dan kan jy uit satellietfoto’s sien hoe die presiese plek vandag lyk. 

Jy moet natuurlik ook Google Earth op jou rekenaar installeer!

(Met erkenning aan Bybel-Media vir dié wenk)

View all posts in this series

Bybelse plekke


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (4)

  • annemarie van zyl

    More ds Chris,
    Ek is tans tuis besig met n Bybelstudie oor Handelinge en meer spesifiek Paulus se sendreise. Ek wil uitvind of ds my kan se waar ek n lys van dorpname in die Bybelse tyd en die huidige name van daardie dorpe kam opspoor. Ons is tans sonder leraar en sal enige hulp verwelkom Baie dankie en jammer vir enige ongerief groete Annemarie van Zyl

    • Daar is ‘n paar plekke waar jy dié inligting kan opspoor. Die Blueletter Bible het ‘n lys van al die dorpe en stede wat in die NT genoem word met die verwysings in die Bybel, hoewel ongelukkig nie altyd met ‘n vergelykbare aanduiding van wat die plek vandag genoem word nie. Dié name kan jy egter opspoor deur middel van Wikipedia. Jy kan ook OpenBible gebruik. Enige naam wat in elke Bybelboek genoem word, is daar beskikbaar. Kry daar die name van die Bybelse plekke en tik dit so akkuraat as moontlik by Google Earth in. Dan kan jy uit satellietfoto’s sien hoe die presiese plek vandag lyk. Jy moet natuurlik ook Google Earth op jou rekenaar installeer. (Met erkenning aan Bybel-Media vir dié wenk)

  • Chris…, waar vind ons die mense wat die Here gedien het op die manier wat ons in die bybel lees… in die evangelies en Handelinge? Mense wat nog huise en plase en families verlaat en hulle lewens spandeer om van dorp tot dorp en huis tot huis gaan en die evangelie verkondig…? Sonder om geld te vra en sonder om iets te besit…. en sonder vrouens en kinders…. dit is tog wat ek in die bybel lees… is dit nie…, is daar nie meer sulke mense nie… waar is die Waarheid van Jesus dan…? Groete. Martin.

    • Hi Martin, ‘n mens vind hulle oral in Indië en China waar die kerk meesal ondergronds funksioneer en dit die enigste manier is om die evangelie te versprei. Dit is egter nie al manier waarop die Here werk nie. Paulus het gewerk vir sy lewensonderhoud. Hy het tente gemaak en herstel. Die gemeentes het ook vir sy lewensonderhoud ingestaan, veral die gemeente van Filippi. Lukas was ook ‘n dokter wat waarskynlik daardeur geld verdien het. Leraars en pastors van plaaslike gemeentes is ook onderhou sodat hulle kan fokus op die Woordbediening. So ook reisende predikers soos ons in die briewe van Johannes lees.

Maak 'n opmerking

%d bloggers like this: