Paulus se gevangeniskap – en pastorale briewe – Bybelskool vanaf 12 Januarie 2012

In ‘n vorige rondte het ons Paulus se twee eskatologiese briewe gelees aan die gemeente in Tessalonika en sy vier leerstellige briewe aan die gemeentes in Galasië, Korinte en Rome.

Ons lees van 12 Januarie 2012 af Paulus se vier briewe wat hy uit die gevangenis in Rome skrywe aan die gemeentes in Filippi, Kolosse (ook bedoel vir Laodisea) en Efese, sowel as aan Filemon, en sluit af met sy drie pastorale briewe aan Timoteus en Titus[1].  Filemon was waarskynlik ‘n geestelike leier van Kollosse (Kol 4:9 – Onesimus, sy slaaf, is “een van hulle”).  Die vier gevangenis briewe is waarskynlik deur Tigikus (Kol 4:7,9; Ef 6:21) en Onesimus (Kol 4:9 – Filemon se slaaf) afgelewer in die vroeë sestiger jare van die eerste eeu, moontlik op dieselfde reis.

Die briewe aan die gemeentes in Filippi en Efese (Johannes het ook ‘n boodskap vir hulle in Open 2:1-7) sal ook in die lig van die uitvoerige verhale oor die stigting van dié gemeentes gelees word soos Lukas ons in die boek Handelinge vertel.  Verfris jou geheue hier: Filippi, Efese.

Daar was, interessant genoeg, ook nog ander briewe van Paulus, bv dié een aan Laodisea (Kol 4:16 – Johannes het ook ‘n boodskap vir hulle: Open 3:14-22), wat ongelukkig verlore geraak het.  Hoe jammer!

Lees verder oor die Skedule van leeswerk, die byeenkomste in Somerstrand en die toekomstige beplanning van die Bybelskool.

Skedule van leeswerk

  • Filippense:                       12 – 19 Januarie 2012
  • Filemon:                           20 Januarie 2012
  • Kolossense:                       23 – 30 Januarie 2012
  • Efesiërs:                             31 Januarie – 9 Februarie 2012
  • 1 en 2 Timoteus:                  10 – 24 Februarie 2012
  • Titus:                             27 – 29 Februarie 2012

Byeenkomste in Somerstrand – Woensdae 18:30

  • 18 Januarie 2012
  • 25 Januarie 2012
  • 01 Februarie 2012
  • 08 Februarie 2012
  • 15 Februarie 2012
  • 22 Februarie 2012
  • 29 Februarie2012

Toekoms beplanning van die Bybelskool

Ek beplan – “in die Here” soos Paulus so graag skrywe! – om die volgende skedule te volg in my plasing van bydraes, indien gemeentes dit moontlik in ag wil neem  in die beplanning van hulle eie Bybelskole en kleingroepe

Datum Bybelboek Tydsduur
Tweede kwartaal 2012 Prediker en Hooglied 4 weke
Derde kwartaal 2012 Spreuke 6 weke
Vierde kwartaal 2012 Daniël en Openbaring 6 weke
Eerste kwartaal 2013 Esra, Nehemia en Ester 7 weke
Tweede kwartaal 2013 Psalms 42-72 6 weke
Derde kwartaal 2013 Jeremia en Klaagliedere 10 weke
Vierde kwartaal 2013 Hosea, Amos, Obadja, Jona, Miga, Joël 7 weke
Eerste kwartaal 2014 Esegiël 9 weke
Tweede kwartaal 2014 Psalms 73-106 7 weke
Derde kwartaal 2014 Nahum, Habakuk, Sefanja, Haggai, Sagaria, Maleagi, Daniël 6 weke
Vierde kwartaal 2014 1 en 2 Kronieke 10 weke
Eerste kwartaal 2015 Job 8 weke
Tweede kwartaal 2015 Psalms 107-150 9 weke
Derde kwartaal 2015 Genesis en Eksodus 7 weke
Vierde kwartaal 2015 Levitikus, Numeri, Deuteronomium 7 weke
Eerste kwartaal 2016 Josua en Rigters 9 weke

 


[1] Daar is verskil van mening oor Paulus se outeurskap van sommige van die dertien briewe wat in die Nuwe Testament opgeneem is.  Ek kies om al Paulus se briewe as kanonieke briewe te lees, en die historiese vrae daaroor aan Nuwe Testamentici oor te laat.

View all posts in this series

Paulus


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (2)

  • Dr van Wyk
    Die ring van Worcester, 7 gemeentes, het vanaf eerskomende Sondag 40dae oor Filippense.
    Ons het die stof op die webwerf afgelaai. Ons sal dit baie waardeer indien u enige bykomende stof het wat ons as inspirasie gebruik. Sterkte en sën op u werk. vallei groete

Maak 'n opmerking

%d bloggers like this: