Esegiël 22 – “Hulle maak of Ek nie daar is nie”!
Die fokus skuif terug na Jerusalem en die naderende ballingskap. Esegiël formuleer die boodskap in drie punte, telkens ingelei met die frase: “Die woord van die Here het tot my gekom.” (22:1, 17, 23).
- In die eerste deel brei Esegiël uit oor ‘n hele aantal van die redes vir die ballingskap – 22:1-16. “Hulle maak of Ek nie daar is nie.”!
- In die tweede deel gebruik hy die metafoor van ‘n smeltoond om God se houding teenoor hulle as een van oordeel te tipeer – 22:17-22.
- In die derde deel word die gevolge van God se oordeel uitgespel. Dit is daarom hul verdiende loon – 22:23-31.
22:1-16 – “Hulle maak of Ek nie daar is nie”!
Jerusalem word die stad van bloedvergieting genoem weens die afskuwelike dade wat daarin gepleeg is. Let op hoe baie keer die woord “bloed” eksplisiet en selfs implisiet (menstruasie) in die gedeelte gebruik word. Dit dui op die sosiale geweld en mishandeling wat veral die weerloses getref het. Gekoppel aan hulle afgodery het hulle God se wet dus beide in terme van hulle verbintenis aan God en hulle verbintenis aan hulle naaste oortree. Dit is dié dinge wat hulle oordeel verhaas het.
Die koning en die gewone mense het saamgespan teen God en hulle naaste. Let op hoe Esegiël uitwys dat hulle nie net die vreemdeling, wese en weduwees verdruk en mishandel het nie, maar dat selfs kinders hulle ouers verag het. Godsdienstige misdrywe is aangevul met sosiale en seksuele misdrywe wat op ‘n grootskaalse gemors in die gemeenskap uitgeloop het. Dieselfde het op regsgebied gebeur met omkopery, bedrog en woekerwins. Kortom: “Hulle maak of Ek nie daar is nie”!
Op die oog af kom die mense selfversekerd voor in hulle argelose afvalligheid. Maar, sê die Here, dít sal van korte duur wees. Hulle einde kom verseker en dit sal vinnig wees.
22:17-22 – God maak hulle ‘n smeltoond van oordeel
Al die verskillende lae van die samelewing in Jerusalem word nou as’t ware in die smeltoond van God se oordeel gegooi en gesmelt soos ‘n mens dit met verskillende metale – koper, tin, yster, lood, silwer – sou doen. Die metafoor word egter nie ingespan om as simbool van verfyning of veredeling te dien nie, maar as bevestiging van die sekerheid van die uitwissing deur God se toorn.
22:23-31 – Ek laat julle kry wat julle verdien
Esegiël vervolg met die gevolge van God se toorn vir almal in die land. Dit tref die regeerders en hulle magsmisbruik (vgl. Sef. 3:1-4 vir soortgelyke beskrywings). Dit tref die priesters wat nie God se eer beskerm het nie. Dit tref die amptenare wat wreed is teenoor die gemeenskap. Dit tref die profete wat die volk mislei. Hulle funksioneer immers soos “religious tranquillizers” (Taylor). Dit tref alle burgers wat ander verdruk en beroof. Trouens, alle klasse in die samelewing kom hulle verantwoordelikhede nie na nie. Selfs die land sal dus in die proses verdroog.
Die ontstellende is dat die Here iemand gesoek het: “wat ‘n muur sou bou en vir die stad in die bres sou tree dat dit nie vernietig word nie, maar Ek het niemand gekry nie.” (22:30). Almal is dus skuldig – sommige weens hulle eie toedoen, ander weens hulle nalatigheid. God se toorn gaan hulle almal dus tref. “Ek laat hulle kry wat hulle verdien.” (22:31).
Boodskap
Twee aspekte van hierdie driepunt preek van Esegiël staan vir my uit.
Aan die een kant lewe die mense van Jerusalem asof die Here nie daar is nie. Hulle doen presies wat hulle wil, maak nie saak hoe dit ander raak nie. Solank hulle gierigheid en gulsigheid net bevredig kan word. “Hulle maak of Ek nie daar is nie”! Geen wonder dat die oordeel hulle tref nie. Want, God is nie ver van ons af nie. Sy oë is oral. En Hy reageer op wat in die samelewing en die gemeenskap van gelowiges gebeur.
Aan die ander kant soek die Here verniet na iemand om in die bres te tree vir die stad. Iemand wat tussen Hom en die volk sal staan om die situasie te beredder. Maar, daar is niemand nie. Selfs die profete en priesters doen nie hulle werk nie. Jeremia het ‘n alleenstryd gestry in Jerusalem, maar het uiteindelik geen impak op die gemeenskap van sy tyd gehad nie. Sy prediking en beloftes sou eers ná sy dood hulle impak hê (vgl. bv. Daniël 9).
View all posts in this series
- Bybelskool 2de kwartaal 2015: ESEGIËL - April 10, 2015
- Inleiding op Esegiël - April 13, 2015
- Esegiël 1-3 – Esegiël se roeping en opdrag – 593 v.C. - April 16, 2015
- Esegiël 4-5 – Die beleg en val van Jerusalem - April 21, 2015
- Esegiël 6 – Die oorlog teen die “Berge van Israel” - April 23, 2015
- Esegiël 7 – Die einde kom vir die land - April 24, 2015
- Esegiël 8-11 – Die ballingskap is naby vir die land. God se teenwoordigheid verlaat hulle – 592 v.C. - April 27, 2015
- Esegiël 12 – Die ballingskap gaan NOU gebeur - May 1, 2015
- Esegiël 13 – ‘n Woord teen die profete - May 4, 2015
- Esegiël 14 – ‘n Woord teen die leiers – selfs voorbidders sal julle nie help nie - May 5, 2015
- Esegiël 15 – Jerusalem sal soos ‘n wingerdstok verbrand word - May 6, 2015
- Esegiël 16 – Jerusalem sal aan die mag van haar minnaars oorgegee word - May 11, 2015
- Esegiël 17 – Twee gelykenisse wat die hede interpreteer en die toekoms oopsluit - May 12, 2015
- Esegiël 18 – God seën mense wat persoonlik verantwoordelikheid neem - May 15, 2015
- Esegiël 19 – Twee treurliedere oor die konings van Israel - May 16, 2015
- Esegiël 20:1-44 – ‘n Woord teen die leiers oor die verset teen die verbond – 591 v.C. - May 23, 2015
- Esegiël 20:45-21:27 – Die koning van Babel kom - May 25, 2015
- Esegiël 21:28-32 – ‘n Woord teen die Ammoniete
- Esegiël 22 – “Hulle maak of Ek nie daar is nie”! - May 28, 2015
- Esegiël 23 – Ohola en Oholiba, die twee susters Samaria en Jerusalem het dieselfde pad geloop - May 30, 2015
- Esegiël 24 – Ellende wag vir die stad, sowel as vir Esegiël – 588 v.C. - June 1, 2015
- Esegiël 25 – ‘n Woord teen die Ammoniete, Moabiete, Edomiete en Filistyne - June 2, 2015
- Esegiël 26:1-28:24 – ‘n Woord teen Tirus en Sidon – 586 v.C. - June 9, 2015
- Esegiël 28:25-26 – ‘n Woord vir Israel
- Esegiël 29-32 – Sewe woorde teen Egipte – 587, 571, 587, en 585 v.C.
- Hier is die skakels na die vorige twee bydraes
- Esegiël 33:1-20 – God soek bekering nie die dood nie - June 20, 2015
- Esegiël 33:21-33 – Grypsug en selfsug word geoordeel - June 21, 2015
- Esegiël 34 – Die Here oordeel die herders van Israel en word self hulle Herder - July 28, 2015
- Esegiël 35-36:15 – ‘n Woord teen Edom en die herstel van die “Berge van Israel” - July 29, 2015
- Esegiël 36:16-38 – Ek herstel julle ter wille van Myself - July 30, 2015
- Esegiël 37 – Ek herstel julle as my herenigde volk in die land Israel - August 10, 2015
- Esegiël 38-39 – God vernietig Gog, simbool van al die vyande van die Godsvolk - August 11, 2015
- Esegiël 40-48 – INLEIDING: God se teenwoordigheid in die tempel en land word herstel - August 12, 2015
- Esegiël 40-42 – God skep ‘n tempel vir sy terugkeer na die land – 573 v.C. - August 13, 2015
- Esegiël 43-44 – God se magtige teenwoordigheid neem intrek in die tempel - August 17, 2015
- Esegiël 45-46 – God herstel die land, regeerders, offers, feeste en grondbesit - August 18, 2015
- Esegiël 47-48 – God verdeel die land regverdiglik en gee lewe vanuit die heiligdom vir die hele land - August 19, 2015
Discover more from Bybelskool
Subscribe to get the latest posts sent to your email.
Onlangse kommentaar