Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (3)

  • Avatar

    Laetitia

    |

    NAME VAN JERUSALEM:Met Chris se vergunning gee ek hier 'n baie beknopte opsomming van Jerusalem se name van die vroegste tye Dit is na aanleiding van 'n vraag verlede jaar.

    URUSALIMM EN SALEM:Die oorspronklike naam was Ursalimm of variante wat beteken “Gestig deur die god Shalem”. Dit was 'n Kanaanitiese dorp toe Abraham geleef het, Sien Gen 14: 18 waar dit net Salem genoem word. Die Jode het nie die naam verander na hulle oorwinning oor die stad nie , al het dit op 'n afgod gedui, maar later het die woord 'n betekenisverandering ondergaan en toe ” vrede ” beteken. Dit hou ook verband met die Joodse groet “Shalom” en met die name Salomo en Absolom.

    Maar die Jode het in totaal 70 name gehad vir Jerusalem -die syfer 70 het,soos die getal 7, 'n besondere betekenis vir die Jode gehad. . Die enigstes wat eintlik by ons bekend is, is: Moria [Gen 22:2] wat dui op die plek waar Abraham vir Isak moes offer en die heuwels daar rondom en Sion wat ook aanvanklik net die tempelberg en omringende dele was, maar ook later op die hele stad gedui het.

    AELIA CAPITOLINA: In 70 NC is die jode tot hulle knieë gedwing deur die Romeine en na die volgende opstand onder leierskap van Simon Bar Kochba in 130 is hulle totaal uit die stad verban behalwe vir een dag per jaar. Die hele stad en die tempel is in die opstand verwoes en die nuwe Keiser,Hadrianus, wat baie lief was vir bou,het gou die hele stad begin herbou.Op die plek waar die vorige tempel was,die tempelberg, is 'n nuwe tempel gebou-vir Jupiter.Dit was eintlik toe 'n Romeinse stad en is Aelia Capitolina genoem. Aelia vewys na Hadrianus se familienaam en Capitolina op die tempelheuwel waar die nuwe tempel gebou is. DIe naam Aelia Capitolina[later verkort to net Aelia] het voortbestaan tot in die vroeê Middeleeue toe Jerusalem 'n christen Bisantynse stad geword het.

    AL – QUDS: in die 7de eeu is die Bisantyne verdryf en Jerusalem het 'n belangrike,selfs heilige, Islamitiese stad geword met die naam El-Quds wat heilig beteken. Dis vir hulle heilig omdat hulle stamvader Abraham daar vir Ismael , eerder as vir Isak, soos hulle glo,op 'n rots moes offer, presies op dieselfde plek waar die Jode ook glo dit het gebeur ;maar veral ook omdat Mohammed volgens oorlewering sy nagvlug na die hemel en terug op sy perd vanaf die heilige rots onderneem het.[Dis tydens hierdie nagvlug dat hy glo sy boodskap by die engel Gabriel ontvang het ]. Daar is ook ander moslemname vir Jerusalem, maar Al – Quds en variante is die hoof naam vir Jerusalem in vele moslemkulture sedert die 7de eeu.

    'n Baie interessante boek oor die geskiedenis maar veral oor moderne Jerusalem Is: A Golden Basin Full of Scorpions- A Quest foir Modern Jerusalem deur Con Coughlin – Warner Books,1997. Die titel kom uit 'n beskrying van Jerusalem deur ene Mukkadasi in 985.

    Reply

  • Avatar

    Chris van Wyk

    |

    Linda du Plessis vra hoe oud Dawid was met sy kroning as koning. 2 Sam 5:4 dui aan dat hy ongeveer 30 jaar oud was met sy eerste kroning oor Juda en 37 jaar oud toe hy deur die hele volk aanvaar is en dus koning van die hele Israel geword het. Hy is waarskynlik op die jeugdige ouderdom van 15 deur Samuel gesalf as koning en het 70 jaar oud geword met sy dood (Bright dateer sy regering in sy History of Israel as 1000-961 v C). Interessant: Leviete moes 30 jaar oud wees voor hulle diens kon verrig (Num 4:3) en Jesus was ook 30 jaar oud toe hy met sy bediening begin het (Luk 3:23).

    Reply

  • Avatar

    Ilse

    |

    Baie interessante bydrae oor Jerusalem se vorige name. Dankie Laetitia.
    Hoofst 28–Moderne vertalers het darem hd dag ‘n jolige jolliedag gehad met al hd sinonieme van dronk!!
    Vers 10,13 het my laat dink aan Nataniel in Jan. Sarie:Almal=besig,almal het opinies,maar
    vra,dan doen hulle bietjie die en bietjie daai,praat oor die en daai,maar se niks eintlik nie en weet net so ietsie oor dit en bietjie minder oor dat! Het hy dan by my gekuier?!

    Reply

Leave a comment

Onlangse kommentaar

  • Avatar

    Tabita

    |

    Goeie dag pastoor. My naam is Tabita. Ek het n pastorale kursus gedoen deur past. Chris Mengel. Ongelukig en baie hartseer, aan die einde van my finale jaar het die Here hom kom haal. Bied pastoor sulke kursese aan of weet pastoor dalk waar ek my finale jaar kan voltooi groot asb? Groete en geseende dag vir u.

  • Avatar

    Chris van Wyk

    |

    Klik net op Confirm Follow in die e-pos wat wordpress.com na jou Inbox stuur.

  • Avatar

    Chris van Wyk

    |

    Hi Esmé, ek sal jou e-pos insit op daardie bladsy. Jy moet net die e-pos wat WordPress vir jou stuur goedkeur.

  • Avatar

    Esme Dorfling

    |

    Ek wil graag aansluit by 2021 bybel lees program.

  • Avatar

    Chris van Wyk

    |

    Hi Yunis, die reëling was om vermorsing te voorkom. Die pa moes bereken of sy familie ‘n lam sou kon opeet. Minder as tien mense in ‘n gesin, veral as dit kleiner kinders was, sou dit moontlik nie maak nie! Daarom kon hulle met hulle bure deel, sodat die vleis nie vermors word nie. Want, onthou, alles is verbrand aan die einde van die maaltyd. As ‘n mens simbolies daarna kyk, kan ‘n mens mededeelsaamheid en samewerking in die koninkryk daarin lees.

  • Avatar

    Yunis Duimpies

    |

    Goeie middag Ds Chris
    Baie dankie vir Ds se uiteensetting oor Exodus 12 in verband met die uittog uit Egipte.Ek wil net graag weet,wat beteken dit simbolies wanneer as huisgesinne die lammetjie saam moet eet en as hulle te klein is vir die lam,hulle saam met hulle bure deel.Ek hoop u verstaan wat ek bedoel.Baie dankie

  • Avatar

    Chris van Wyk

    |

    Hi Yvonne, dankie vir die korreksie! Seën vir jou leeswerk hierdie jaar.

  • Avatar

    Chris van Wyk

    |

    Hi Miems, die wet is duidelik dat ‘n mens nie moord mag pleeg nie (Eks 20:13) soos Jesus (Matt 5:21-22) en Paulus (Rom 13:9) dit ook bevestig. Die Heidelbergse Kategismus verduidelik dit so:

    Sondag 40

    105 Vraag: Wat eis God in die sesde gebod?

    Antwoord: Ek mag nie self en ook nie deur iemand anders my naaste onteer, haat, beledig of doodmaak nie. Ek mag dit nie met my gedagtes, woorde of gebare doen nie en nog minder met die daad (a). Ek moet alle wraaksug laat vaar (b). Ek mag ook myself nie kwaad aandoen of moedswillig in gevaar begewe nie (c). Daarom dra die owerheid die swaard om doodslag te weer (d).
    (a) Matt 5:21, 22; 26:52; Gen 9:6. (b) Ef 4:26; Rom 12:I9; Matt 5:25;18:35. (c) Rom 13:14; Kol 2:23; Matt 4:7. (d) Gen 9:6; Eks 21:14; Matt 26:52; Rom 13:4.

    106 Vraag: Praat hierdie gebod net van doodmaak?

    Antwoord: Deur doodmaak te verbied, leer God ons dat Hy die wortel daarvan (a), soos afguns, haat (b), woede (c) en wraaklus verafsku. Dit alles is vir Hom heimlike moord (d).
    (a) Spr 14:30; Rom 1:29. (b) 1 Joh 2:11. (c) Jak 1:20; Gal 5:19-21. (d) 1 Joh 3:15.

    107 Vraag: Het ons die gebod gehoorsaam as ons maar net nie ons naaste doodmaak, soos hierbo gesê is nie?

    Antwoord: Nee, terwyl God afguns, haat en woede verbied, gebied Hy dat ons ons naaste moet liefhê soos onsself (a). Ons moet teenoor hom geduldig, vredeliewend, sagmoedig, barmhartig en vriendelik wees (b), alles wat hom kan benadeel, sover moontlik probeer voorkom (c) en selfs aan ons vyande goed doen (d).
    (a) Matt 22:39; 7:12; Rom 12:10. (b) Ef 4:2; Gal 6:1, 2;Matt 5:5; Rom 12:18; Luk 6:36; Matt 5:7; 1 Pet 3:8; Kol 3:12. (c) Eks 23:5. (d) Matt 5:44, 45; Rom 12:20.