Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (3)

  • Avatar

    Laetitia

    |

    NAME VAN JERUSALEM:Met Chris se vergunning gee ek hier 'n baie beknopte opsomming van Jerusalem se name van die vroegste tye Dit is na aanleiding van 'n vraag verlede jaar.

    URUSALIMM EN SALEM:Die oorspronklike naam was Ursalimm of variante wat beteken “Gestig deur die god Shalem”. Dit was 'n Kanaanitiese dorp toe Abraham geleef het, Sien Gen 14: 18 waar dit net Salem genoem word. Die Jode het nie die naam verander na hulle oorwinning oor die stad nie , al het dit op 'n afgod gedui, maar later het die woord 'n betekenisverandering ondergaan en toe ” vrede ” beteken. Dit hou ook verband met die Joodse groet “Shalom” en met die name Salomo en Absolom.

    Maar die Jode het in totaal 70 name gehad vir Jerusalem -die syfer 70 het,soos die getal 7, 'n besondere betekenis vir die Jode gehad. . Die enigstes wat eintlik by ons bekend is, is: Moria [Gen 22:2] wat dui op die plek waar Abraham vir Isak moes offer en die heuwels daar rondom en Sion wat ook aanvanklik net die tempelberg en omringende dele was, maar ook later op die hele stad gedui het.

    AELIA CAPITOLINA: In 70 NC is die jode tot hulle knieë gedwing deur die Romeine en na die volgende opstand onder leierskap van Simon Bar Kochba in 130 is hulle totaal uit die stad verban behalwe vir een dag per jaar. Die hele stad en die tempel is in die opstand verwoes en die nuwe Keiser,Hadrianus, wat baie lief was vir bou,het gou die hele stad begin herbou.Op die plek waar die vorige tempel was,die tempelberg, is 'n nuwe tempel gebou-vir Jupiter.Dit was eintlik toe 'n Romeinse stad en is Aelia Capitolina genoem. Aelia vewys na Hadrianus se familienaam en Capitolina op die tempelheuwel waar die nuwe tempel gebou is. DIe naam Aelia Capitolina[later verkort to net Aelia] het voortbestaan tot in die vroeê Middeleeue toe Jerusalem 'n christen Bisantynse stad geword het.

    AL – QUDS: in die 7de eeu is die Bisantyne verdryf en Jerusalem het 'n belangrike,selfs heilige, Islamitiese stad geword met die naam El-Quds wat heilig beteken. Dis vir hulle heilig omdat hulle stamvader Abraham daar vir Ismael , eerder as vir Isak, soos hulle glo,op 'n rots moes offer, presies op dieselfde plek waar die Jode ook glo dit het gebeur ;maar veral ook omdat Mohammed volgens oorlewering sy nagvlug na die hemel en terug op sy perd vanaf die heilige rots onderneem het.[Dis tydens hierdie nagvlug dat hy glo sy boodskap by die engel Gabriel ontvang het ]. Daar is ook ander moslemname vir Jerusalem, maar Al – Quds en variante is die hoof naam vir Jerusalem in vele moslemkulture sedert die 7de eeu.

    'n Baie interessante boek oor die geskiedenis maar veral oor moderne Jerusalem Is: A Golden Basin Full of Scorpions- A Quest foir Modern Jerusalem deur Con Coughlin – Warner Books,1997. Die titel kom uit 'n beskrying van Jerusalem deur ene Mukkadasi in 985.

    Reply

  • Avatar

    Chris van Wyk

    |

    Linda du Plessis vra hoe oud Dawid was met sy kroning as koning. 2 Sam 5:4 dui aan dat hy ongeveer 30 jaar oud was met sy eerste kroning oor Juda en 37 jaar oud toe hy deur die hele volk aanvaar is en dus koning van die hele Israel geword het. Hy is waarskynlik op die jeugdige ouderdom van 15 deur Samuel gesalf as koning en het 70 jaar oud geword met sy dood (Bright dateer sy regering in sy History of Israel as 1000-961 v C). Interessant: Leviete moes 30 jaar oud wees voor hulle diens kon verrig (Num 4:3) en Jesus was ook 30 jaar oud toe hy met sy bediening begin het (Luk 3:23).

    Reply

  • Avatar

    Ilse

    |

    Baie interessante bydrae oor Jerusalem se vorige name. Dankie Laetitia.
    Hoofst 28–Moderne vertalers het darem hd dag ‘n jolige jolliedag gehad met al hd sinonieme van dronk!!
    Vers 10,13 het my laat dink aan Nataniel in Jan. Sarie:Almal=besig,almal het opinies,maar
    vra,dan doen hulle bietjie die en bietjie daai,praat oor die en daai,maar se niks eintlik nie en weet net so ietsie oor dit en bietjie minder oor dat! Het hy dan by my gekuier?!

    Reply

Leave a comment

Onlangse kommentaar

  • Avatar

    Dieter Kreft

    |

    Naand se Dominee,

    ek is orrelis van ‘n gemeente in Kaapstad wat besig is om met ‘n ander een saam te smelt. Dit gaan gepaard met bietjie struweling, wat seker natuurlik is. Ek het gewonder hoekom psalm 133 so onbekend is? Amper as of hy nooit gesing was nie. Dalk kan jy bietjie lig daarop skyn

  • Avatar

    Chris van Wyk

    |

    Hi Abe, ek kan nie nou vinnig my hand daarop lê nie, maar hier is ‘n verduideliking as deel van ‘n liturgie wat op my rekenaar is:

    Die liturgie is gebaseer op die Paasmaaltyd wat deur Christen-Jode gevier word. Die belangrikste elemente het waarskynlik ook deel uitgemaak van die laaste maaltyd wat Jesus saam met sy dissipels gehad het die aand voor sy kruisiging.
    GOD VERSAMEL ONS VOOR HOM
    Aansteek van die kerse (’n groot wit Christuskers en 12 pers kerse)
    Lofprysing
    Prys die Here, ons God, die ewige Koning!
    Hy het sy enigste Seun, Jesus die Messias, gestuur as die Lig vir die wêreld en as ons Paaslam.
    Deur Hom mag ons lewe.
    Aanvangswoord
    Voorganger: Kom laat ons saam tot Jesus nader,
    Hy wat gehoorsaam was tot in die dood
    Almal: Ja, die dood aan die kruis. Amen.

    Sang
    Psalm 116:1, 7 en 10 “God het ek lief, want dié getroue Heer” (Totius-beryming)
    Stil gebed
    Verootmoediging
    Voorganger: Genadige God, ons het U nie liefgehad met ons hele hart en met ons hele siel
    en met al ons krag en met ons hele verstand nie.
    Almal: Here, ontferm U oor ons.

    Voorganger: Liefdevolle Here, ons het ons naaste nie liefgehad soos U ons geleer het nie.
    Almal: Christus, ontferm U oor ons.

    Voorganger: Hemelse Vader, ons het nie in volle oorgawe aan U gelewe nie.
    Almal: Here, ontferm U oor ons.

    Voorganger: Mag die Here genade aan julle betoon.
    Mag Hy julle vergewe in sy troue liefde.
    Mag Hy aan julle vrede gee.
    Almal: Amen. Aan God die dank.
    Sang
    Lied 245:1 en 2 “Ek wat vergifnis, Heer, ontvang het”
    DIENS VAN DIE WOORD
    Skriflesing
    Johannes 13:1-17 en 31b-35
    Stil gebed
    DIENS VAN DIE TAFEL
    Instelling van die eerste beker
    Prys die Here, ons God, die ewige Koning!
    Hy is die Een wat die vrug van die wingerd voortbring.
    (Almal drink die wyn of druiwesap.)
    Vraag: Waarom is hierdie aand anders as al die ander aande?
    Antwoord: Ons was in Egipte die farao se slawe en die Here het ons daar deur sy magtige dade bevry toe Hy voor ons oë tekens en groot wonderdade gedoen het. Op hierdie aand dink ons terug aan daardie nag toe die Here ons gered het uit die mag van Egipte.

    Ons was ook slawe van die sonde. Maar God het aan ons genade bewys. Deur die bloed van sy Seun Jesus Christus is ons verlos en is ons oortredinge vergewe. Op hierdie aand dink ons terug aan daardie nag toe die Here Jesus oorgelewer is om vir ons te sterwe.
    Instelling van die tweede beker
    Die tweede beker wat ons drink, is die beker van danksegging en ons drink dit as ‘n danksegging vir God se verlossingsdade. Neem, drink en dank God vir die verlossing wat Hy vir ons bewerk het.
    Prys die Here, die ewige Koning!
    Hy het ons trane in gelag verander, ons smart in vreugde.
    (Almal drink die wyn of druiwesap)
    Instelling van die brood
    Die Here Jesus het in die nag waarin Hy oorgelewer is, brood geneem en nadat Hy God daarvoor gedank het, het Hy dit gebreek en gesê: “Dit is my liggaam, dit is vir julle. Gebruik dit tot my gedagtenis.”
    Neem, eet, dink daaraan en glo dat die liggaam van ons Here Jesus Christus gebreek is tot volkome versoening van al ons sondes.
    (Almal eet van die brood)
    Instelling van die derde beker
    Na die maaltyd het die Here Jesus die derde beker geneem en gesê: “Hierdie beker is die nuwe verbond, wat deur my bloed beseël is. Gebruik dit elke keer as julle daaruit drink, tot my gedagtenis.”
    Prys die Here ons God, die ewige Koning!
    Hy is die een wat ons verlos.
    Neem, drink, dink daaraan en glo dat die bloed van ons Here Jesus Christus gestort is tot ‘n volkome versoening van al ons sondes.
    (Almal drink van die wyn of druiwesap)
    Instelling van die vierde beker
    Die vierde en laaste beker rig ons oë na vore na die wederkoms van Christus. Mag dié dag spoedig kom.
    Prys die Here ons God, die ewige Koning!
    Neem, drink en leef vanuit die verwagting dat die Here Jesus spoedig weer sal kom.
    (Almal drink van die wyn of druiwesap)
    Sang
    Lied 453:1-3 “Aan die Vader dank en ere, laat ons saam sy lof besing”
    Gebed
    Seën
    Almal: Volgende jaar in Jerusalem!
    UITSENDING
    Sang
    Lied 390: 1-4 “Ons kniel hier aan u voete neer”
    Alle versierings (nagmaalservies, kanselkleed, baniere, ensovoorts) word uit die aanbiddingsruimte verwyder.
    Die gemeente verlaat die kerkgebou in stilte.

  • Avatar

    Abe Stoltz

    |

    Ds Chris
    n Paar jaar gelede het ek n artikel van u gelees oor die (Pasga) bekers van die OT. Jesus het een van die Bekers uitgesonder in die NT-iese Nagmaal en net een beker ingestel. Het u dalk so Artikel hieroor asb.
    Gtoete Abe

  • Avatar

    Chris van Wyk

    |

    Dankie Hennie, seën van huis tot huis.

  • Avatar

    Hennie Strydom

    |

    Baie dankie vir al die moeite wat jy doen. Ek respekteer jou werkywer saam met jou deursigtige hantering van die Bybel in die tyd en omstandighede waarin ons ons bevind. As ek dink aan Josef se geskiedenis dan besef ek net al hoe meer dat die alomteenwoordige God nie soseer op ‘n plek is nie, maar dat Hy in ons as gelowiges is daar waar ons gaan – Nasaret, Kanaan, drome, ‘n put, ‘n klompie Moslems wat hom in Egipte gaan verkoop, Potifar en mev Potifar, Robertson, Port Elizabeth. So is die Here by en in jou en soos vir Josef, sal Hy sekerlik jou en jou werk seën – Gen 39:3-5; 21-23. Mooi loop.

  • Avatar

    Chris van Wyk

    |

    Hi – jy kan meer lees oor die konteks by: https://bybelskool.com/genesis-3-die-mens-kruip-vir-god-weg-weens-die-sonde/

    Hier is wat ek oor die teks daar sê:

    Episode 6: Die versteuring van verhoudinge in die skepping – 3:14-21

    Let op hoe direk God in sy hantering van die ontstellende gebeure is. Ná Hy deeglik in gesprek getree het met die mens, tree Hy beslissend op.

    1. Hy vervloek die slang nie net as ‘n slepende stofkruiper onder die diere nie, maar gee ‘n bedekte belofte in die vyandskap wat Hy tussen die slang se nageslag en die vrou se nageslag verklaar: “Haar nageslag sal jou kop vermorsel en jy sal hom in die hakskeen byt.” (3:15).

    Dit staan volgens sommige bekend as die “moederbelofte” waarin die oorwinning van Christus aan die kruis oor die werk van die Satan voorspel word. In Gereformeerde kringe word die woord moederbelofte gewoonlik vermy onder andere weens ‘n ongemak met ‘n Rooms-Katolieke interpretasie wat dit aan die verhaal van Moeder Maria koppel sowel as ‘n ongemak om die gedeelte in die lig van die NT uit te lê.

    Ek dink die ongemak is onnodig, want ‘n mens kan aan die een kant duidelik sien dat hier meer ter sprake is in die teks as maar net dat daar vyandskap tussen die slang en die mensdom is, iets wat in ‘n eerste rondte natuurlik ook deel van die teks se betekenis is. Jesus is na alles uit Maria gebore!

    Dit is aan die ander kant ook duidelik dat die teks die onderbou vir die NT interpretasies vorm wat in Genesis 3:15 die begin van ‘n stryd tussen die mens en die Bose skets, wat in Christus sy toppunt bereik het. Daarom kan Paulus in sy Romeinebrief, onder andere op grond van hierdie teks, sê dat die Satan deur die werk van God en die genade van die Here Jesus onder hulle voete verpletter sal word: “Almal het gehoor van julle gehoorsaamheid aan die evangelie. Ek is baie bly oor julle, en ek sou graag wou sien dat julle alles weet van die goeie en niks wil weet van die slegte nie. God wat vrede gee, sal die Satan spoedig onder julle voete verpletter. Die genade van ons Here Jesus is by julle!” (Rom. 16:19-20). Dit is ook duidelik dat hy die boom van alle kennis ook as deel van sy interpretasie neem. Vergelyk ook Johannes hieroor in Joh. 8:44; 1 Joh. 3:18 en Openb. 12:9.

    Ons kan dus gerus die teks Christologies lees. Jesus het immers op ‘n plek gesê dat die hele OT – die wet van Moses, die profete en die psalms – van Hom vertel en in Hom vervul is (Luk. 24:44).

  • Avatar

    Elaine

    |

    Wat beteken die skrif Genesis 3.15

  • Avatar

    Marnus

    |

    Dankie.

Prontuit die Waarheid