Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (5)

  • Avatar

    Christine

    |

    Dat die mense van die Ou Testament die wet nodig gehad het as riglyne vir hulle lewe om God te dien, is verstaanbaar. Ons in die Nuwe Testament, onder die genade verbond, besit die Heilige Gees wat ons lewens beheers volgens die twee gebooie van liefde vir God en die naaste. Daar is ‘n teks wat sê: “Ek graveer dit op julle verstand en skryf dit op julle harte.” My lewe word dus van binne gerig om reg te leef voor God en my naaste. Ek wil God en my naaste liefhê. Die Gees laat my wil, en help my om so te leef.
    Is die wet wat van “buite” kom, dan nog nodig?

    Reply

    • Avatar

      Chris van Wyk

      |

      Die wet kan natuurlik nie weggewens word nie! God het dit immers met ‘n bepaalde doel gegee en dit het ‘n bepaalde rol gespeel in Israel sowel as in die lewe van Jesus. Daarby kom die innerlike wet ooreen met die beginsels en waarheid wat in bv die Tien Gebooie opgesluit lê. Romeine 2:15 sê selfs dat die wet in heidene se harte geskrywe is. Presies watter wet dit is – morele wet, wet van goed en kwaad? – kan ek moeilik daar uit die konteks aflei, maar dat dit op baie punte met die Tien Gebooie sal ooreenkoms kan ‘n mens aanvaar, doodgewoon omdat iets soos jy mag nie doodslaan nie na ‘n soort universele wet lyk. Daarby het die eksterne wet die funksie dat dit van Christus getuig (Rom 3:21) en ‘n oppasser na Hom toe is (Gal 3:23-24). Maar dit word deur die interne wet vervang wanneer Christus in iemand kom woon deur sy Gees (Heb 8:8-13; 10:15-17).

      Reply

  • Avatar

    Ernst

    |

    Chris maar hoe verstaan mens dan dat die Bybelse Sabbat (7de dag) nie meer gehou word nie? Dis tog deel van die 10 gebooie.

    Dankie ek hoor graag jou verduideliking.

    Reply

    • Avatar

      Chris van Wyk

      |

      Hi Ernst. Die vierde gebod word Bybelsgesproke deur twee goed gemotiveer.

      • Israel moes die sabbatdag vier, om hulle te herinner daaraan dat God alles goed gemaak het, soos Hy op die sewende dag gerus het na al sy werk aan die skepping (Eks. 20). Met die viering van die sabbatdag het hulle erkenning aan God gegee vir alles wat Hy gemaak het.
      • Israel moes ook die sabbatdag vier, om hulle te herinner daaraan dat hulle God se volk is, soos God hulle uit die slawerny van Egipte verlos het (Deut. 5). Met die viering van die sabbatdag het hulle erkenning aan God gegee vir die verlossing wat hulle in die regte verhouding met God gebring het.

      Die NT beskou die sabbatdag as ‘n skaduwee van wat sou kom. Die werklikheid is Christus. Dié wat dus in Christus is, vier hulle afhanklikheid van God elke dag, nie net op een dag nie. Hulle vier ook hulle rus van die sonde elke dag, nie net op een dag nie. Hulle het dus nie meer nodig om een dag bó ‘n ander te vier nie, hoewel hulle welkom is om dit te doen, en dit ‘n gesonde ritme van rus en werk kan skep. Niemand mag Christene egter voorskryf daaroor nie.

      Drie NT Skrifgedeeltes dra dié boodskap.

      • Paulus sê: “Daarom moet julle nie dat iemand vir julle voorskrywe wat julle moet eet en drink nie of dat julle die jaarlikse feeste of die nuwemaansfees of die sabbatdag moet vier nie. Dit is alles maar net die skaduwee van wat sou kom; die werklikheid is Christus. Moenie dat iemand wat behae skep in danige nederigheid en in die aanbidding van engele en wat voorgee dat hy allerhande visioene gesien het, julle daarmee mislei nie. So iemand verhef hom oor wat hy in eiewaan van homself dink, en hy hou nie aan die hoof, aan Christus, vas nie. Uit Christus groei die hele liggaam, ondersteun deur die gewrigte en saamgebind deur die spiere, soos God dit laat groei.” (Kol. 2:16-19).
      • Paulus sê ook: “Aanvaar die een wat in die geloof swak is, sonder om met hom te stry as sy opvatting van joune verskil … Vir die een is een dag belangriker as ander dae; vir ’n ander is alle dae ewe belangrik. Elkeen moet net in sy eie gemoed oortuig wees van sy opvatting. Die een wat ’n bepaalde dag op ’n besondere wyse hou, doen dit tot eer van die Here … Niemand van ons leef tog vir homself nie, en niemand sterf vir homself nie. As ons lewe, leef ons tot eer van die Here; en as ons sterwe, sterf ons tot eer van die Here. Of ons dan lewe en of ons sterwe, ons behoort aan die Here. Hiervoor het Christus ook gesterf en weer lewend geword: om Here te wees van die dooies en die lewendes. Jy, waarom veroordeel jy dan jou broer? En jy, waarom verag jy jou broer? Ons sal tog almal voor die regterstoel van God moet verskyn, want daar staan geskrywe: ‘So seker as Ek lewe, sê die Here, voor My sal elke knie buig, en elke tong sal bely dat Ek God is.’ (Jes. 45:23). Elkeen van ons sal dus oor homself aan God rekenskap moet gee.” (Rom. 14:1-12).
      • Die Hebreërskrywer skryf: “Daar wag dus nog steeds ’n sabbatsrus vir die volk van God, want elkeen wat in die rus van God ingaan, rus van sy werk, net soos God van Syne. Laat ons ons dan beywer om in daardie rus in te gaan, sodat niemand hulle voorbeeld van ongehoorsaamheid navolg en ook omkom nie.” (Hebr. 4:9-11).

      Paulus het op sy sendingreise saam met die Jode die sabbatdag gevier in ‘n poging om die evangelie aan hulle te verkondig. (Hand. 13:42 44; 16:13; 18:4). Saam met die Christene het hy egter die eerste dag van die week gevier met nagmaal, in herinnering aan die kruisdood en opstanding van die Here Jesus, en die ander kerklike dinge, soos die insamelinge van die dankoffer, nagekom (Hand. 20:7; 1 Kor. 16:2).

      Dit lê agter die ontwikkeling in die Christelike kerk om op Sondag bymekaar te kom eerder as op die sabbatdag.

      Reply

  • Avatar

    Ernst

    |

    Dankie Chris.

    Reply

Leave a comment

Onlangse kommentaar

  • Avatar

    Chris van Wyk

    |

    Hi Magdalena – dankie! Jy is nie verkeerd nie. Die fisiese tempel het reeds verdwyn deurdat ons die geestelike tempel van die Heilige Gees is (1 Kor 6) en Openbaring tereg sê dat die fisiese tempel nie meer nodig is nie, want God is volledig daar in die nuwe hemel en nuwe aarde.

  • Avatar

    Chris van Wyk

    |

    Waar studeer jy? Ek sal antwoord as ek my hand vinnig op antwoorde kan lê.

  • Avatar

    Jeanelle De Beer

    |

    Hi daar Chris, Ek is ‘n derdejaar onderwysstudent wat Bybelkunde skryf die 3de November, ek wil asseblief vra of ek ‘n paar vrae oor handeling vir u kan aanstuur, ons dosent gee ons nie die antwoorde op hierdie vrae nie, en ek wil seker wees van die feite, sodat ek versekerd voel oor die werk.
    Baie dankie!
    jeanelledebeer1998@gmail.com

  • Avatar

    Magdalena van Vuuren

    |

    Goeiedag…. Terwyl ek vanoggend Sagaria lees ‘GOOGLE’ ek paar woorde en plekke om veral verduideliking te verkry oor die 8 gesigte. U pragtige en duidelike uiteensetting aan die einde van Sagaria 6 het my geweldig gehelp om die boodskap daarvan te verstaan. Daar word tans so baie gepraat ook van tempel wat weer gebou gaan word en mense beplan selfs verhuising na Israel.
    Ook dat Israel steeds God se uitverkore volk bly. Ek glo nie dit gaan oor die stad Israel of sy mense nie.
    Openbaring 21:9 vertel my van ‘n nuwe Jerusalem en vers 22 ‘En ‘n tempel het ek nie daarin gesien nie……,,,
    Is ek verkeerd. ?
    Weereens dankie. Seëninge

  • Avatar

    Elmarie Allies

    |

    Baie, Baie dankie. Ds Chris

  • Avatar

    Chris van Wyk

    |

    Hi Petrus, nee, Paulus het nie Jode wat Christene geword het, laat besny nadat hulle Christene geword het nie. Jode was reeds besny as hulle ouers getroue Jode was. Paulus het ‘n uitsondering gemaak met Timoteus, want Timoteus was nie as kind besny nie, al was sy ma Eunice ‘n Jodin. Sy pa was ‘n Griek, so dié het dit waarskynlik gekeer. Paulus laat hom daarom besny ter wille van die bediening aan die Jode, omdat hulle Timoteus sou verwerp het en nie na hom sou geluister het as hy nie as gebore Jood getrouheid aan die wet sou kon demonstreer nie. Paulus het immers self die wet nagekom tot sy dood deur die feeste by te woon en selfs te offer soos ons in Handelinge 21 lees. Dit was die ooreenkoms in Jerusalem dat Joodse Christene die wet sou nakom en heidense Christene net die vier dinge van die wet sou nakom wat met afgodery en onsedelikheid verband gehou het (Hand 15). Daarom is Titus nie besny nie (Gal 2), want hy was volledig Grieks van afkoms.

  • Avatar

    Petrus

    |

    Beste Chris – Die handelinge van Paiulus rondom die besnydenis is vir my verwarrend. Het hy Jode wat Christene geword het laat besny twv die Joodse gebruike en nie Jode nie laat besny nie agv die Christelike leer en vryheid?