Skip to main content

Romeine 3 – God gee vryspraak sonder onderskeid aan elkeen wat glo

Uit sy waarskuwing aan sy Joodse gesprekgenoot in hoofstuk 2 – dat die besit of kennis van die wet, en die besnydenis op sigself vir jou niks in die sak bring nie – is dit natuurlik om te vra of daar dan enige nut sou wees daarin om ’n Jood en besnede te wees.

3:1-8: Paulus begin dus om in ’n volgende verbeeldingsgeprek (diatribe) in 3:1-8 te wys op die voordele van die wet en die besnydenis – God se woorde is aan die Jode toevertrou.  Dit is ’n groot voorreg en beteken dat Hy Homself aan hulle verbind het om aan hulle genade te bewys.  En Hy sal nie daaraan ontrou word nie, selfs al sou sommige aan Hom ontrou word (in hfst. 9 sal hy verder hieraan aandag gee).  Let op hoe hy aanhaal in vers 4 uit Dawid se belydenis oor God in Psalm 51:6 na sy sonde met Batseba om sy betroubaarheid teenoor die leuenagtigheid van mense te bevestig.

3:9-20: Maar hy is net so duidelik daaroor dat daaruit nie afgelei moet word dat Jode daarom beter is as ander nie in 3:9-20.  Almal het immers gesondig en kan nie deur wetsonderhouding die vryspraak van God kry nie.  Die mag van die sonde is vir ons te sterk.  Let op dat Paulus die woord sonde in die enkelvoud gebruik – dit gaan nie net oor individuele lysies van sondes nie, maar oor die feit van die sonde, ons “sonde-siekte” soos die Bybel Verklaar dit noem.

Let ook op die kunstige samestelling van aanhalings uit veral die Psalms (vers 10 – Pred 7:20; vers 11 – Ps 14:2; 53:3; vers 12a – Ps 14:3; 53:4; vers 12b – Ps 14:1,3; 53:2,4; vers 13a – Ps 5:10; vers 13b – Ps 140:4; vers 14 – Ps 10:7; vers 16 – Jes 59:7; vers 17a – Jes 59:8; vers 18 – Ps 36:2; vers 20 – Ps 143:2) om die totale verderflikheid van een en almal te onderstreep.

3:21-31: “Maar nou …”, begin Paulus in vers 21 – en dit is die blye evangelie – alles is nie daarom verlore nie.  Net soos almal gesondig het en lei aan die “sonde-siekte”, kan almal die vryspraak van God verkry deur in Jesus Christus te glo.

In taal wat herinner aan ’n nagmaalsformulier spel hy in vers 25-26 die hoof elemente van die evangelie uit: God gee versoening en vryspraak deur die offer van Jesus Christus vir elkeen wat glo.

Die wet en die profete het daarvan getuig, maar die wet kon die vryspraak nie vir mense gee nie.  Net die geloof in Jesus Christus het daardie mag.

En die wonderlike nuus is: “God gee dit sonder onderskeid aan almal wat glo” (3:22).  Hy is immers die God van die Jode sowel as die God van die heidennasies (3:29).

Romeine


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Maak 'n opmerking

  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan
  • Chris van Wyk on Psalm 11Dankie, Jenny. Ek het self weer baie moed uit dié Psalm 11 gekry. Veral uit die feit dat ons nie baie beheer het oor die fondamente nie, maar op God kan vertrou wat opregtes suiwer en goddeloses skroei, soos dit in die laaste deel van die Psalm uitgespel word. God kan oneindig meer doen as wat ons k…
  • Jenny on Psalm 11Baie dankie vir die boodskap wat weereens soos vorige boodskappe my help om deur baie swaar tye te kan kom. Die laaste jaar is daar so baie berge wat my toesak dat ek net kan vasklou aan God se woord en U maak dit makliker om sekere dinge beter te verstaan en net aan te hou glo en vertrou. Baie dank…
  • Chris van Wyk on Die Twaalf Kleiner ProfeteDankie Johan, waardeer.
  • Johan v Zyl on Die Twaalf Kleiner ProfeteHi Chris net so baie dankie vir die enorme werk wat jy in Bybelskool doen. Ek gebruik dit elke dag in my bediening hier in Lichtenburg Klipkerk. Ek het op 60 die Bybel herontdek met nuwe passie . Jesusliefde Johan v Zyl
  • Chris van Wyk on Salwing in die BybelEk is bly, Stoffie, dat ek kon help. Die waarhede in die Skrif is ons diepste en enigste beskerming teen dwaling.
  • Stoffie Van Dyk on Salwing in die BybelEk het die afgelope Sondag 'n diens bygewoon wat my baie ontstem het - mense in die gehoor is gesalf deur 'n "profetes", en snaakse dinge het gebeur. Hierdie hele skrywe oor die salfgebruik, en van die antwoorde op vrae was vir my baie leersaam omdat dit vir my Skriftuurlik is. Baie dankie
  • Chris van Wyk on 2 Samuel 18Dankie Lesley, waardeer.
  • Lesley Barnard on 2 Samuel 18Pragtig, ñ mooi toepaslike verduideliking.
  • Chris van Wyk on 2 Samuel 17Hi Hettie. Daar is twee letters in Hebreeus wat amper dieselfde geskryf word, maar verskillend uitgespreek word. Daar is die normale h wat uitgespreek word soos ons dit normaalweg doen. Dan is daar egter ook die letter ḥ (geskryf met 'n h met 'n punt onder) wat anders uitgespreek word. Die uitspraak…
  • Hettie Swart on 2 Samuel 17Baie dankie vir die oopbreek van die Woord. Ek sien dat my Bybel 35 vertaling na Husai verwys en nie Gusai soos in die Bybelstudie aangetoon word nie. Is dit verskillende uitsprake vir dieselfde mens? Help my reg asseblief.
  • Chris van Wyk on Josua 2 – Ragab se ontsag vir Jahwe spaar die verkenners se lewe👍