Lukas 19:45-20:47 – Jesus het nie net ’n groot intellek nie, maar veral diep wysheid
Die lering neem veral die vorm aan van ’n strydgesprek tussen Jesus en die Joodse leiers waar Hy die vrae antwoord wat deur verskillende Joodse groepe aan Hom gestel word, met tussen-in leringe in die vorm van gelykenisse en geprekke met sy dissipels.
20:1-8
Let op hoe dit Jesus se gesag is wat met die eerste vraag uitgedaag word, en deur Hom getroef word met ’n weervraag – ’n baie bekende rabbynse metode van gesprekvoering – die vraag na die doop van Johannes.
20:9-19
Die gelykenis van die boere en die wingerd word hierna vertel wat duidelik die bose planne van die skrifgeleerdes en priesterhoofde ontbloot, maar ook die toorn van God voorspel.
20:20-26
Die tweede vraag word deur geheime agente van die leiers gestel om Jesus te probeer uitvang dat Hy burgerlike onrus sou stook teen die heersende Romeinse owerheid. Jesus ontduik hulle strik met gemak en lê eintlik ’n reël daarmee neer wat in enige situasie waar daar ’n moontlike konflik van belange is, gebruik kan word. Ek voel net so verwonderd as hulle oor nie net Sy groot intellek nie, maar ook Sy diep wysheid.
20:27-44
Die briljante antwoorde van Jesus bring die Sadduseërs in spel – self intellektueles wat op heel moderne wyse die geesteswêreld ontken het, bv. deur die opstanding uit die dode te ontken. Daar is regtig niks nuuts onder die son nie. En onthou dat Annas en Kajafas, die twee hoëpriesters wat Jesus se lot in die skynverhoor bepaal, ook Sadduseërs was!
Jesus antwoord nie net hulle vraag nie – deur te wys op hulle onkunde oor wat in die lewe na die dood aangaan nie – maar Hy daag eintlik hulle hele verstaan van die lewe uit. Daarom neem Hy hulle na die Skrif en wys hulle op feit dat die Skrif self die bestaan na die dood bevestig, dié Skrif wat vir hulle so kosbaar was.
Geen wonder dat van die skrifgeleerdes Jesus prys oor sy goeie antwoorde, want hulle het ’n groot waardering vir ’n groot intellek gehad. As hulle maar net Hom as God ook kon raaksien, want Jesus sê eintlik eksplisiet vir hulle dat Hy die Christus is, die Seun van Dawid, die Here!
20:45-47
Jesus waarsku dan sy dissipels teen die skrifgeleerdes wat ingestel is op vertoon, nie net om hulle invloed te vermy nie, maar natuurlik ook om nie soos hulle te word nie.
View all posts in this series
- WEEK 1: Lukas 1:1-4:13
- Lukas 1:1-56 – Twee Godsmanne word vir twee Godsvroue belowe
- Lukas 1:57-80 – God se lig rig ons voetstappe op die pad van vrede
- Lukas 2:1-52 – Verlosser, Christus, Here
- Lukas 3:1-38 – Jesus is familie van alle mense
- Lukas 4:1-13 – Jesus deurstaan die toets
- WEEK 2: Lukas 4:14-9:50
- Lukas 4:14-5:39 – Jesus het gekom vir armes, gevangenes, blindes en onderdruktes
- Lukas 6:1-49 – Luister en Leef
- Lukas 7:1-50 – Jesus het gelowiges en twyfelaars lief
- Lukas 8:1-56 – Toegewy aan God in voor- en teëspoed
- Lukas 9:1-50 – God is getrou om ons alles te gee wat ons in die bediening nodig het
- WEEK 3: Lukas 9:51-19:44
- Lukas 9:51-11:54 – Gefokus op God en die naaste
- Lukas 12:1-13:35 – God sorg vir sy kinders in gevaar
- Lukas 14:1-15:32 – God het ’n hart vir verlorenes
- Lukas 16:1-17:37 – Dissipels leef met integriteit en genade
- Lukas 18:1-19:44 – God is meer as gewillig om gebede te beantwoord
- WEEK 4: Lukas 19:45-24:53
- Lukas 19:45-20:47 – Jesus het nie net ’n groot intellek nie, maar veral diep wysheid
- Lukas 21:1-38 – Volhard in waaksaamheid en gebed
- Lukas 22:1-71 – Die Seun van God ly vir ons
- Lukas 23:1-56 – Die Onskuldige sterf vir ons die skuldiges
- Lukas 24:1-53 – Jesus het werklik opgestaan
- Lees die vier evangelies en Handelinge
- Die vrou wat Jesus se voete met geurige olie gesalf het
Tags: Lukas
Trackback from your site.
Chris van Wyk
| #
Die Hebreeuse frase wat in Genesis 2:7 gebruik word is nishmat chajjim. Dit beteken “asem van die lewe”. In Genesis 6:17 word die frase ruach chajjim gebruik, wat met “gees van die lewe” of “asem van die lewe” vertaal kan word. Genesis 7:22 gebruik al drie woorde in die frase nishmat ruach chajjim wat eintlik maar op dieselfde manier vertaal kan word.
Daarmee word heel breedweg na lewende mense verwys waarvan hulle asemhaling toon dat hulle lewe. Ander lewende wesens het ook lewe van God ontvang, maar mense word van hulle onderskei deurdat hulle ‘n deel van God se lewe – sy asem of gees – in hulle ontvang. ‘n Mens moet hierdie “gees” dus onderskei van God se “Gees”.
Dié lewe – asem of gees – word egter teruggeneem met die dood. Dit is net dié wat in Christus is wat deur die Heilige Gees die ewige lewe ontvang en dus vir altyd God se asem in hulle sal hê.
Chris van Wyk
| #
Registreer by https://en.gravatar.com/.
Chris van Wyk
| #
Fanie, jy glo dan nie in die Heilige Gees nie?
Leon
| #
Dankie vir jou antw Chris.
As ons Gen 2 v 7 lees dan sien ons dat elke lewende siel die Gees van God het. Volgens Handeling 8 v 17 en Hand 19 v 6 het net dié wat dit van die apostels ontvang het die Heilige Gees. Selfs die moslems het die Gees van God, maar hulle het nie die Heilige Gees nie!
Fanie Bekker
| #
…ek probeer nou ook my foto by my naam plaas maar ek kry nie die plek hoe en waar mens dit kan doen nie… help tog asseblief.
Fanie Bekker
| #
Ek probeer baie hard om te verstaan – en onthou, ek soek nie skoor nie, ek probeer regtig verstaan wat u verduidelik. Maar ek kry net nie die kloutjie by die oor nie. Miskien wil u, asseblief vir my die saak uit ‘n ander hoek verduidelik. Want, my vraag staan steeds: “…hoe kan dieselfde Heilige Gees wat my eens soos u laat verklaar het dat die Bybel die Woord van God is, my nou so oortuig dat dit toe inderwaarheid nie die Woord/e van God is nie.”?
Fanie Bekker
| #
Alwyn, jy mis die boot. 🙂 Ek lees juis die pragtig saamgstelde daaglikse boodskappies van Bybelskool omdat ek dit geniet – dit beteken egter nie ek stem met alles saam nie. En, in plaas daarvan om my hoed en my handsak te vat ek weg te stap wanneer ek nie saamstem nie, bly ek deelneem… want hoe sal ek dan nou die ander kant van die saak hoor, en jy en Dr van Wyk, as ek nie hier bly, en bly deelneem nie? Inteendeel, ek sou ook graag wou lees hoe jy die saak sien in die lig van my eerlike openhartige kommentaar. Ek het ook nooit die indruk gekry dat mens alles wat jy in Bybelskool lees en leer vir soetkoek moet opeet nie? Mooi dag vir jou ook. 🙂
Chris van Wyk
| #
Hi Leon, die Gees en die Heilige Gees is een. Die benaming Gees word meer in die OT gebruik. Die benaming Heilige Gees word meer in die NT gebruik. Maar albei benamings kom in albei dele van die Bybel voor. So as die Gees oor die water sweef, is dit ook die Heilige Gees (Gen 1:2). As die Heilige Gees oor die gelowiges by Pinkster uitgestort word, is dit ook die Gees (Hand 2:1-4). Hierdie Gees word ook die Gees van Jesus genoem (Fil 1:9) en natuurlik die Gees van God (1 Joh 4:2). Waaruit onder andere die leerstuk van die Drie-Eenheid gevorm is. Die Bybel is dus die vrug van die werk van, by wyse van spreke, die Gees van God, die Gees van Jesus, en die Heilige Gees – die Drie-Enige God. Dit is waarom ons met ontsag hierdie boek as die Woord van God hanteer. Dit is die Heilige Gees wat in ons getuig dat dit inderdaad God se Woord aan ons is.
Chris van Wyk
| #
Hi Piet, die duiwel het die mag oor die dood gekry weens die effek van beide die oorspronklike erfsonde sowel as die sondes wat elkeen van ons pleeg. Deurdat Christus sonder sonde dood is, het hy hierdie mag van die duiwel oor die dood gebreek en kan Hy nou die lewe gee vir elkeen wat in Hom glo.
Leon
| #
Hello Chris.
Ek sal graag kers wil opsteek oor die Heilige Gees waarna Petrus verwys aangaande profesies.
Ons weet dat van die begin af was daar die Drie eenheid. Ons weet dat God die Heilige Gees gestort het op die 120 in die bovertrek in Hand 2. Ook voor Jesus opgevaar het , Joh 20 v 22.
My vraag is…watter Heilige Gees het die profesies laat ontstaan in die Ou Testament. Ek weet dit is deel van die Drie eenheid, maar hoe?