Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (3)

  • Avatar

    Barrie

    |

    Dankie vir hierdie wonderlike webtuiste. Graag wil ek weet waarom Jesus gese het dat niemand God gesien het nie en tog is daar in die bybel verskeie mense wat God gesien het, bv Jacob, Abraham, Jesaja, Johannes e.a. Dankie vir u verklaring.

    Reply

    • Avatar

      Chris van Wyk

      |

      God verskyn op baie maniere aan mense, maar nooit in sy volledige vorm nie. Die Bybel kan dus sê dat Hagar wonder of sy God gesien het (Gen. 16:13), dat Abraham God in die gedaante van drie manne sien en onthaal (Gen 18:3), dat Moses God in die vorm van die Engel van die Here in die verskyning in die braambos sien (Eks. 3:2; selfs ‘n esel sien die Engel van die Here! soos Num. 22:25 vertel, ook Bileam) en verskeie ander kere (Num. 12:8), en selfs op ‘n besondere manier van agter af (Eks 33:23), en die volk ook die heerlikheid van die Here in die woestyn gesien het (Eks. 16:7), maar God se werklike vorm het hulle, of Moses, of Esegiël of Johannes op Patmos of niemand ná hulle ooit voledig gesien nie. Net Jesus het daardie voorreg gehad, want Hy was self God (Joh. 6:46), maar sê wel dat dié wat Hom gesien het, het in ‘n sekere sin natuurlik die Vader gesien (Joh. 14:9). Dit geld ook vir ons waar ons in Hom glo en op ‘n geestelike manier die waarheid in Hom sien. Terloops, Jakob het God natuurlik nie gesien nie, dit was donker, maar hy het met God in die vorm van ‘n man gestoei in een of ander verskyning van Hom (Gen. 32:24). Dit tel wel as ‘n besondere aanraking met God. Watter wonderlike werklikheid dat God Hom met ons bemoei!

      Reply

  • Avatar

    Barrie

    |

    Dankie, ook vir u passie vir God. As ek Prediker 12 lees doen ek dit met hartseer en tog blydskap. My aardse tentwoning is byna verby (66).
    Groete in Christus.
    Barrie

    Reply

Leave a comment

Onlangse kommentaar

  • Avatar

    Chris van Wyk

    |

    Ek sou sê fokus op God is die doelwit van hierdie gedeelte, eerder as om op jou eie insig van wat reg en verkeerd is in die lewe staat te maak.

  • Avatar

    Dries Weideman

    |

    Balans is die doelwit van hierdie gedeeltes?

  • Avatar

    Phillip van den Berg

    |

    Baie dankie Chris. Ek gaan so bietjie kyk na Evernote ook. Die meeste van die e joernale het maar n jaarlikse koste as jy van die meer gevorderde funksies wil gebruik.

    Groetnis…

  • Avatar

    Chris van Wyk

    |

    Hi Phillip. Ek gebruik tans Evernote wat uitstekend werk (R400 ‘n jaar – die gratis opsie het ‘n paar beperkinge, maar jy kan steeds jou inskrywings aanvul wanneer jy aflyn is). Ek het ook al ‘n WordPress installasie op Wamp gedoen op my rekenaar wat eintlik nog beter is, maar daarvoor moet jy ‘n bietjie weet wat jy doen. Omdat ek Evernote ook vir navorsing gebruik – jy kan verskillende Notebooks gebruik – is dit tans my keuse.

  • Avatar

    Phillip van den Berg

    |

    More Chris,
    Ek is opsoek na n basiese e joernaal/dagboek, een wat ek lokaal op my rekenaar ook kan stoor in tye wat internet toegang nie moontlik is nie. Miskien het jy al so iets gebruik en of kan jy my adviseer.
    Voorbaat dankie en vriendelike groete

  • Avatar

    dederik Robbertse

    |

    More Chris. Kan n wedergeboorte christen watmet die heilige gees gedoop is, terselfde tyd deur n bose gees of dimoon of die leviathan gees beset wees of word?

  • Avatar

    Chris van Wyk

    |

    Calvyn het drie doelstellings aan die vas gekoppel:

    1. lewensdissipline,
    2. gebedsvoorbereiding,
    3. skuldbelydenis.

    Vas was vir Calvyn meer ‘n saak vir die geloofsgemeenskap as ‘n persoonlike saak, en dit gaan daarom met openbare gebed saam (bv die voorbeeld van Antiogië in Handelinge 13). Vas is ook nie net weerhouding van kos nie, maar kan ook beteken dat jy min en lig eet, om te kan bid.

    Calvyn het ook op drie gevare van vas gewys:

    1. uiterlike vertoon,
    2. verdienstelikheid,
    3. gewetensdwang.
  • Avatar

    dederik Robbertse

    |

    More Chris. Baie dankie ek gaan die 18 weke van geloofsvorming volg. Chirs kan jy asb. my meer vertel van die doel van vas.

  • Avatar

    Chris van Wyk

    |

    Hi Dederik. Ek het ‘n kursus oor geloofsgewoontes geskep op die webtuiste: Reisgenote in geloofsvorming Jy kan daardeur werk. Die eerste geloofsgewoonte is die Daaglikse Ondersoek wat jou sal help om op die regte manier voor die Here na te dink. Gebruik Romeine 12:1-2 vir die volgende twee weke volgens die metodiek wat ek daar gee: Stop, Neem waar, Luister. Hoop dit help.