Tag: Wie is God?

¹³Die slotsom van alles wat jy gehoor het, is dit: Dien God en gehoorsaam sy gebooie. Dit is wat van die mens gevra word. ¹⁴God sal rekenskap eis oor alles wat gedoen word, ook oor wat in die geheim gedoen word, of dit goed is of kwaad. (Pred 12:13-14)

1. Die Prediker som sy hele betoog oor die lewe op met hierdie waarheid. Dit is waar die geestelike lewe begin. By die dien van die Here soos Hy Homself aan ons in die Skrif openbaar. Dink na oor die waarde wat die Skrif vir jou het.

2. As God nou van jou rekenskap sou vra, hoe sou jy vaar?

3. Lees die gedeelte later vandag weer om jou gehoorsaamheid aan die Skrif te bevestig.

4. Jy kan later vanaand die gedeelte weer lees in die konteks van Prediker 12 sowel as my bydrae daaroor: Prediker 12:9-14 – Rigting en vastigheid kom van God as die één Herder.

¹²¹Ek het reg en geregtigheid gedoen: gee my nie oor aan my verdrukkers nie. ¹²²Wees borg vir u kneg ten goede; laat vermeteles my nie verdruk nie. ¹²³My oë smag na u heil en na die belofte van u geregtigheid. ¹²⁴Handel met u kneg na u goedertierenheid, en leer my u insettinge. ¹²⁵Ek is u kneg; maak my verstandig, dat ek u getuienisse kan ken. ¹²⁶Dit is tyd vir die Hereom te handel: hulle het u wet verbreek. ¹²⁷Daarom het ek u gebooie lief, meer as goud, ja, as baie fyn goud. ¹²⁸Daarom hou ek al die bevele aangaande alles vir reg; elke leuenpad haat ek. (Ps 119:121-128)

1. Hoe belangrik is dit om die wet en die waarheid daarvan na te volg ten spyte van teenstand en leuens?

2. Dink aan mense wat hulle lewe daaraan gewy het. Dank die Here vir hulle. Verbind jou daaraan om die Here in alles te gehoorsaam.

3. Lees die verse later vandag weer om jou te herinner aan jou belofte van gehoorsaamheid ten spyte van.

4. Jy kan later vanaand die gedeelte weer lees in die konteks van Psalm 119 sowel as my bydrae daaroor: Die hele Psalm 119 en Psalm 119:121-128 – AJIN – Insig lê anderkant die pyn van gehoorsaamheid.

⁷³U hande het my gemaak en my toeberei; maak my verstandig, dat ek u gebooie kan leer. ⁷⁴Die wat U vrees, sien my, en hulle is bly; want op u woord wag ek. ⁷⁵Ek weet, Here, dat u oordele regverdig is en dat U my uit getrouheid verdruk het. ⁷⁶Laat tog u goedertierenheid wees om my te troos volgens u belofte aan u kneg. ⁷⁷Laat u barmhartighede oor my kom, dat ek kan lewe; want u wet is my verlustiging. ⁷⁸Laat die vermeteles beskaamd staan, omdat hulle sonder oorsaak my onregverdig behandel het;maarék oordink u bevele. ⁷⁹Laat die wat U vrees, na my terugkeer, en die wat u getuienisse ken. ⁸⁰Laat my hart opreg wees in u insettinge, sodat ek nie beskaamd hoef te staan nie. (Ps 119:73-80)

1. Die Here het ons nie net gemaak nie, maar inspireer ons om sy gebooie te kan leer en daaruit te leef. Oordink die blywende betekenis van die wet vir jou lewe.

2. Loof die Here vir die wonder van die boodskap van die hele Skrif wat die blywende basis bly vir ons lewe in en vir God.

3. Lees die verse later vandag weer om jou te herinner aan die wonder van die Skrif.

4. Jy kan later vanaand die gedeelte weer lees in die konteks van Psalm 119 en my bydrae daaroor: Die hele Psalm 119 en Psalm 119:73-80 – JOD – U hande het my gemaak en aan my ‘n plek gegee.

¹⁸Maak my oë oop dat ek die kragtige werking van u wet ervaar. (Ps 119:18)

⁴⁹Gedenk die woord aan u kneg, omdat U my laat hoop het. ⁵⁰Dit is my troos in my ellende, dat u belofte my lewend maak. ⁵¹Vermeteles het baie met my gespot; van u wet het ek nie afgewyk nie. ⁵²Ek het gedink, o Here, aan u oordele van ouds, en ek het my getroos. ⁵³Toorngloed het my aangegryp vanweë die goddelose wat u wet verlaat. ⁵⁴U insettinge was gesange vir my in die huis van my vreemdelingskap. ⁵⁵Here, in die nag het ek gedink aan u Naam, en ek het u wet onderhou. ⁵⁶Dit het my deel geword, omdat ek u bevele bewaar het.” (Ps 119:49-56)

1. Die wet is een van die kragtigste werkinge van God in die lewe. Wat staan vir jou uit van die beskrywing van die wet in Psalm 119? Wat leer jy daaruit?

2. Die doel van die lees van die Bybel is dat God se wet ons deel word. Loof die Here dat sy Gees die wet in ons harte skrywe.

3. Lees die verse later vandag weer om jou te herinner dat die Tien Gebooie jou aan God se krag blootstel.

4. Jy kan later vanaand die verse weer lees in die konteks van Psalm 119 en my bydraes daaroor: Die hele Psalm 119 en Psalm 119:49-56 – ZAJIN – Onthou tog u woord aan u dienskneg.

1. Jesus se ouers kom die wet na met sy geboorte en grootword

“En nadat die dae van haar reiniging volgens die wet van Moses vervul was, het hulle Hom na Jerusalem gebring om Hom aan die Here voor te stel, soos geskrywe is in die wet van die Here: Elke manlike kind wat die moederskoot open, sal heilig vir die Here genoem word;      en om die offer te gee volgens wat gesê is in die wet van die Here: ’n paar tortelduiwe of twee jong duiwe … toe die ouers die Kindjie Jesus inbring om met Hom te handel volgens die gebruik van die wet … En toe hulle alles volbring het wat volgens die wet van die Here was, het hulle teruggegaan na Galiléa, na hulle stad Násaret.” (Luk 2:22-39)