Tag: Kronieke

In die laaste twee hoofstukke wy die Kronis uit op Salomo se statuur in sy land asook in die wêreld.  Die materiaal in 1 Konings 9 en 10 word ingespan met ‘n paar uitbreidings en weglatings.

Hoofstuk 7 voltooi die verhaal van Salomo se bouwerk aan die tempel met die inwyding daarvan (vers 1-11) sowel as ’n tweede verskyning van die Here aan Salomo een nag (vers 12-22).  Die Kronis gebruik die verhaal van die inwyding in 1 Konings 8, maar brei dit uit met die inleiding oor die vuur van die Here, sowel as die detail oor die liturgiese begeleiding.  Hy beklemtoon dus met meer detail die wonder karakter van die inwyding van die tempel, sowel as die rol wat die Leviete gespeel het, waarskynlik omdat hy die teruggekeerde ballinge van God se seël op die tempel as simbool van Sy teenwoordigheid sowel as die keuse van die Leviete vir die bediening binne die tempel wou oortuig.

Die Kronis volg in dié gedeelte sy bron in 1 Konings 8 redelik getrou.  Dit bevat twee gesprekke, die een ‘n toespraak gerig aan die volk (vers 1-11) en die ander ’n gebed gerig aan die Here wat so pas Sy teenwoordigheid in ’n wolk bevestig het (vers 12-42).  Daarmee plaas Salomo gebed sentraal in die verhouding met God, iets wat selfs vir die vreemdelinge sal geld.

Ons lees 4 hoofstukke vandag wat oor 3 onderwerpe gaan:

• Die voorbereidings vir die bou van die tempel – 2:1-18 – vgl. 1 Kon. 5:1-18
• Die bou van die tempel – 3:1-5:1 – vgl. 1 Kon. 6:1-39 en 7:15-51
• Die ark word in die tempel gesit – 5:2-14 – vgl. 1 Kon. 8:1-9

Die eerste hoofstuk teken twee prentjies van Salomo oor die bou van die tempel aan die orde kom: Salomo as wyse man  (vers 1-13 – vgl. 1 Kon. 3:1-15) en as vernuftige handelaar (vers 14-17 – vgl. 1 Kon. 10:26-29).