Tag: Kronieke

Die Kronis fokus vervolgens op Dawid en die ark.  Dawid se eerste mislukte poging om die ark na Jerusalem te bring (1 Kron. 13:1-14) – waarvoor die Kronis die eerste deel van die verhaal in 2 Sam 6 gebruik – word opgevolg deur drie verhale uit 2 Sam 5, oor:

1. die bouwerk aan Dawid se paleis met internasionale erkenning en hulp – 1 Kron. 14:1-2,
2. die uitbreiding van sy gesin – 1 Kron. 14:3-7 – en
3. die duidelike leiding van die Here in twee van sy veldslae teen die Filistyne – 1 Kron. 14:8-17.

Al drie hierdie verhale  bevestig aan Dawid dat die Here dit goed bedoel met hom en vir hom op drie vlakke van sy lewe begelei, voorsien en beskerm: as koning  in sy paleis, as pa in sy gesin en as gerekende leier onder die nasies.

Die Kronis fokus, na die kort inleiding in hoofstuk 10 oor Saul, nou in die res van dié boekrol op koning Dawid.

In hoofstuk 11-12 word vier perikope gewy aan die uitbreiding en bevestiging van Dawid se invloedsfeer:

Die Kronis kies om net die verhaal van Saul se selfdood te vertel soos dit in 1 Samuel 31 opgeteken is.  Hy verswyg dus die bekende verhaal van 2 Samuel 1 waarin vermeld word dat Saul nie suksesvol was in sy selfdood poging nie, en ‘n jong Amalekiet hom uiteindelik doodgemaak het op Saul se versoek.  Waarskynlik doen die Kronis dit om sy lesers die grusame detail te spaar, dat Dawid, ná hy die res van die dag gerou het uit ontsteltenis oor Saul se dood, die Amalekiet laat doodmaak het omdat hy sy hand aan die “gesalfde van die Here” geslaan het.

Die geslagsregisters het die tafel gedek vir die verhale van die koningshuis van Dawid gesentreer rondom die geestelik-godsdienstige verbintenis aan God waarin die nageslag van Levi die voortou sal neem.  Hierdie verhale sal nog sterker die boodskap aan die teruggekeerde ballinge onderstreep dat hulle hele lewe op die verbintenis aan God gerig moet wees.  God vereis lojaliteit en gehoorsaamheid aan Hom, soos geïllustreer in die verhale van die konings as verteenwoordigers van die volk.

Hierdie twee hoofstukke behels die volgende vier geslagsregisters:

• Die stam Benjamin – 8:1-40.
• Die Israelitiese families in Jerusalem na die ballingskap – 9:1-9.
• Die priesters en Leviete in Jerusalem – 9:10-34.
• Die afkoms en geslag van Saul – 9:35-44.