Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

In Psalms 38 en 39 het Dawid biddend gewag (Ps. 38:15; 39:7) in ‘n krisis van sonde (Ps. 38:3; 39:8) en openbare kwaadwilligheid (Ps. 38:16; 39:8). Die wagtyd daarvoor is nou verby en hy bely met Psalm 40 dat sy vertroue in God bevestig is. Dawid fokus daarom hier op drie goed: 1) Hy onthou  sy ervaring van redding en getuig daarvan in die geloofsgemeenskap met die beeld om vanuit die modder op ’n vaste rots geplaas te word (vers 2-6); 2) Hy wy hom toe aan God en verbind hom persoonlik daaraan om God se wil te doen (vers 7-11); 3) Hy smeek opnuut vir redding uit ‘n volgende vasgevalde situasie (vers 12-18) wat ons môre gaan lees.

Bid die Psalm

“Vir die koorleier: ’n Dawidspsalm. Ek het met hunkering op die Here gewag. Hy het na my afgebuig en my geroep gehoor, en my opgetel uit die afgrond van die dood, uit die modder en die slym. Hy het my voete op ’n rots laat staan en my op vaste grond laat loop. Hy het my ’n nuwe lied gegee, ’n lofsang om ons God te prys. Baie sal met eerbied toekyk. Hulle sal op die Here vertrou. Geseënd is die mens wat op die Here vertrou, wat hom nie wend na hooghartiges, of vertrou op vals gode nie. Here my God, U het baie wonders gedoen. U planne vir ons kan met niks vergelyk word nie. As ek van al u wonderdade wil vertel, is dit te veel om op te noem. Slagoffers of graanoffers wil U nie hê nie. U het my in staat gestel om te luister. Brandoffers of sonde-offers het U nie nodig nie. Toe sê ek: “Kyk, ek kom! In die boekrol is dit oor my geskryf. Dis my begeerte om u wil te doen, my God, want u voorskrifte is in my hart.” Ek het in die groot vergadering geregtigheid verkondig. Ek was nie bang om reguit te praat nie. Here, U weet dit tog. U geregtigheid het ek nie vir myself gehou nie; ek het vertel van u trou en van u reddende mag. In die groot vergadering het ek nie geswyg oor u goedheid en getrouheid nie.” NLV

Boodskap en betekenis

Die Psalm (môre se gedeelte ingesluit) kan ’n mens as die struktuur van jou eie gebedsworsteling in jou unieke situasie gebruik. Dit is: om 1) God se reddingsdade in die verlede in herinnering te roep, om 2) jouself opnuut aan God toe te wy in gehoorsaamheid en getuienis, en 3) jou behoefte in elke detail aan Hom bekend te maak en jou verwagting te stel in sy ontfermende karakter. Die Hebreërskrywer lê die woorde van Psalm 40:7-9 in Hebreërs 10:5-7 in Jesus se mond waar ons by Hom kan leer om dit die fokus van ons geloofslewe te maak: “Dis my begeerte om u wil te doen, my God, want u voorskrifte is in my hart.”

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

In aansluiting by die eerste twee foci in die Psalm (herinnering, toewyding) neem Dawid, met die oog op nuwe uitdagings weereens ‘n wagposisie in met die gebed dat die Here weer sal doen wat Hy in die verlede gedoen het. Hy weet hy kan nie homself help nie, onder andere weens sy  eie sonde. Hy is diep afhanklik van God. En sy versugting is dat God nie sal talm om hom te hulp te snel nie.

Bid die Psalm

“Here, moenie u ontferming van my weghou nie. Laat u liefde en trou my altyd beskerm. Want rampe het my oorval. Daar is moeilikhede rondom my, dis te veel om te tel! My sondes het my ingehaal; ek kan dit nie ontsnap nie. Hulle is meer as die hare op my kop. Ek het alle moed verloor. Asseblief, Here, red my tog! Kom gou, Here, en help my! Laat almal wat my lewe wil neem, in skande kom en verneder word. Laat hulle wat my ondergang begeer, vlug en beskaamd staan. Laat hulle verbysterd wees oor hulle skande, hulle wat sê: “Aha! Ons hét hom!” Maar mag almal wat U dien, vol vreugde en blydskap wees. Mag hulle wat by U hulp soek, voortdurend sê: “Die Here is groot!” Ek is arm en behoeftig, maar die Here dink aan my. U is my hulp en my redder. My God, moet tog nie uitstel nie.” NLV

Boodskap en betekenis

Dawid beweeg van herinnering en toewyding na smeking. Dit is ’n wonderlike Psalm om jou vasgevalde situasie voor die Here te bring, en jou te beroep op God se ontferming, liefde, trou, grootheid, hulp en redding. Dit is waarom hierdie hele Psalm die struktuur van jou worsteling met jou unieke situasie kan vorm. Om God se reddingsdade in die verlede in herinnering te roep, om jouself opnuut aan God toe te wy in gehoorsaamheid en getuienis, en jou behoefte in elke detail aan Hom bekend te maak en jou verwagting te stel in sy ontfermende karakter. Terloops: vers 14-18 van Psalm 40 kom in effens gewysigde vorm as ‘n aparte Psalm voor, Psalm 70, waarskynlik aangepas om as ‘n kort skietgebed in ‘n krisis gebruik te word.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Dit is die laaste Psalm van die eerste Psalmboek met ‘n saligspreking as inleidende tema: Omgee vir swakkes ontsluit God se seën. Dit is dan ook die basis van Dawid se gebed om God se genade in sonde, vyandskap en siekte. Let op dat hierdie vrymoedigheid steeds afhanklik bly van God se genade.

Bid die Psalm

“Vir die koorleier: ’n Dawidspsalm. Geseënd is die mens wat omgee vir die armes. In tye van nood sal die Here hom red. Die Here sal hom beskerm en hom die lewe laat behou. Hy gee aan hom voorspoed in die land en lewer hom nie oor in die mag van sy vyande nie. Die Here sorg vir hom as hy siek is en laat hom opstaan uit sy siekbed. Ek het gesê: “Here, wees my genadig. Maak my gesond, want ek het teen U gesondig.” My vyande praat kwaad van my. Hulle sê: “Wanneer sal hy sterf en vergete wees?” As hulle my besoek, is hulle skynheilig: In hulle harte versamel hulle slegte gedagtes; dan gaan hulle uit en vertel dit. Almal wat my haat, fluister saam oor my en beplan net die ergste vir my: “’n Dodelike siekte het hom getref. Waar hy nou lê, sal hy nooit opstaan nie!” My beste vriend wat ek vertrou het, wat saam met my geëet het, selfs hy het sy rug op my gedraai. Here, wees my genadig. Maak my weer gesond sodat ek hulle kan vergeld! Ek weet dat U my liefhet, want my vyand seëvier nie oor my nie. U hou my staande omdat ek onskuldig is. U laat my altyd naby U bly. Prys die Here, die God van Israel, van altyd af en tot in die oneindigheid. Amen, ja, amen!” NLV

Boodskap en betekenis

Jesus haal vers 10 aan in sy voetewas gesprek met sy dissipels met verwysing na Judas (“Die een wat van my brood geniet, het teen My gedraai” – Joh. 13:18).  Waar Dawid vir verlossing van die verraad van sy boesemvriend gevra het, het Jesus egter juis die pyn van die verraad en sy gevolglike kruisdood aanvaar, sodat Hy selfs vir vyande verlossing kon bring. Iets om oor na te dink waar ons ook in situasies van verraad kom! Die Psalm eindig met ’n doksologie: “Amen, ja, amen” waarmee nie net die Psalm nie, maar ook die eerste Psalmboek (1-41) afgesluit word.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Dit is die eerste Psalm van die tweede Psalmboek (42-72). Psalm 42-43 vorm ’n eenheid, soos die geval was met Psalms 9-10. Dit lei ons onder andere af uit die herhaling van dieselfde refrein (Ps. 42:6; 42:12; 43:5) en dat daar nie ’n opskrif vir Psalm 43 is nie. Dit is een van die Psalms van die Koragiete, deel van die stam van Levi en bekend as deurwagte by die heiligdom (1 Kron. 9) sowel as musikante in die tempel (1 Kron. 6). Een van die groot Koragiete was die profeet Samuel. Die Psalm word in die eerste vers ’n maskîl genoem wat die NLV vertaal met die woord “gedig”. In hierdie konteks dui die inhoud op nadenke en refleksie. Psalm 42-43 is dus bedoel vir selfgesprek waar in dieselfde herhalende frase sy fokus driemaal op God fokus: “Hoekom is ek nou so mismoedig? Hoekom so hewig ontsteld? Nee, ek plaas my hoop op God! Ek sal Hom weer prys. Hy is my redder en my God!”  Die Psalmis is met homself in gesprek om perspektief te gee aan sy ervaring van die (oënskynlike) afwesigheid van God. Dit gee aan die Psalm ’n unieke sélf reflekterende karakter, ’n meditasie oor sy (gebrek aan en verwagting van ’n) Godservaring.

Bid die Psalm

“Vir die koorleier: ’n Gedig van die Koragiete. Soos ’n wildsbok smag na water, so smag ek na U, o God. Ek verlang na God, die lewende God. Wanneer kan ek ingaan en weer voor Hom verskyn? My trane is my kos, dag en nag, terwyl teenstanders my aanhoudend tart en sê: “Waar is dié God van jou?” As ek nadink hoe dit voorheen was, is ek ontsteld. Toe het ek geloop saam met die aanbidders en ’n optog gelei na die tempel van God terwyl ek sing en jubel saam met die skare wat feesvier. Hoekom is ek nou so mismoedig? Hoekom so hewig ontsteld? Nee, ek plaas my hoop op God! Ek sal Hom weer prys. Hy is my redder en my God! Tog is ek nou terneergedruk. Ek onthou hoe, vanaf die Jordaangebied, vanaf die berge van Hermon en die hoogte van Miskar, die rumoer van u watervalle druis en dreun. So het al u strome en golwe ook oor my gegaan. Tog sal die Here bedags weer sy trou betoon. Selfs in die donker nag sing ek sy lied, ’n gebed tot die God van my lewe. Ek sal roep tot God en sê: “My Rots, waarom het U my vergeet? Waarom moet ek met rouklere loop omdat die vyand my verdruk?” Dis soos ’n diep wond in my binneste wanneer vyande met my spot, wanneer hulle dag na dag vra: “Waar is jou God?” Hoekom is ek nou so mismoedig? Hoekom so hewig ontsteld? Nee, ek plaas my hoop op God! Ek sal Hom weer prys. Hy is my redder en my God!” NLV

Boodskap en betekenis

Die Koragiete lei ons met hierdie Psalm om nie net na te dink oor ervarings van voorspoed en vrede nie, maar ook oor die ervarings van teenspoed en onvrede, veral wanneer dit dreig om ons ervaring van God se teenwoordigheid te verberg. Die nadenke sal ons die nodige perspektief gee sodat ons met Psalm 43 kan vorder van die gesprek met onsself na ’n gebed tot God: “Spreek my vry, o God!” Psalm 42 is dus ’n Psalm wat ons woorde gee vir ons nadenke oor ons trane en ontsteltenis – smag, dors, uitstort, neerbuig, hoop –om uiteindelik die verlange na God self te fokus.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

In Psalm 43 verander die gesprek oor ons negatiewe ervarings na ’n gebed tot God dat Hy tog reg sal laat geskied. Die Koragiete lei ons met Psalm 43 om nie net te bly by die nadenke oor die uitdagings van die lewe nie, maar inderdaad ook te vra vir beskerming en begeleiding.

Bid die Psalm

“Spreek my vry, o God! Verdedig my saak teen ’n goddelose volk. Red my van mense wat vals en boos is. Want U, o God, is my veilige skuilplek. Hoekom het U my dan verstoot? Hoekom moet ek rou omdat vyande my verdruk? Stuur u lig en u waarheid; laat dit my lei. Laat dit my bring na u heilige berg, na die plek waar U woon. Ek sal ingaan na die altaar van God, na God, die bron van vreugde en blydskap. Ek sal U loof met die harp, o God, my God! Hoekom is ek so neerslagtig? Hoekom so verontrus? Ek sal op God vertrou! Ek sal Hom weer prys, Hy is my redder en my God!” NLV

Boodskap en betekenis

Let op hoe die gebed nie net is vir uitkoms nie, maar vir die lig en waarheid van God om ‘n leidende rol in ‘n mens se lewe te speel. Dit sal weer vreugde en blydskap verseker in ons lewe. In die versekering dat God sal luister, word die gebed van Psalm 43 dan weer afgesluit met ’n selfgesprek, maar dié keer deur jouself moed in te praat dat God jou nie uiteindelik in die steek sal laat nie. God kan vertrou word, selfs al word die uitkoms nog nie gesien nie. Craigie sê hieroor: “when one turns from the memories and burdens within the mind and boldly addresses to God a plea for deliverance, the first step is taken on the path that leads ultimately to a restoration of the life of praise and to mental and spiritual health.” (Word Biblical Commentary).

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)