Skip to main content

Die bestaan van die duiwel, demone en engele

Written by Chris van Wyk on . Posted in Bybel, Demone. No Comments on Die bestaan van die duiwel, demone en engele

Ek het ‘n navraag gekry oor die bestaan van die duiwel, demone en engele. Ek haal ‘n stuk aan uit my boek Bid of Baklei? wat daaroor handel. Geniet!

Hoewel die angelologie (leer van die engele) en die demonologie (leer van demone) nie as ‘n deeglike uitgewerkte sisteem in die Skrif voorkom nie, word die bestaan van die engele, demone en die duiwel[i] deur die Skrifboodskap eenvoudig as ‘n werklikheid aanvaar. Daar is ‘n wye aanvaarding van engele en demone in die Bybel en ook in die ander Joodse tekse van daardie tyd (De Villiers, 1997:16.4), sonder om te veel oor hulle uit te brei.

Daar is byvoorbeeld geen sprake van ‘n dominerende rol wat hulle sou speel nie. Die enigste bestaansruimte wat hulle het, is een waarin hulle as ondergeskik aan Jahwe geteken word – die engele in die teenwoordigheid van God en die demone meesal weg van sy teenwoordigheid op die aarde en onder die aarde. Veral demone het in die Ou Testament ‘n totaal ondergeskikte plek gehad as dit vergelyk word met hulle rol in ander godsdienste (Vergelyk die groot voorkoms van byvoorbeeld besweringsformules in tekse uit die Ou Nabye Ooste teenoor die min gegewens hieroor in die Bybel). Daar is byvoorbeeld geen duidelike geval van duiweluitdrywings of bevrydingspraktyke in die Ou Testament nie.

Die bestaan van bose geeste word erken sonder om te veel daarvan te maak. Ons lees byvoorbeeld van Dawid wat vir Saul op die lier gespeel het toe ‘n bose gees – deur God gestuur! – hom ontstel het (vergelyk 1 Sam 16:14vv), sonder dat die duiwel uitgedryf is. In 1 Kon 22:21-22 kry Miga ‘n visioen van ‘n gees wat aan God voorstel dat hy ‘n leuengees word, wat Agab so ver moet kry om na die oorlog te gaan om te sneuwel, sonder enige betrokkenheid van mense in die proses nie. Soms is ‘n bose gees eerder ‘n aanduiding van ‘n slegte gesindheid wat tussen mense veroorsaak word – op gesag van die Here! Hy stuur vyandskap tussen samesweerders om hulle en hulle planne te ontwrig (Rigt 9:23 – Abimelek versus Sigem).

Continue reading

Datumvolgorde van die NT boeke

Written by Chris van Wyk on . Posted in Bybel. 1 Comment on Datumvolgorde van die NT boeke

Codex Sinaiticus: Matteus 6:4-32

Ek het ‘n navraag gekry oor die kronologie van die NT boeke en briewe.  Hier is ‘n kort bydrae daaroor.

Die NT is nie kronologies geskrywe nie en ook nie kronologies geplaas in ons Bybel nie. Die vier evangelies en Handelinge word altyd eerste geplaas, omdat die evangelies die bron van die hele boodskap van Christus is, en die res van die NT die skrywes van die apostels is wat daarop gebaseer is. Daarom word die dertien briewe van Paulus ná die evangelies en die Handelinge van langer na korter geplaas, en dan die res van die briewe van die ander apostels sowel as die Openbaring van die apostel Johannes.

Die NT is dus in sy samestelling duidelik die boodskap van Christus soos dit in die evangelie van Jesus Christus self (evangelies en Handelinge) en die boodskap van die apostels (briewe en die Openbaring) na vore kom.

Continue reading

Bly die wet van God steeds geldig vandag?

Written by Chris van Wyk on . Posted in Bybel. 9 Comments on Bly die wet van God steeds geldig vandag?

VYF REDES WAAROM DIE WET STEEDS GELDIG BLY VANDAG

In this undated photo provided by Alma mater Studiorum Universita' di Bologna, a document that an Italian expert says to be the oldest known complete Torah scroll. An Italian expert in Hebrew manuscripts says he has found the oldest known complete Torah scroll, a sheepskin document dating from 1155-1225. It was right under his nose, in the library of the University of Bologna, where it had been mistakenly catalogued a century ago as dating from the 17th century. Mauro Perani, a professor of Hebrew in the university's cultural heritage department, was updating the library's Hebrew manuscript catalogue when he stumbled upon the scroll in February. In an interview Wednesday, May 29, 2013 Perani said he immediately recognized that it had been wrongly dated given its script and other graphic notations. Two separate carbon-14 dating tests confirmed the revised dating. (AP Photo/Alma Mater Studiorum Universita' di Bologna)
In this undated photo provided by Alma mater Studiorum Universita’ di Bologna, a document that an Italian expert says to be the oldest known complete Torah scroll.

Die wet bly geldig vandag, soos Jesus dit verkondig in die Bergrede: “Moenie dink dat Ek gekom het om die wet of die profete te ontbind nie. Ek het nie gekom om te ontbind nie, maar om te vervul. Want voorwaar Ek sê vir julle, voordat die hemel en die aarde verbygaan, sal nie een jota of een titteltjie van die wet ooit verbygaan totdat alles gebeur het nie” (Matt. 5:17-18).

Daar is ten minste vyf redes waarom dit geldig bly.

Continue reading

Skrifgesag en die Bybel

Written by Chris van Wyk on . Posted in Bybel, Bybellees. 2 Comments on Skrifgesag en die Bybel

Inhoudsopgawe

Bybelskool.com bydrae grafika

1 Ons lees die Bybel nie in isolasie van ander nie
2 God oefen sy gesag uit deur die Bybel
2.1 Die Bybel se gesag lê in God opgesluit
2.2 God kom aan die woord deur die Bybel
2.3 Die Bybel is die geskrewe Woord van God
2.4 God vestig sy koninkryk met die boodskap van die Bybel
2.5 Die verhouding tussen OT en NT
2.6 Die Bybel self word gebruik om te onderskei tussen verskillende interpretasies
2.7 Die rol van ervaring
2.8 ‘n Mens kan dus onderskei tussen voorkeur interpretasies

Continue reading

Kan jy oor Jesus praat uit die OT?

Written by Chris van Wyk on . Posted in Bybel, Jesus. No Comments on Kan jy oor Jesus praat uit die OT?

Stel jou voor dat jy net die Ou Testament byderhand het.  Iemand vra jou uit oor Jesus.  Sou jy die OT kon gebruik om Jesus aan iemand bekend te stel?

Dis wat Jesus gedoen het op die pad na Emmaus.  Dit is wat Petrus gedoen het op Pinksterdag. Dit is wat Filippus gedoen het op die pad na Gasa.  Dit is wat Paulus gedoen het regdeur die bekende wêreld van sy tyd. Dit is wat alle Christene van die eerste eeu kon doen, want dié OT was al Bybel wat hulle gehad en geken het.

Dit is ook wat sommige van die vroeg Christelike Apologete in die tweede eeu n.C. gedoen het, al was al die NT boeke al geskryf en die meeste in gemeentes in gebruik. Ons het daarom regtig ‘n herwaardering nodig van die krag van die OT as die Woord van God in ons dag!  Die OT is net soseer die Woord van God as die NT, soos dit inderdaad vir die eerste Christene was.

JustinMichael Reeves, Theologians you should know, vertel hoe die Apologeet Justinus, die martelaar (100-165 n.C.), in sy belangrikste boek, Dialogue with Trypho, gemik op die anti-Christelike aansprake van die Judaïsme, sy argumente NÉT uit die OT voer, omdat dit genoegsaam die evangelie van Jesus Christus verduidelik, selfs sonder die getuienis van die NT wat teen daardie tyd al voltooi en in gebruik was.

Hy skryf as volg:

“If you knew, Trypho . . . who He is that is called at one time the Angel of great counsel, and a Man by Ezekiel, and like the Son of man by Daniel, and a Child by Isaiah, and Christ and God to be worshipped by David, and Christ and a Stone by many, and Wisdom by Solomon, and Joseph and Judah and a Star by Moses, and the East by Zechariah, and the Suffering One and Jacob and Israel by Isaiah again, and a Rod, and Flower, and Corner-Stone, and Son of God, you would not have blasphemed Him who has now come, and been born, and suffered, and ascended to heaven; who shall also come again, and then your twelve tribes shall mourn. For if you had understood what has been written by the prophets, you would not have denied that He was God, Son of the only, unbegotten, unutterable God.“

Pragtig!  Laat my dink aan Frank Viola en Leonard Sweet se boek, Jesus. A Theography, wat waarskynlik die moderne ekwivalent is van Justinus se werk.  Hulle werk net so kwistig met die OT as Justinus, miskien met ‘n bietjie beter eksegetiese finesse, maar steeds met verstommende insigte oor die verband tussen Jesus van die NT en Jahwe van die OT.

Justinus het vir sy verdediging van die evangelie geboet met sy lewe.  Hy is onthoof. Mag ons net so getrou aan dieselfde Jesus vashou – en die Ou Testament wat alreeds van Hom vertel – al kos dit ons ook ‘n prys.

Onlangse kommentaar