Datumvolgorde van die NT boeke

Codex Sinaiticus: Matteus 6:4-32

Ek het ‘n navraag gekry oor die kronologie van die NT boeke en briewe.  Hier is ‘n kort bydrae daaroor.

Die NT is nie kronologies geskrywe nie en ook nie kronologies geplaas in ons Bybel nie. Die vier evangelies en Handelinge word altyd eerste geplaas, omdat die evangelies die bron van die hele boodskap van Christus is, en die res van die NT die skrywes van die apostels is wat daarop gebaseer is. Daarom word die dertien briewe van Paulus ná die evangelies en die Handelinge van langer na korter geplaas, en dan die res van die briewe van die ander apostels sowel as die Openbaring van die apostel Johannes.

Die NT is dus in sy samestelling duidelik die boodskap van Christus soos dit in die evangelie van Jesus Christus self (evangelies en Handelinge) en die boodskap van die apostels (briewe en die Openbaring) na vore kom.

Ons het wel ‘n idee van die volgorde waarin Paulus se briewe geskryf is, maar dit is gebaseer op ’n hele reeks afleidings, omdat daar geen datums in die briewe self voorkom nie.  Dit is egter wel redelik waarskynlik dat hy die eerste NT boeke geskrywe het, omdat bv. Petrus na van sy briewe verwys.

Die moontlike volgorde van Paulus se briewe is soos volg:

  • 1 en 2 Tessalonisense – ongeveer 50-52 n.C. op Paulus se tweede sendingreis uit Korinte.
  • Galasiërs – ook ongeveer 50-52 n.C. (op grond van Handelinge 13 se vertelling van die gelowiges in dié gebied wat tot bekering gekom het – Suid-Galasië teorie) op Paulus se tweede sendingreis uit Korinte (dit kan ook die eerste brief wees, geskryf uit Antiogië in 49 n.C., indien dit die “sinodale vergadering” in Jerusalem voorafgegaan het soos Frank Viola in The Untold Story of the New Testament Church argumenteer – baie leesbare boek!).
  • 1 en 2 Korintiërs – ongeveer 54-57 n.C. uit Efese op Paulus se derde sendingreis.
  • Romeine – ongeveer 57 n.C. uit Korinte op Paulus se derde sendingreis.
  • Filippense, Filemon, Kolossense en Efesiërs – die vroeë 60er jare n.C. uit Rome.
  • 1 en 2 Timoteus en Titus – die middel 60er jare n.C. uit Rome, indien aanvaar word dat Paulus eers vrygelaat is en later in die sestigerjare tereggestel is.

Petrus se twee briewe sowel as die brief van Judas is waarskynlik in die vroeë 60er jare n.C. uit Rome geskrywe.

Markus se evangelie word waarskynlik eers hierna geskrywe in die middel 60er jare n.C begrond op die herinneringe van Petrus.  Dit is ook die eerste evangelie omdat daar so kwistig in Matteus en Lukas uit aangehaal word.

Matteus en Lukas sowel as Handelinge word in die laat 60er jare n.C. gedateer vóór die verwoesting van Jerusalem in 70 n.C.  Daar is ook ander teorieë daaroor.

Dan volg die ander evangelie van Johannes waarskynlik in die 70er jare n.C. – hoewel daar sommige geleerdes is wat dit vroeër dateer – sowel as die briewe van Johannes, Jakobus (dit kan reeds in die vroeë 50er jare geskryf gewees het as ‘n mens dit as ‘n reaksie op ‘n verkeerde verstaan van Paulus se boodskap verstaan) en die boodskap van Hebreërs.

Heel laaste is die Openbaring van Johannes, waarskynlik in die vroeë 90er jare n.C., geskrywe vanuit Patmos naby Efese, hoewel daar weereens geleerdes is wat dit vroeër dateer.

Al dié datums is natuurlik by benadering en onderhewig aan korreksie, omdat die datums nie in die briewe of boeke self aangebring word nie.  Ons moet deurgaans afleidings gebruik om by ons moontlike datums uit te kom.  Maar dit gee jou ‘n idee van hoe die NT min of meer geskrywe is.

 


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

Maak 'n opmerking

  • Chris van Wyk on OpenbaringHi Ronel, dit hang af wat die selgroepe doen. As dit net daar is vir die bestaande lidmate sal dit die gelowiges opbou, maar nie die gemeente groei nie. As daar 'n strategie is om ongelowiges te bevriend en te evangeliseer - uiteraard waar dit moontlik is in julle konteks - dan is kleingroepe 'n wes…
  • Ronel on OpenbaringDs Chris, wat is u mening oor selgroepe in die gemeente die belangrikste manier is om die evangelie in n gemeente uit the brei en gemeente getalle te vergroot? Sal graag u mening wil hoor. Ons is tans in die VAE in Al Ain. Hier is ongeveer 35 verskillende dominansies van gelowiges waarvan ons Suid A…
  • Chris van Wyk on OpenbaringHi Marelize, ja, jy kan dit hier aflaai: https://bybelskool.com/ek-kom-gou-n-boek-oor-openbaring-deur-chris-van-wyk/. (direkte skakel na die boek: https://ngkerksomerstrand.co.za/wp-content/uploads/2020/05/Ek-kom-gou.pdf) Daar is ook 'n skakel na 9 video's wat ek gemaak het oor Openbaring vir 'n Pin…
  • Marie Elizabeth on OpenbaringHi Chris Is dit moontlik om die studie materiaal tov die boek Openbaring as een n boek te onvang? Ons wil met die boek as bybelstudie begin maar wil nie elke hoofstuk apart aflaai nie Laat weet asb? Groete Marelize Van Niekerk Cell: 083 321 4666
  • Chris van Wyk on Lukas 16:1-13 – God vertrou ons met die ware rykdom as ons betroubaar is met aardse rykdomHi Mike, "ewige tente" of "ewige woonplekke" in Lukas 16:9 verwys na die lewe by God in die hemel (vgl Joh 14:2). Paulus skryf ook hieroor in 2 Korintiërs 5:1 en gebruik 'n ooreenstemmende metafoor vir die onverganklike liggaam wat ons in die hemel van God sal ontvang. Hy noem dit 'n "ewige gebou" o…
  • Mike on Lukas 16:1-13 – God vertrou ons met die ware rykdom as ons betroubaar is met aardse rykdomHi Chris, verduidelik vir my wat word bedoel met die woorde, "ewige tente".
  • Chris van Wyk on Genesis 35 – Jakob voltooi sy verbintenis aan God by Bet-El waar alles begin hetHi Petrus, in albei gevalle het die broers wel opgetree, maar in Dina se geval heeltemal oorboord gegaan, en in Tamar se geval sonder 'n regsproses. Dat Jakob en Dawid nie self opgetree het nie is waarskynlik te wyte aan nalatigheid, hoewel die Bybel nie hulle gedagtegang uitspel nie. Met Absalom se…
  • Petrus on Genesis 35 – Jakob voltooi sy verbintenis aan God by Bet-El waar alles begin hetBeste Chris Ek is weer by Genesis en met die Jakob verhaal is daar iets wat my opval: Jakob and Dawid se dogters is onteer en seuns was in opstand teen hul vaders, maar is nie gestraf vir hulle oortredings nie. Dit blyk ook uit ander verhale. Jakob het Ruben met sy seen "vervloek," maar hoekom het d…
  • Chris van Wyk on Psalm 29Dankie Tertia, my voorreg en plesier.
  • Tertia Botha on Psalm 29Dr Chris dankie dat jy met jou kennis en wysheid my sommer ook vandag toerus. Vandag word ek opnuut herinner van God se krag bo die natuur maar ook God se stem in die natuur!! Alledaagse herinneringe aan ons GOD wat alles goed geskep het en steeds daaroor heers.
  • Chris van Wyk on Inleiding op OpenbaringHou moed Amanda! Lees wat ek geskryf het vir Yvonne oor Psalm 103:5: https://bybelskool.com/psalm-1031-5-loof-die-here-wat-al-jou-siektes-genees/comment-page-1/#comment-29597
  • Chris van Wyk on Psalm 103:1-5 – Loof die Here wat al jou siektes geneesHi Yvonne Vers 5 moet in die konteks van die Psalm uitgelê word. Die eerste vyf verse vorm 'n eenheid: 1 Van Dawid. Loof die Here, o my siel, ja, alles wat in my is, sy heilige Naam! 2 Loof die Here, o my siel, en moenie enige van sy weldade vergeet nie – 3 Hy wat al jou sondeskuld vergewe, wat al j…
  • amanda on Inleiding op Openbaringhoe ( op aarde ) gaan God se koninkryk op aarde so gevestig word, dat Hy uiteindelik deur almal as Alleenheerser erken gaan word. Elkeen is so besig om sy eie ding te doen, dat dit byna onmoontlik klink. Dis vir my n moedelose gedagte.
  • Yvonne on Psalm 103:1-5 – Loof die Here wat al jou siektes geneesEk wil graag meer weet oor psalm 103vers 5
  • Chris van Wyk on 1 Samuel 28Hi Elsa, die doderyk is in twee gedeel. Kyk in Lukas 16 vir 'n beskrywing daarvan.
%d bloggers like this: