Tag: Wie is God?

SKEPPINGSPSALM

Psalm 19 is een van die skeppingspsalms (soos ook 29, 33, 65, 74, 104, 136, 147 en 148).  Dit roep die verloop van die skeppingsverhaal van Genesis 1-3 in herinnering.   Die Psalmis het gehoop dat dié Psalm mense in vervoering sou laat oor God, sodat hulle later as hulle van die tempel af huis toe gaan, met ‘n groter bewussyn van die heerlikheid van God sou lewe, sodat elke keer wat hulle weer kyk na die hemel en na die son en die normale gang van die dag en die nag ervaar, hulle van God bewus sou bly.

PSALM VAN DIE WOORD

Maar dié Psalm gaan nie net oor die heerlikheid van die skepping nie.  Dit beweeg van ‘n loflied oor die skepping na ‘n loflied oor die wet van God wat vir die mens doen wat die son doen vir die skepping.  Dit bring lig en krag en die teenwoordigheid van God self tot in die dieptes van die menslike hart (NT Wright).  En hierdie wet is natuurlik die spilpunt van die verbond wat Israel aan God verbind het, die hart van Sy Woord aan hulle.  Met die wet as hulle wegwyser, was Israel die uitverkore volk van die SkepperGod.

En die Psalmis het gehoop dat dié skets van die Woord, soos druppels heuning uit ‘n heuningkoek, hulle sou inspireer, sou laat begeer om in die Woord te lewe, dit hulle huis te maak, sodat God nie net ‘n veraf en van-bo-af God sou bly nie, maar die persoonlike God, dié een wat in die lewe deur sy Woord betrokke is, en hulle Hom sou ontmoet in die Woord en met sy Woord aan hulle sy en in hulle hart met Hom ‘n pad sou stap. Kortom, dat hulle Hom sal ken.

EIE VERTALING

Ek gee vandag my eie vertaling van hierdie gedeelte.  Ek doen dit 1) omdat daar nuanses is wat verlore gaan in die huidige vertaling, 2) omdat ek graag die gedagte-eenhede van die Psalm wil onderstreep, en 3) sodat jy in die lees daarvan geïnspireer kan word om elke oomblik van jou lewe bewustelik met dié God te lewe:

1. Lees die aanhalings uit die belydenisskrifte hieronder. Wat leer jy van die kennis van God? Wat beteken dit vir jou? Wat vra dit van jou?

Nederlandse Geloofsbelydenis artikel 2

DIE MIDDELE WAARDEUR ONS GOD KEN

Ons ken Hom deur twee middele:

Ten eerste deur middel van die skepping, onderhouding en regering van die hele wêreld. Dit is immers voor ons oë soos ‘n mooi boek waarin alle skepsels, groot en klein, die letters is wat ons die onsigbare dinge van God, naamlik sy ewige krag en goddelikheid, duidelik laat sien, soos die apostel Paulus sê (Rom. 1:20). Al die dinge is genoegsaam om die mense te oortuig en hulle alle verontskuldiging te ontneem.

Ten tweede maak Hy Hom deur sy heilige en Goddelike Woord nog duideliker en meer volkome aan ons bekend, en wel so veel as wat vir ons in hierdie lewe nodig is tot sy eer en tot die saligheid van hulle wat aan Hom behoort.

Ps. 19:2; Ef. 4:6; 1 Tim. 2:5; Deut. 6:4; Mal. 2:10; 1 Kor. 8:4, 6; 1 Kor. 12; 1 Kor. 1.

Westminster Geloofsbelydenis 1.1

Holy Scripture

1. Our natural understanding and the works of creation and providence so clearly show God’s goodness, wisdom, and power that human beings have no excuse for not believing in him.¹ However, these means alone cannot provide that knowledge of God and of his will which is necessary for salvation.² Therefore it pleased the Lord at different times and in various ways to reveal himself and to declare that this revelation contains his will for his church.³ Afterwards it pleased God to put this entire revelation into writing so that the truth might be better preserved and transmitted and that the church, confronted with the corruption of the flesh and the evil purposes of Satan and the world, might be more securely established and comforted.⁴ Since God no longer reveals himself to his people in those earlier ways,⁵ Holy Scripture is absolutely essential.⁶

1. Rom 2.14-15, 1.19-20, Ps 19.1-4, Rom 1.32, 2.1.
2. 1 Cor 1.21, 2.13-14, 2.9-12, Acts 4.12, Rom 10.13-14.
3. Heb 1.1-2, Gal 1.11-12, Dt 4.12-14.
4. Prv 22.19-21, Lk 1.3-4, Rom 15.4, Mt 4.4,7,10, Is 8.19-20, Lk 24.27, 2 Tm 3.16, 2 Pt 3.15-16.
5. Heb 1.1-2, see General Note.
6. 2 Tm 3.15-16, 2 Pt 1.10, Lk 16.29-31, Heb 2.1-3.

2. Loof die Here in gebed vir die spesifieke wysheid en insig wat die inhoud van hierdie geloofsbelydenisse jou gee.

God – wat alles gemaak het en op wie alles gerig is – wou baie mense deel laat kry aan die heerlikheid. Daarom was dit net gepas dat Hy hulle Voorganger – naamlik Jesus wat vir hulle die pad tot verlossing sou oop – maak – deur lyding volkome vir sy taak gereedmaak. (NLV)

1. God openbaar Hom nie net in die skepping en sy geskrewe woord nie. Ook, en veral in Jesus, ons Voorganger, soos Hebreërs 1 dit uitspel. Wat leer jy uit hierdie vers oor die doel van God se openbaring aan ons?

2. Watter rol dink jy het lyding gespeel in Jesus se lewe en gereedheid vir sy taak? Wat is Jesus se taak? Watter rol kan lyding in jou lewe speel? Hoe help Jesus jou daarmee?

3. Lees die gedeelte later vandag weer om jou aan Jesus, jou Voorganger, te herinner.

4. Jy kan later vanaand die gedeelte weer lees in die konteks van Hebreërs 2 sowel as my bydrae daaroor: Hebreërs 2-3:11 – Jesus is die Leidsman van ons verlossing en die Apostel en Hoëpriester van ons belydenis.

Hulle kan sy onsigbare eienskappe, naamlik sy ewige krag en sy Goddelikheid, reeds van die skepping van die wêreld af duidelik uit sy handewerk waarneem. Daarom kan hulle hulleself nie verontskuldig nie. (NLV)

1. Watter onsigbare eienskappe van God kan jy uit die skepping aflei? Kan ‘n mens dit miskyk en God daarvoor verkwalik?

2. Wat is jou ervaring van God se ewige krag en Goddelikheid?

3. Lees die verse later vandag weer om jou te herinner aan God se kragtige nabyheid wat nooit sal ophou nie.

4. Jy kan later vanaand die gedeelte weer lees in die konteks van Romeine 1 sowel as my bydrae daaroor: Romeine 1 – God spreek mense vry enkel en alleen omdat hulle glo.

U woord, Here, is vir altyd, dit staan vas in die hemel. U trou is vir geslag na geslag, U het die aarde gevestig, en dit staan nog vas. U bepalings is vandag nog waar, want al hierdie dinge is u dienaars. As u gebooie nie vir my vreugde was nie, sou ek gesterf het van ellende. Ek sal u bevele nooit vergeet nie, want daardeur gee U my die lewe. Ek behoort aan U; red my tog! Want ek vra na u bevele. Bose mense wag my in om my dood te maak, maar ek neem u waarskuwings in ag. Selfs volmaaktheid het sy perke, maar u gebooie ken geen grense nie. (NLV)

1. Psalm 119 besing die wonder van die woord van God. Onderstreep al die beskrywings daarvan en oordink die betekenis daarvan vir jou. Watter vreugdes het die woord al vir jou gegee?

2. Gebruik dié verse as ‘n dank- en lofgebed in jou eie woorde. Onthou ook dat die Psalmis praat van die uitdaging van bose mense wat ‘n mens se getrouheid aan die woord kan beproef. Bring jou eie situasie voor die Here en bid vir volhardende vertroue.

3. Lees die verse later vandag weer om jou te herinner aan die wonder van die woord van God.

4. Jy kan later vanaand die gedeelte weer lees in die konteks van Psalm 119 (bydraes oor die hele Psalm is daar beskikbaar) of my bydrae oor die gedeelte: Psalm 119:89-96 – LAMED – Vir ewig staan u woord vas.